尖沙嘴厚福街自選藍鰭吞拿魚丼飯一碗5款刺身最平$110｜鉄火堂

尖沙嘴厚福街向來係該區一條知名食街，小街道上滿佈食肆，地舖及樓上舖皆宜，當中「鉄火堂」多年來一直以吞拿魚為主打，包含各式魚生丼，不妨拍拖兩個人試一試。

早於2017年開業嘅「鉄火堂」，於2020年進駐尖沙嘴厚福街，屹立4年，一直以自選配搭丼飯為主，讓客人可以自由配搭魚生飯。店內當然亦有各式預設魚生丼，包含有拖羅丼、三色海膽丼、火炙四色丼、極上海鮮丼等，重有一款厚切五式藍鰭吞拿魚丼及人均$200起嘅二人套餐！

「鉄火堂」原日文其實係「鉄火丼」，即「Tekkadon」。即傳統鉄火丼本身就係以醃好吞拿魚（即鮪魚）擺上黑色碗內，色調有如燒紅火爐，當地意思係元氣，以及溫暖及熱血。而尖沙嘴店就自設一種新派自選魚生丼，迎合香港人需要，將日式與港式融合。

自選魚生丼$110，每一碗都有1款厚切藍鰭吞拿魚﹐再加4款魚生；如果唔要藍鰭吞拿魚，可以減$10。每碗丼飯均附送一碗味噌湯，含有豆腐昆布，屬正常發揮。

先挑選飯底，只有白飯或壽司飯無需加錢，薑味壽司飯、冬菇壽司飯、黑胡椒三文魚飯都要加錢。而本身預設會有2切嘅厚切藍鰭吞拿魚，若要厚切中拖羅或厚切大拖羅就要加錢。

另外再自選4款魚生，但好多都要加$5、$8、$10、$12，豐儉由人。編輯盡量挑選無需加錢嘅選擇，比如係赤蝦、蔥碎吞拿魚、穴子、馬刀貝、汁燒帆立貝、松葉蟹鉗，而蒲燒鰻魚就加$5。魚生新鮮，基本上都表現合格，而幾款魚類都係比較有水準，吞拿魚、穴子、鰻魚等質感肥美，亦有魚香。

吞拿魚蓉本身亦質感順滑，not to mention 藍鰭吞拿魚，不僅充滿魚香，魚脂豐富，而且入口即溶，有鮮味。110蚊含2切，價格適中，扣除租金，單單吞拿魚，大概佔上丼飯三份一價錢。

兩個人旅吓行

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

❶ 付款方式只限Visa、Master、現金、銀聯。

❷ 店內可以免費追加白飯或醋飯。

❸ 各位大學生出示學生證有9折優惠，平日12:00-15:00穿著校服亦有9折優惠。

❹ 內有二人套餐，亦有厚切五色吞拿魚丼飯，價格人均約$208。

EATWO

Miss A