由香港動植物公園最近種植嘅繡球樹開花啦！武漢肺炎仍然肆虐，香港人未能自由飛嚟飛去，兩個人無得去台灣，唯有喺香港賞花先啦。呢棵繡球樹有50朵小花組合而成，花期為4月至5月，果期為開花期之後2個月，有興趣不妨拍拖去打個卡呀！
桃紅色嘅吊芙蓉 最啱少女打卡
吊芙蓉 
桃紅色嘅吊芙蓉最啱少女打卡！ 
繡球樹
繡球樹學名為Brownea grandiceps，屬蘇木科嘅常綠喬木，春季開花時為胭脂紅色，加上長得似足圓球狀，故亦有委內瑞斯玫瑰之稱。繡球樹可生長6米至6米高，樹幹約20至30cm，冠低且密，樹葉為偶數羽狀複葉，長披尖形，呈褐色，有淡紅或淡綠小點，遠睇會以為係枯葉，近睇其實幾柔軟。
紅花盛開時，直徑有約15cm，雄蕊呈黃色，總狀花序，花朵懸於葉叢花柱，果實則為莢果，約25cm長，呈綠色兼似絲絨。
除咗繡球樹開花外，仲有唔同品種嘅百合花、朱纓花、牽牛花等等，慢慢賞花可以Hea足半日。
香港動植物公園係全港最歷史悠久嘅公園，曾經叫兵頭花園，主要睇動、植身，仲有古蹟徑、英皇佐治六世銅像、紀念牌坊、石柱等有歷史印記嘅地方，行到攰亦可以去涼亭同噴水池抖一抖。
賞花還賞花，記得要做個有質素嘅香港人﹕
1. 保持安靜，勿開喇叭聽歌或大聲講大聲笑
2. 自己垃圾要自己帶走
香港動植物公園遠離市區，只係靠近有由香港警察做security守住嘅禮賓府，雖然有小食亭，不過最好都係自己帶齊充足食水同糧食。
交通﹕
地鐵中環站/金鐘站落車
或山頂纜車堅尼地道站/麥當勞道站落車
或巴士12/12A/12M/13/23/23B/40/40M/103
或綠色小巴1A/22/22S/28
免費入場
香港動植物公園
地址﹕香港中環雅賓利道
開放時間﹕噴水池平台花園 05:00 – 22:00；
溫室 / 教育及展覽中心 09:00 – 16:30；
其他 06:00 – 19:00
電話﹕2530 0154
延伸閱讀﹕將軍澳櫻花樹下打卡 捕捉最後一朵櫻花
延伸閱讀﹕錦田石崗村睇火紅木棉花 燦爛盛開勁吸睛
延伸閱讀﹕馬鞍山蒲桃開花似光纖 果實香甜可食用
在〈抗疫賞花！動植物公園激罕繡球樹開花 大紅色超有氣派〉中有 8 則留言
留言功能已關閉。