蔚藍天空映襯粉紅櫻花 大埔海濱公園野餐賞櫻

蔚藍天空映襯粉紅櫻花 大埔海濱公園野餐賞櫻

[sig_post_pv label=”瀏覽:”]





大埔海濱公園近大埔工業邨、富善邨同廣福邨,面積寬廣,有超大嘅草地,一般係影相、野餐、散步或放電之處,原來每逢春天來臨有特別驚喜,香港嘅公園竟然有櫻花睇?

園內嘅正在盛放嘅櫻花品種為鐘花櫻桃,開花期為3月上旬至中旬,櫻花顏色鮮艷,樹上掛滿綿密嘅粉紅色花朵,櫻花朵朵透光,有蔚藍天空映襯,拍攝時顯得更有光彩。小編最初驟眼睇以為係桃花,細心觀察先發現花蕊似櫻花,翻查後確定原來真係櫻花,無諗過香港咁多地方都有得睇櫻花,的確好驚喜。

延伸閱讀﹕【2021賞花地圖】激罕墨染櫻! 大埔海濱公園一隅遍佈富士櫻 雨後櫻花更顯立體感

    

不過櫻花數量唔算多,未算可以影到漫天櫻花花海,所以小編兩個人去到現場時,睇櫻花嘅人唔多,只有另外一、兩個揸長鏡嘅大叔喺度影櫻花,其實少人打卡仲好,既可以影相,亦可以慢慢觀賞。櫻花向來都係拍拖打卡點,但武漢肺炎疫情嚴峻,飛唔到去日韓,兩個人留喺香港都可以一邊野餐、一邊睇櫻花嘅!

除咗櫻花之外,仲有其他花海值得欣賞,比如櫻花旁邊有棵合歡樹,合歡花亦有朱櫻花、粉撲花之稱,合瓣花冠,多條雄蕊呈淡紅色,頭狀花序喺頂頭排成圓錐形。花語有兩兩相對、永遠恩愛、夫妻好合意思,適合夫妻或情侶拍拖打卡。

園內其他花卉有向日葵、合歡樹、萬壽菊、矮牽牛等,花卉色彩繽紛,一片花海打卡超靚。

值得一提嘅係園內仲有個茶花園、玫瑰園等,園內種植咗50多種玫瑰,玫瑰花花色有濃有淡,未開花同已開花嘅玫瑰各有感覺,喜愛玫瑰花嘅你絕對唔可以錯過。

想喺香港睇櫻花,都要記得留意花期呀!

賞花還賞花,記得要做個有質素嘅香港人﹕
1. 保持安靜,勿開喇叭聽歌或大聲講大聲笑
2. 自己垃圾要自己帶走

交通﹕
大埔墟站轉乘72A/73/73X/75X/271/275R/74K/75K/71K/71S號九巴
或K17號港鐵接駁巴士,富善公車總站落車,經完善公園由隧道行過去
直接由大埔墟站過去要約30mins

免費入場

大埔海濱公園
地址: 大埔工業邨大發街
開放時間: 24hours
電話: 2664 2107
網址﹕https://www.lcsd.gov.hk/tc/parks/tpwp/index.html

延伸閱讀﹕南昌公園黃花風鈴木盛開 滿天黃花鮮艷不俗氣

延伸閱讀﹕鰂魚涌公園綻放紅花風鈴木 3月紫紅風暴超壯觀

延伸閱讀﹕將軍澳櫻花樹下打卡 捕捉最後一朵櫻花

延伸閱讀﹕黃大仙驚現禾雀花 外形奇特被列瀕危保護植物

延伸閱讀﹕錦田石崗村睇火紅木棉花 燦爛盛開勁吸睛

延伸閱讀﹕馬鞍山蒲桃開花似光纖 果實香甜可食用

延伸閱讀﹕天水圍公園垂落串錢柳勁搶眼 睇埋代表香港嘅洋紫荊

延伸閱讀﹕沙田公園睇宮粉羊蹄甲 狀似洋紫荊到底點分?

延伸閱讀﹕抗疫賞花!動植物公園激罕繡球樹開花 大紅色超有氣派

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!