尖沙嘴一帶有唔少酒吧，諾士佛臺就係著名嘅尖沙嘴酒吧街，媲美中環蘭桂坊。如果想喺尖沙嘴區靜靜哋拍拖兩個人飲酒用餐，未必一定要去酒吧街，可以搵吓一啲小型酒吧餐廳，既可以飲酒，亦可以飽餐一頓。山林街就有一間迷你西餐廳式酒吧，地方雖小，環境清靜，更可歎原隻龍蝦！
位於尖沙嘴山林道嘅「JUST’er Bar & Restaurant」，鄰近彌敦道，交通便捷，只係店名最敗筆之處係難記難寫，「’」既難tag，大小階亦難記。其中，Assorted Platter Set有3款，揀個平少少嘅「門西淋牛豬仁雞VS蝦兵蟹將」，勉強足夠2位用，價格為$490，人均大概$250，飲品另計，500蚊嘅西式套餐有咩食？
店內地方偏小，牆上亦有Slogan霓虹燈牌，亦有「MK」版獨角獸狀霓虹燈牌，從玻璃透視可望山林道街景。室內環境燈光昏暗，同一般酒吧無異，只不過似乎選用西餐廳模式，能夠同時用餐及飲酒。
一份Dinner Set有5款小食，先於焗豬仔骨、脆炸美國魚柳、9oz美國安格斯西冷中選一份，牛類需要另外加$40。然後有多汁淫蝦、半隻慢煮蒜香春雞、炸軟殼蟹，重有香脆薯條、真茄汁意粉二選一。而另外2款Dinner Set價錢較高，主要係主食有分別，同埋部份小食份量打孖上。
整個Dinner Set恍如海陸空拼盤，基本上都係鹹度偏高，部份肉類更灑上大量孜然粉，不過既然係賣酒，絕對明瞭其用意。酒類必須配有佐酒小食，先可以令人食極唔停。
整個Dinner Set最精彩之處必然係大大隻龍蝦，原隻上檯感覺特別霸氣，而龍蝦既一分為二，方便二人食用，亦連有龍蝦鉗，龍蝦肉質新鮮，爽口鮮甜，連蝦膏都好惹味。而炸成金黃嘅薯條，有如金拱門嘅薯條狀，屬幼身薯條，入口甘香，食到底依舊脆卜卜，未有被上面豬牛雞肉汁浸軟，想飽肚啲建議選意粉。
店內炸物似乎唔錯，炸軟殼蟹亦香脆可口，同樣一隻一分為二，方便二人食用。而焗豬仔骨坊間通常都係偏貴，呢間尚且化算，大概有5至6條骨，豬仔骨味道偏濃，豬仔骨醬汁味道似豬肉乾。至於半隻慢煮蒜香春雞表面有大量孜然粉，粉量過多，多到似國內嘅串燒。
各款小食比較適合當下酒菜，皆因鹹度偏高，屬佐酒之選。所有酒類不包括於Dinner Set內，而唔飲酒嘅編輯只能選非酒精類。當中有整個list中比較特別嘅星爆氣流斬改EX、忘了愛，名字充滿玩味，分別係波子汽水味、檸檬特飲，每杯$45。2杯都係入口偏甜，都係似Soda，一杯呈水藍色，一杯呈草綠色。
E.A.Tips :
❷ 付款方式接受Visa、Master、現金、AE、銀聯支付。
❸ 店內有加一服務費。
❹ 繁忙時間限時90分鐘用餐。
JUST'er Bar & Restaurant
尖沙嘴山林道13號地下A1-A2號舖
12:00 - 23:00
2341 5628
美孚全新五目食堂街坊價日式定食餐CP值高！甜品森林姊妹店、Cafe 82舊店重開！
【#美孚新店】雖然香港近年係出現結業潮，但依然有唔少小店於逆市中開業，非常勇敢，更加值得拍拖兩個人支持。美孚早前就有間咖啡店宣告結業，近日就有間同樣位於該區嘅小店喺原址開設姊妹店，以日式定食為主打，E.A.Two前往呢間新店嘅時候，只係剛剛試業5日！
上環半山樓梯街轉角黃色頭盔公仔壁畫已失蹤！輝煌快餐店平價港式碟頭飯！醫學博物館咫尺可達！
【#半山快餐店】香港地道美食其實真係值得推廣出去，雖然好多已經消失得無影無蹤，但依然有唔少真港式美食存在。現時好多香港餐廳已經唔再係本土美食，甚至只係扮港式，如果唔同外地旅客講，真係外地旅客們好大可能會誤解咗港式餐廳。E.A.Two今次上行至上環半山一帶，再次前往當中一間樓梯轉角處嘅地道港式快餐店，呢間小店毗鄰一間博物館，適合拍拖兩個人前往，只不過原先嘅靚靚壁畫已經被消失。
灣仔《米芝蓮》中菜原汁原味、主打無味精菜式！原籠蒸飯／鴨腿湯飯／菠蘿咕嚕肉、$8碗中式糖水
【#原汁原味】香港餐廳能夠經營多年唔容易，能夠維持水準更難，灣仔有一間標榜無味精同少油嘅中菜館，連名都講明「原汁原味」，甚至獲得《米芝蓮》星級推介，追求無味精嘅話，不妨拍拖兩個人一試。
