黃大仙驚現禾雀花 外形奇特被列瀕危保護植物

禾雀花嘅學名係白花油麻藤（Mucuna birdwoodiana），由於貌似禾雀，故被人命名為禾雀花，每年3至5月盛開，原產地係亞洲熱帶同亞熱帶地區，屬於豆科油麻藤嘅常綠木質藤木，花期約40日。一般可以喺嘉道理農場見到，今次小編兩個人喺黃大仙廣場發現顏色偏紫嘅禾雀花係常春油麻藤（Mucuna sempervirens）。

延伸閱讀﹕【2021賞花地圖】罕見瀕危保護植物 黃大仙禾雀花似玲瓏翡翠鳥

外形奇特嘅禾雀花卵狀呈橢圓形，有8至13cm，花冠為白色或紫色，長7至9cm，開花期莢果木質可有40cm。花開時似足禾雀，花托為頭，小黑點為眼，中間一瓣彎弓為背，兩邊花瓣為翼，底瓣向後延伸則為尾，花蕊更被指為內臟。禾雀花開花時，似足玲瓏的翡翠鳥置身花藤當中。今個春天，算係罕有嘅拍拖打卡點。

    

禾雀花睇落有光澤，白花油麻藤顏色淡黃，開花結果時間要30年，係原生植物；而常春油麻藤比較矜貴，以高貴嘅紫色為主，現時得好少地方有，被列為香港瀕危保護植物。

禾雀花喺郊區比較常見，一般喺較潮濕嘅地方生長，白花油麻藤喺稍粗嘅藤由底到頂長出花枝，禾雀花最叻向上攀爬，似足巨蟒盤纏大樹，花多時較震撼。

另外，禾雀花藤莖可以入藥，有助強健筋骨，亦有祛風濕、舒筋活絡同補血作用，的確曾有人當草藥，不過禾雀花嘅籽有毒，唔可以進食，安全起見，大家都係賞花啦！

賞花還賞花，記得要做個有質素嘅香港人﹕
1. 保持安靜，勿開喇叭聽歌或大聲講大聲笑
2. 自己垃圾要自己帶走

交通﹕
黃大仙站A或E出口，後面就係

黃大仙廣場
地址： 竹園龍翔道
開放時間： 24hours
電話： 2351 7535

延伸閱讀﹕南昌公園黃花風鈴木盛開 滿天黃花鮮艷不俗氣

延伸閱讀﹕鰂魚涌公園綻放紅花風鈴木 3月紫紅風暴超壯觀

延伸閱讀﹕將軍澳櫻花樹下打卡 捕捉最後一朵櫻花

延伸閱讀﹕蔚藍天空映襯粉紅櫻花 大埔海濱公園野餐賞櫻

延伸閱讀﹕錦田石崗村睇火紅木棉花 燦爛盛開勁吸睛

延伸閱讀﹕馬鞍山蒲桃開花似光纖 果實香甜可食用

延伸閱讀﹕天水圍公園垂落串錢柳勁搶眼 睇埋代表香港嘅洋紫荊

延伸閱讀﹕沙田公園睇宮粉羊蹄甲 狀似洋紫荊到底點分？

延伸閱讀﹕抗疫賞花！動植物公園激罕繡球樹開花 大紅色超有氣派

Δ 版權為E.A.Two 兩個人醫吓肚所有，歡迎轉貼連結，勿全篇文章轉載

Δ 如果覺得我哋嘅介紹啱睇，就Like吓我哋Facebook / Follow吓我哋Instagram啦！