南昌公園黃花風鈴木盛開 滿天黃花鮮艷不俗氣

南昌公園黃花風鈴木盛開 滿天黃花鮮艷不俗氣



位於深水埗區近南昌邨嘅南昌公園,有一個超大草坪,平時可以野餐或放空,旁邊仲有兒童遊樂場俾小朋友放電。公園內,平時枯枝瘦葉唔多覺眼,但每逢3至4月春季花開時,花團錦簇馬上吸引愛花惜花之人,有唔少攝影發燒友專程嚟影靚花,亦有唔少人嚟打卡,絕對係今個春天拍拖必到景點。

延伸閱讀﹕【2021賞花地圖】南昌公園黃花風鈴木綻放黃到金 2月搶閘開花迎接片片黃海

    

今個春天,黃花風鈴木盛開,鮮艷而不俗氣嘅黃花,帶有幾分清純英氣,引嚟唔少人為佢拍攝寫真。南昌公園草坪有多條行人徑,劃分出五塊草地,每個位置基本上都有黃花風鈴木,數一數大概有至少二、三十棵黃花風鈴木,抬頭漫天黃花,俯首同樣遍地黃花,現場環境其實幾壯觀。

黃花風鈴木學名係Tabebuia Chrysantha,簡稱Yellow Pui,原產地係巴西、墨西哥,每逢3月開花,顏色偏金黃色,無香味,花冠漏斗形,分為五片花瓣,狀似風鈴,花緣皺曲,花季時花多而葉少,嬌艷金黃色似足報春。一年四季會有唔同現狀,春天黃花盛開,夏天長葉結果莢,秋天佈滿綠油油枝葉,冬天則滿地枯枝落葉。

發現有人將黃花堆砌成心形,然後人坐喺心形黃花後面或旁邊打卡,事實上將人物放喺心形旁邊根本毫無美感,不論一個人定兩個人,反而放公仔先有感覺。

小編特別提醒,要影靚黃花,其實唔需要太花巧,隨地執起嘅一至兩朵黃花,手執黃花一樣可以影出靚相,反而先更突顯黃花風鈴木嘅細節。

黃花風鈴木盛開花期為3至4月,黃色花海下影相的確好靚,要趕住做「黃花」閏女嘅朋友記得要留意黃花風鈴木盛開時間啦!

E.A.Tips﹕
要避開人潮,建議朝早12點前就要到,否則人群一多,就難以影靚相。如果各位美女要打卡嘅話,特別推介喺石仔路影,pattern效果會更好。要影wideshot嘅話,最好睇光線而定,石仔路斜角小路影去中央會好有感覺。

南昌公園只係特別多黃花風鈴木盛放,事實上其他公園都有黃花風鈴木盛開,例如維多尼亞公園、嘉道理農場、動植物公園、沙田中央公園、上水公園、青衣公園等。

賞花還賞花,記得要做個有質素嘅香港人﹕
1. 保持安靜,勿開喇叭聽歌或大聲講大聲笑
2. 自己垃圾要自己帶走

交通﹕
由深水埗去或直接由南昌去,過條馬路即達
元州邨步行過去大概需時30mins
南昌邨步行過去就只係5至7mins

南昌公園
地址﹕ 深水埗深旺道20號
開放時間﹕24hours

延伸閱讀﹕鰂魚涌公園綻放紅花風鈴木 3月紫紅風暴超壯觀

延伸閱讀﹕將軍澳櫻花樹下打卡 捕捉最後一朵櫻花

延伸閱讀﹕蔚藍天空映襯粉紅櫻花 大埔海濱公園野餐賞櫻

延伸閱讀﹕黃大仙驚現禾雀花 外形奇特被列瀕危保護植物

延伸閱讀﹕錦田石崗村睇火紅木棉花 燦爛盛開勁吸睛

延伸閱讀﹕馬鞍山蒲桃開花似光纖 果實香甜可食用

延伸閱讀﹕天水圍公園垂落串錢柳勁搶眼 睇埋代表香港嘅洋紫荊

延伸閱讀﹕沙田公園睇宮粉羊蹄甲 狀似洋紫荊到底點分?

延伸閱讀﹕抗疫賞花!動植物公園激罕繡球樹開花 大紅色超有氣派

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!