[sig_post_pv label=”瀏覽:”]
Global Warming愈來愈嚴重,到今年春天仲有繁花盛開認真難得,3月剛到,高聳嘅木棉樹亦開始遍及香港各區,今次小編兩個人就一齊帶大家去吓元朗錦田石崗村睇紅棉啦!
由錦田去雷公田村方向會見到軍營,兩旁會有紅棉列隊歡迎,絕對係春季拍拖打卡點。木棉樹樹枝頂有大大朵紅花,有花無葉,一朵又一朵火紅木棉鮮艷奪目,燦爛盛開,仰望滿天紅棉,真係幾壯觀呢!行入雷公田仲可以去埋農場鮮奶 (疫情影響下現暫停開放),可以飲鮮牛奶同餵羊,甚至順便BBQ同行山。
延伸閱讀﹕【2021賞花地圖】紅棉列隊石崗軍營兩側 雷公田村賞火紅木棉花極清靜



木棉樹有紅棉之稱,亦有人稱為英雄樹,樹頂佈滿紅花,所以一般稱為木棉花,木棉花同黃花風鈴木一樣,四季變化多端,其實都係一個季節標記,春天紅花盛放,夏天綠葉成蔭,秋天枯枝葉黃,冬天則滿地落葉。
屬於木棉科嘅木棉花,火紅色澤相當鮮艷,花形偏大,花冠有五瓣,同普通花朵有啲唔同,執起上手有一定重量,要小心唔好被木棉花掟中。
石崗村係香港軍營,屬駐港解放軍用地,英殖時期已為英軍使用,錦田去雷公田方向兩邊都係軍營宿舍嚟,入去就係犯法,而家去個個門口都仲有兩三個軍人喺門口站崗,未必再俾人入去影木棉花!
留意石崗村同石崗軍營有2公里距離,留意你要去嘅目的地,千祈唔好搞錯賞花地點 (地點為石崗村)。
賞花還賞花,記得要做個有質素嘅香港人﹕
1. 保持安靜,勿開喇叭聽歌或大聲講大聲笑
2. 自己垃圾要自己帶走
交通﹕
荃灣站上天橋巴士站搭乘九巴51號,到石崗站落車,價錢$8.9
錦上路站轉九巴64K號往大埔方向,到上村甫落車步行回迴旋處再往荃錦公路方向直上 , 價錢$5.8 (分段收費 , 上車時會扣減$8.4全費 , 需於落車前喺八達通收費機再拍多次就會回贈差額)
或者往雷公田方向嘅72號綠色小巴一樣可以到達
石崗村
地址﹕新界錦田石崗
位置為林錦公路、荃錦公路交界,南面為雷公田
延伸閱讀﹕將軍澳櫻花樹下打卡 捕捉最後一朵櫻花
延伸閱讀﹕馬鞍山蒲桃開花似光纖 果實香甜可食用
延伸閱讀﹕抗疫賞花!動植物公園激罕繡球樹開花 大紅色超有氣派
在〈錦田石崗村睇火紅木棉花 燦爛盛開勁吸睛〉中有 7 則留言
留言功能已關閉。