【#真日式居酒屋】香港人對於香港餐廳小店水平標準要求特別高，恍惚要批評先代表自己有品味，但事實上懂得批評並唔等於有品味，懂得如何欣賞先係最高境界。至今，E.A.Two編輯從來都未見過有一間香港餐廳小店係無任何香港人批評過；連帶做其他事情都係一樣，分別在於你紅定唔紅，無論你做到90分定100分，始終都有人批評。今次E.A.Two前往一個尖沙嘴被稱為「死場」嘅商場，當中有一間水準頗高、來自日本人嘅日式居酒屋，縱然走唔甩一定會有少數人批評，但至少好少見人大力批評，編輯試過後亦想豎起手指公讚好，值得情侶拍拖兩個人去撐檯腳。
【#吞拿魚丼】尖沙嘴厚福街向來係該區一條知名食街，小街道上滿佈食肆，地舖及樓上舖皆宜，當中「鉄火堂」多年來一直以吞拿魚為主打，包含各式魚生丼，不妨拍拖兩個人試一試。
【#最後倒數】近一至兩年，香港結業潮湧現，好多餐廳都敵不過市場及租金問題，最終只能選擇結業，想要再拍拖兩個人搵食都唔容易。今次E.A.Two前往尖沙嘴一間小型越南菜餐廳，沒料到第一次食就聽到老細講準備結業！
【#新年禮盒】目前正在煩惱今年拍拖兩個人要買咩賀年禮盒俾雙方長輩嗎？E.A.Two編輯有好介紹，最近「望月」於多個香港商場都有搞期間限定店Pop Up Store，今次唔賣月餅，反而轉為賣曲奇禮盒。不僅包裝設計精美，送禮體面，價錢唔貴，而且曲奇新款而變化多漾，並非只係單單原味牛油曲奇，尤其係茶味曲奇，送俾長輩更可關心健康。即刻睇睇有咩款式同價錢，記得留意早鳥優惠呀！
【#西餐廳酒吧】尖沙嘴一帶有唔少酒吧，諾士佛臺就係著名嘅尖沙嘴酒吧街，媲美中環蘭桂坊。如果想喺尖沙嘴區靜靜哋拍拖兩個人飲酒用餐，未必一定要去酒吧街，可以搵吓一啲小型酒吧餐廳，既可以飲酒，亦可以飽餐一頓。山林街就有一間迷你西餐廳式酒吧，地方雖小，環境清靜，更可歎原隻龍蝦！
【#區區有小店】近年，香港不斷有餐廳宣佈結業，唔少有質素嘅餐廳都逐步消失，同香港講拜拜，本地尚存嘅小店數目愈來愈少。今次編輯就一次過總結返我哋實試過嘅餐廳推介，結合現時仍然有嘅餐廳美食，方便大家繼續支持本土小店，第二十二炮找尋尖沙嘴尚存嘅本土餐廳。
【#台式平食】尖沙嘴美食眾多，多數價錢都係比較昂貴，拍拖兩個人可能每次負擔都會較高，而其中厚福街雖位處鬧區，但有唔少細舖，今次去咗一間由門面到室內都好罨耷嘅台灣菜食店，寫明以賣肉燥飯為主，但餐牌就乜都有，牛肉麵、小火鍋等隨便任揀，環瞰週圍客人，反而無乜人食肉燥飯，多數一係食麵，一係小火鍋，到底伏唔伏呢？
【#外賣Tea Set】如果想食Afternoon Tea，但又因為某啲原因無得堂食，其實一樣可以選擇戶外野餐，目前仍舊有唔少小店都有提供外賣版嘅Afternoon Tea，即使外賣自取方式，仍然可以拍拖兩個人或同閏蜜開開心心去草地野餐。唔好問點解編輯夜晚先開餐，純粹想食又就唔啱時間，唯有6點前取貨，6點後再食，以佢食物款式嚟講，除咗一般嘅鹹點、甜點，其實都有飽肚富士山造型日式飯糰，故都係可以當晚餐。
【#尖沙嘴拉麵】尖沙嘴區內拉麵店數目唔少，不過同路人嘅就少之又少，如果再加上質素評價，拍拖兩個人就更難以選擇，而市中心內就有一間拉麵店，雖然不如台風拉麵嘅高水準，但拉麵湯底各樣質素就係可以接受嘅水平。