坪洲轉角咖啡店出色Affogato／椰子咖啡！Island Table Grocer Cafe 距碼頭僅130米、餐牌設飽肚菜式
【#坪洲咖啡店】坪洲係一個香港小島，地方細到想拍拖兩個人搵多幾間小店都唔容易，因為本身餐廳都係比較少。E.A.Two就曾經去過當中一間茶餐廳，今次就去另一間咖啡店，希望佢依然係一間小店啦。
西九文化區海濱長廊海景咖啡店Cupping Room分店眾多！椰香抹茶／香料咖啡、特設寵物美食／冠軍精品咖啡？
【#海景咖啡店】海景Cafe向來就係一個流量密碼，唔少人都鍾意拍拖兩個人前往能夠望海嘅咖啡店，景觀多數都係令人放鬆，而鍾意打卡嘅朋友更加會鍾意打卡呢一類型嘅咖啡廳。而E.A.Two就發現目前嘅西九文化區一間都無食過，所以至少去補返一間先，今次呢間咖啡店於香港有多間分店，唔單止有冠軍精品咖啡，戶外座位亦係寵物友善嘅空間，入面更特設寵物美食。
太子悄悄食堂午市僅4個套餐人均$250咩水準？打卡榻榻米座位！鹽麴燒牛小排／生薑松阪豚肉／酒香雞蛋布丁／特濃抺茶Tiramisu
【#日式食堂】唔少人都批評香港餐廳水準參差，一係只重視外觀裝修，無視食物水準；一係食物有水準，但罨罨耷耷；甚至價錢好高，但食物水準不成正比。如果要拍拖兩個人有心找尋餐廳小店，係有機會搵到環境、食物、價格成正比嘅地方。今次E.A.Two就前往太子一間似咖啡店、居酒屋混合風格嘅小店，三者都係成正比，值得一試！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。
金鐘CBD隱藏歷史遺跡！香港賽馬會復修軍火庫空中花園眺維港！入口神秘、保留火藥路軌、打卡石屎森林蜿蜒天橋！
【#CBD景點】香港CBD一帶向來都係金融中心、商業地區，四圍都係高聳商廈，景點並唔多，唔係近海就係近山。今次E.A.Two帶大家前往隱藏於金鐘區內嘅歷史遺跡，既保留舊時軍火庫，亦加入可眺望維港嘅空中花園，放空必到！拍拖兩個人更可以打卡石屎森林中嘅蜿蜒天橋，景點免費入場！
【下集】直擊馬灣舊村8大僅存完整保留打卡位！2025年翻新完畢正式開放、全變空盪盪彩色小屋？
【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！
實試百年法定古蹟導賞團、螺旋形樓梯登小平台！些利街清真寺毗連中環半山扶手電梯！假日開放、打卡搶眼薄荷綠色！深入了解穆斯林與天主教分別！
【#隱藏平台】香港有唔少教堂都好靚，但大多數都係來自於天主教、基督教，來自於伊斯蘭教嘅清真寺就相當稀少，九龍、港島分別僅有1間，皆位處該區繁華地帶。E.A.Two曾經前往港島區清真寺，被薄荷綠色建築同獨特裝修設計吸引，未有深入了解，今次就嘗試參觀導賞團，了解香港殖民時代嘅穆斯林歷史文化，更有機會破例登上旋轉樓梯上嘅大平台，真歷史建築值得拍拖兩個人逛逛！
九龍西廢棄炮台隱藏尖沙嘴九龍公園！改建歷奇樂園遊樂場變小型城堡／瞭望台
【#神秘炮台】講到香港景點，身為香港人已經去到無意欲再提；所謂情侶拍拖兩個人嘅香港好去處，已經被網絡平台講到「爛」。個「爛」係歧義，一係指講得太多，令景點變成係人都知，唔再新奇有趣；二都係講得太多，但就引咗太多人去，令景點真係變得殘舊。「九龍公園」都算係講到「爛」嘅知名香港景點之一，最近更有博物館展出全新嘅「恐龍化石」，推動「恐龍經濟」！而事實上，公園內重有一個真真正正隱藏嘅歷史痕跡，只不過炮台堡壘一早變成遊樂場！
驚見全港最神秘郵筒！青山醫院參觀精神健康體驗館設5大展區 即睇報名方法體驗精神病患者情況
【#了解精神病】青山醫院向來都係重門深鎖，外人一般係嚴禁進入，而偏偏有個全港最獨特嘅英式郵筒就位於醫院範圍內，真係神秘得難以找尋！近月，青山醫院內就開放一個精神健康體驗館，不妨拍拖兩個人去了解吓精神病患者嘅實況。原來亦只可以從後門進入。不過，E.A.Two編輯入正門問路，赫然發現呢個最神秘嘅郵筒竟然活現眼前！