粉嶺 鶴藪營地+流水響營地+ 鶴藪水塘+流水響水塘

粉嶺八仙嶺兩大營地近皇后山邨人氣十足 流水響鶴藪露營毗連水塘郊遊徑

自從本地露營地重開之後,香港人一窩蜂湧去營地呼吸新鮮空氣,多個露營地不時出現逼爆情況,尤其係車到而又設備齊全嘅漁護署官方營地,想要拍拖兩個人去方便嘅露營地唔容易。今次以粉嶺兩個人氣露營地為題,編輯於介乎陰天至雨天之間嘅日子前往鶴藪營地、流水響營地,方才可以尚且享受露營樂趣,而兩個營地均靠近水塘、郊遊徑,走出營地輕鬆逛逛亦好方便。

鶴藪營地與流水響營地基本上係一條鶴藪道貫穿,依循大路走約45分鐘,即可到達另一邊水塘,而營地亦離水塘不遠,步行約15分鐘即達。

先從皇后山邨上行至八仙嶺郊野公園分岔路口,然後轉左前往鶴藪水塘方向,一直依循鶴藪道走,經過地盤、燒烤場,沿小巴路線直行到底至鶴藪圍涼亭,再前行會經過狗場,其後直到有大閘,上行1分鐘即達鶴藪營地入口。

鶴藪營地屬中型露營場,營位較多,粗略計算有超過20個,係官方營地當中營位較多,僅次於南山營地。此營地本身有兩大塊草地,但由於露營人數眾多,少有養草,現時草地比較少見,大多演變成沙泥地。此營地設備極齊全,除咗燒烤爐、晾衫架、污水穴,既標準洗手間,亦有浴室、洗滌處,更有加水站。

位處新界北區、粉嶺及石坳山以東嘅鶴藪營地,同時靠近鶴藪水塘,其實只要繼續沿鶴藪道上行,大概20分鐘就會到達水塘。營地本身景觀被林木遮蔽,抬頭只有少少山景,但就百鳥爭鳴,可見雀鳥、溪流。鶴藪營地四通八達,既可前往鶴藪水塘家樂徑,亦可穿梭石坳山、八仙嶺,甚至大埔汀角方向沙螺洞。

待陰天或雨天時先去人氣營地,最大好處就係人流較少,至少無咗一班家庭客或Party客,較少三五成群大聲呼叫嘅營友。

從鶴藪營地繼續上行約20分鐘,即可到達鶴藪水塘水壩,穿過水壩可以通往鶴藪水塘家樂徑,而水塘另一端亦可經小路通往大埔汀角方向。鶴藪水塘於1968年建成,由屏風山之間深谷形成,原為灌溉水塘,整個水塘恍如新月形狀,規模較小,水流經丹山河至梧桐河。鶴藪水塘清幽寧靜,涼爽而舒適,相對流水響水塘嘅熱鬧繁華,形成一個強烈對比。

由鶴藪營地前往流水響營地,未必一定要經山徑,只要折返鶴藪道八仙嶺郊野公園分岔路口,直行到另一端亦可到達流水響水塘。

到達流水響營地之前,會先經過流水響水塘,相信近年大家對流水響水塘唔陌生,水塘顏色碧綠,湖畔有白千層,配合秋季紅噹噹落羽松時,紅紅綠綠更為搶眼,但水塘已經係一個熱門郊遊地點,不時更有旅行團觀光遊覽,所以編輯亦不作詳談。流水響水塘位於龍山東北面,同鶴藪水塘建成年份一樣,同樣係灌溉水塘,規模亦唔大。

經過流水橋,繼續前行約15分鐘,穿過龍山橋溪澗,一直前行就會到達流水響營地,旁邊為燒烤場,流水響相對鶴藪嚟講,水塘同營地距離較近。而流水響營地只有一個旱廁,無標準洗手間、洗滌處,營位亦較少。

流水響營地週邊被河谷環抱,位於石坳山以西,綠葉成蔭,樹木蔽天,少見陽光,環境清靜,較鶴藪營地詩情畫意,但營位較少,大概只有6至7個,而且較細,適合人少嘅露營友。

兩個人旅吓行

bangkok
曼谷走走
tokyo
東京走走
台北走走

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好,
了解更多E.A.Two 資訊

E.A.Tips :

