分類: 兩個人醫吓肚

【#工廈尋寶】近年，香港工廠大廈躲藏唔少高水準小店，以觀塘工廈最為人熟悉，而荔枝角工廈亦有唔少秘密通道，其中以下呢間外賣車仔麵店就躲藏於工廈一角，只有深入一隅窄巷秘道，先可以探索食店，車仔麵款式唔簡單，選擇甚多，可以拍拖兩個人試一試。

【#海旁手卷】外賣食乜好？本地賣日本餐嘅地方有好多，丼飯、手卷、壽司、刺身都係經常受香港人歡迎嘅菜式，如果要買外賣，日本嘢都係水準較穩定嘅菜式，適合拍拖兩個人野餐。銅鑼灣就有一間小店離避風塘不遠，以手卷、丼飯為主打，更有生蠔可擇，手卷最平$16，而生蠔更低至$14！

【#新分店】太子與深水埗之間嘅添福小食係一間著名小食店，上年中該食店就於荔枝角開設分店，食物款式唔再多元，反而只以漢堡為主打，目前漢堡包低至$27，都算係拍拖兩個人抵食之選。如果想食快餐漢堡包，唔需要只去揀連鎖店，其實重有好多選擇。

【#茶定涼茶？】夏天氣溫上升，天氣悶熱，覺得燥熱又上火？對於生活作息唔定時嘅香港人嚟講，涼茶都係需要嘅產物，但要去藥房買材料自己煲，就未必個個識，亦唔一定有時間，故有啲人會選擇直接去涼茶舖買。只不過，要拍拖兩個人找尋合適嘅涼茶舖唔容易，編輯推介元朗國一間新式涼茶舖，望落雖然似茶飲店，但餐牌內囓都係中式涼茶，反而有種中西合璧嘅感覺。

【#Sailormoon基地】元朗國美食向來眾多，踏入該國度，要拍拖兩個人搵食都有排揀，今次前往一間處於小巷之間嘅食店，舖位唔大，位置其實離來往白泥嘅小巴站不遠，店方由門面到室內都以美少女戰士為主題，一望而知店主係Sailormoon死忠，不過賣嘅食物與美少女戰士全無關係。

【#異國風沙灘】雲吞麵、魚蛋麵、牛腩麵等潮州粉麵通常都係平價食品，有啲人會定義為頹食，通常係想慳錢，又或者一個人唔知食乜好，就會選擇求其食碗粉麵。但若然拍拖兩個人想食飯有啲質素，可以在地點上入手，只要選擇一個靚景地，再加上自備少量餐具，甚至用餐架生，都一樣可以變成一個屬於自己嘅街邊食堂。而編輯今次就選擇從東涌買兩碗粉麵，到大嶼山塘福泳灘，沙灘多數為外藉人士，環境清靜而舒服，係一個能好好享受嘅用餐同迆嘅地方。