【#元宇宙Kitty】疫情後，香港展覽業雖然未至於復甦，但開始逐步回復少少正常狀態。eatwo發現飲食依舊處於低位，除咗兩餸飯之外，基本上結業潮一直湧現，而香港人亦少有支持小店。故此，eatwo亦準備多提及各類展覽型活動，方便大家拍拖兩個人去打卡影吓相。如果要選展覽活動頭炮，編輯打算先自肥一下，以最愛的Hello Kitty開始，剛巧最近東涌商場就有一個以Hello Kitty為題的展覽活動，商場週邊到處都隱藏Hello Kitty餐廳或紀念品商店，而主要場地則有巨型Hello Kitty身處幻彩城堡內，恍若進入元宇宙世界！幸運的話，更會遇上Kitty真身現身同大家Say Hello，絕對是忠粉必去打卡之地！
【#港版teamlab】香港目前處於春夏交接期，天氣變幻莫測，時而出太陽，時而落雨，近排經常落雨，好多人都被打亂Schedule，唔知拍拖兩個人落雨去邊好，除咗平常嘅博物館外，其實上月至今重有一個剛剛完成保育嘅文化館重開，既係一級歷史建築物，而且免費開放公眾，內部更有一個小房間以TeamLab模式設計，室內有唔少互動，有如香港迷你TeamLab，但室內最有價值嘅地方只係一個小角落，你估到係邊度嘛？
【#星期日限定】近年，唔少地區都加入藝術創作，新界區更有一個個藝術村，壁畫分佈於村內每個角落，吸引唔少人關注，甚至拍拖兩個人前往影相打卡。而事實上，壁畫不僅只限於新界藝術村，連市區一樣存在，今次編輯於九龍區亦找尋到一個假日限定影相位，7幅巨型藝術壁畫竟然出現於五金工程店舖鐵閘上，平日未必見到，只有假日店舖關門時先會出現，每個鐵閘上嘅壁畫更以香港電影為主題，甚有意思！
【#香港古道2023】即將踏入仲夏季節，天氣炎熱，行山可能係不可能任務，但又難以個個禮拜出海玩水，其實夏天都可以行山嘅。今次編輯就推介9道本地適合拍拖兩個人嘅夏天行山路線，9條路線都係隱藏香港古道，路線簡單，沿途滿佈樹蔭，清涼舒適。
【#校園歷史遺跡】由於無「疫苗通行證」，編輯上年有好多地方係唔俾拍拖兩個人進入，當中包括大學校園。其實編輯要進入大學校園，並唔係為咗啲乜，只係想進入校園記錄剩餘嘅香港大學校園範圍T形街牌，估唔到想為個殖民時代舊街牌留念，都要經過重重難關。
【#神秘街牌】如果提到香港早期嘅打卡點，火車博物館絕對係第一代嘅文青打卡點，雖然佔地不大，但就係初期拍拖兩個人嘅影相好去處。今次編輯就帶大家重遊香港鐵路博物館，發現有啲嘢唔同咗，同時喺火車博物館附近，原來重隱藏咗一塊隱藏式T形街牌，為大家揭開殖民時代街牌嘅神秒面紗。
【#香港炮台】提到博物館，你諗起啲乜呢？近一年，編輯只諗到唔俾進入，但唔係個個博物館都係因為無針而唔俾進入嘅。當中，香港海防博物館就早於2018年因為被颱風「山竹」破壞，而需要暫時關閉及修繕工程。近月，香港海防博物館終於重開，翻新工程整整歷史四年，最大優點係由付費入場變成免費入場，睇展覽之餘亦可以於炮台頂端賞景，眺望鯉魚門方向。
【#校園一日遊】中文大學有兩個著名嘅人氣打卡點，近年變成拍拖兩個人嘅影相位，一個係未圓湖，另一個係合一亭，兩個地點其實相距一大段路，分別近崇基書院同新亞書院。適逢秋天楓香、落羽松盛放季節，編輯就前往中文大學遊覽，更意外嘅係當中有香港銀杏！不過點解我哋會想乘機進入中文大學？因為明明崇基書院大埔公路入口係必經之路，早幾個月唔俾我哋進入，唔俾我哋下行至鐵路站隔離巴士總站搭車，家陣重唔報仇咁走入去？
【#新舊對立】粉嶺皇后山邨於近月陸續入伙，新舊交替，碩果僅存嘅舊物淨返幾多呢？以殖民時代嘅T形街牌為例，粉嶺區內嘅舊街牌原來只係得返3個，有一個躲藏於市中心內，而另外兩個則離皇后山邨不遠，拍拖兩個人經過呢兩個地方時，你又有無留意到呢？
【#山腳街牌】舊式T形街牌向來集中於九龍區、港島區，新界區、大嶼山、離島區都係比較少見，當中粉嶺區雖然有3個街牌，但跨過山嘅另一端，原來營盤方向重有一個T字街牌躲藏於山腳之下，位置同人嘅高度相近，拍拖兩個人於熱門嘅蝴蝶山、北大刀屻行山時，不妨抬頭查看一下呢個舊式街牌啦！由舊街牌起步，經營盤村亦可以直上蝴蝶山，一端小秘道可享無遮擋日落景，俯視上水方向，另一端可以直接往返粉嶺市中心，路段簡單又方便。