❶ 乘搭小巴路線52B可從粉嶺市中心直達鶴藪村,於總站前鶴藪圍涼亭落車可到達鶴藪營地,回程時亦最好喺涼亭等車,因為小巴未必一定駛入鶴藪圍總站。而去流水響營地就要同去流水響水塘一樣,於八仙嶺郊野公園迴旋處落車,兩邊營地分別向鶴藪道兩端步行約15至20分鐘先會到達營地,但全程都係瀝青路,靠近馬路,專線小巴查詢電話為2669 0737。

❷ 小巴每班次需要等候20至30分鐘,建議步行來往皇后山邨至營地,由皇后山邨經布格仔路前往八仙嶺郊野公園分岔路口,腳程約30至45分鐘。乘搭79X,78X都可以直達皇后山邨,巴士座位較多,可從九龍直達新界,到達鶴藪道時間上基本相若。

❸ 如果揸車前往營地,只能喺鶴藪道泊車,而鶴藪燒烤場對出係比較正式嘅停車位,但離營地有一大段距離。

❹ 鶴藪道日光時間步行基本上無問題,但一到傍晚時份打後,就會有一堆野狗衝出,並非一兩隻,而係四至五隻,而且係每隔一段路又有一堆野狗,貌似霸地盤。所以夜晚切勿步行鶴藪道,就算夜晚要步行,都係搭車直達營地入口會比較安全。

❶ 夜晚營地會比較昏暗,記得拎齊照明設備。

❷ 營地內有洗手間、洗滌處、垃圾站,亦有加水站,如果想輕裝露營,可以拎信空樽,於加水站直接裝食水,不過每5L水需要等待5分鐘先會裝滿,時間較長,而唔信任官方加水站嘅朋友,都係自己帶齊食水啦。

❸ 謹記晚上11點後保持安靜,因為多數人都已經入營休息。

❹ 如果想食蔬菜,未必一定需要自備,可以去鶴藪道東山下村農地購買,下午時份有時亦會有村民喺鶴藪道擺賣,每棵大概$20。

❶ 營地補給點為鶴藪道上嘅鶴藪士多,靠近燒烤場,而東山下村亦有一部汽水機。

❷ 營地有蚊蟲,謹記帶備防蚊用品。

❸ 鶴藪營地內可能有野豬從草叢出沒,所以夜晚時最好將食物綁起,而野豬比較怕光,加上少量燈飾亦可避免野豬接近。

❹ 想要到流水響水塘散步嘅話,最好於朝早10點前就要離開水塘,換句話說8點要喺鶴藪起步,因為假期10點前後就會有一車又一車旅行團前往流水響水塘。
EATWO
Miss A
鶴藪營地路線

鶴藪營地

大埔鶴藪道

流水響營地

流水響營地

八仙嶺郊野公園流水響

醫吓肚

馬灣小巷貓壁畫消失?寶寶屋食堂變港日Crossover碼頭小店 蔥醬雞翼飯/吉列豬扒飯/陳皮冬瓜鴨腿湯飯

【#隱藏馬灣】馬灣小島一直以來唔單止受到遊客歡迎,連本地人都好鍾意,整個小島只有專用巴士同少量經申請嘅車輛,廢汽排放唔多,環境較市區舒適,適合拍拖兩個人閒遊。區內餐廳美食不少,E.A.Two曾經帶大家去過不下3間小店,經讀者提議,方才發現原來馬灣內重有一間最值得支持嘅小店,現時隱藏於珀麗灣碼頭附近!

【區區有小店2024】10間本土尚存爆荽餐廳推介!芫荽心太軟/餃子/牛肉麵|芫茜美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年尚存擁有芫荽菜式嘅小店,即睇該區隱藏美食介紹,芫荽迷必試!

【區區有小店2024】3間尚存日本直營本土連鎖壽司餐廳推介!最平$12/抵食大拖羅/迷你壽喜燒|連鎖壽司美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年尚存嘅=日本直營連鎖壽司小店,即睇該區隱藏美食介紹!

【區區有小店2024】廣東道3間尚存本土茶餐廳推介!焦糖流心蛋撻/椒鹽炸燒賣/親民碟頭飯|廣東道茶餐廳美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年廣東道尚存嘅茶餐廳小店,即睇該區隱藏美食介紹!

【區區有小店2024】屯門紅橋4間尚存本土餐廳推介!鮮甜牛骨湯/大阪燒/平價兩餸飯|紅橋美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年屯門紅橋尚存嘅餐廳小店,即睇該區隱藏美食介紹!

{"speed":"1000","height":"600","pause":"4000"}
影吓相
{"speed":"1000","height":"600","pause":"4000"}