近年，香港不斷有餐廳宣佈結業，唔少有質素嘅餐廳都逐步消失，同香港講拜拜，本地尚存嘅小店數目愈來愈少。今次編輯就一次過總結返我哋實試過嘅餐廳推介，結合現時仍然有嘅餐廳美食，方便大家繼續支持本土小店，第二炮於找尋太子尚存嘅本土餐廳。

Cafe系列

Jimmy’s Coffee & Kitchen

於多區e.a.two美食巡禮當中，基本上每一區都係排名不分先後，但太子區呢間隱藏於樓上舖嘅Cafe就係整個List內排行首位嘅一間。以Cafe設計嘅小店，既適合少女們，亦適合情侶前往，編輯覺得下午茶價錢係比較化算，當中法式肉凍好有驚喜。

延伸閱讀﹕太子樓上悠閒咖啡室神秘蒲點超驚喜法式肉凍+煙韌麻糬窩夫

慢煮工業 under vacuum the steak

太子區內有2間分店嘅慢煮工業，於此美食巡禮當作1間處理，菜式皆以慢煮西餐為主打，烹煮用心，適合作為拍拖兩個人紀念日嘅餐廳。

延伸閱讀﹕近大角嘴工業區！太子人氣店主打慢煮西餐特別餐單盡顯質素

車仔麵系列

何車車仔麵

食碗車仔麵都咁多選擇？何車車仔麵本身由設計師轉行開設，所以店舖裝潢設計都有別於一般車仔麵店，編輯覺得麵底比較有特色囓係蒟蒻麵，口感層次豐富。

延伸閱讀﹕太子人氣車仔麵湯底鹵汁混腩汁 16款麵底任揀必試低卡蒟蒻麵

十六座車仔麵

於車仔麵界嚟講，比較早期而又多分店嘅係十六座車仔麵，基本上都係仿照傳統車仔麵，只係一樣喺麵底上加添少少創意。

延伸閱讀﹕麵底紅紅綠綠太子十六座車仔麵食得刁鑽

日昇車仔麵

如果想食返價錢較低，而又傳統少少嘅車仔麵，就要去荔枝角道嘅日昇車仔麵，裝潢上其實同茶記無分別，款式較少，都係基本麵底同湯底，但又真係以前嘅車仔麵感覺。

延伸閱讀﹕太子隱藏版11餸車仔麵拼黃色可樂生菜魚肉價賣紫菜魚肉湯

川菜系列

兩姊妹涼皮有限公司

講到區內最威水嘅小店，應該係兩姊妹涼皮有限公司，皆因其出品叻到打入《米芝蓮指南》中嘅必比登推介，涼皮都係自家四川菜中嘅代表作。

延伸閱讀﹕太子3間酸辣粉專門店涼皮煙韌彈牙滲出麻辣鮮香

新川美食

想食價錢較平嘅四川菜，可以到離兩姊妹不遠嘅新川美食，平日中午有唔少學生哥前往，可見CP值不低。

貴香園

不過，如果講到區內3間最高水平嘅四川菜酸辣粉等菜式，就一定係選擇貴香園，麻辣鮮香中四者並存，原店位於荃灣，荃灣店係最值得支持嘅一間，可惜已經結業，曾經分拆於太子設分店，再分拆到旺角，而當中大家點選擇，就有讀者自行決定。

日式系列

佐禾町居食屋

日式料理向來都係價錢比較高，但太子區內嘅佐禾町居食屋，就反傳統地推出較便宜嘅日式套餐，當日編輯只能食外賣，小店極尊重外賣客人，外賣價錢比堂食平一截，低至$40一份套餐，有丼飯、小食、麵豉湯，而且並無多收外賣$2費用。

延伸閱讀﹕免加2蚊！太子親民居食屋靠近雷生春日式料理丼飯套餐外賣更抵食

東京街

位於太子嘅東京街同慢煮工業一樣，同區有2間分店，分別在於一間係外賣店，而另一間係堂食店，於此美食巡禮中亦以1間處理，東京街主要都係賣日式丼飯、手卷、壽司，價錢合理，魚生屬厚切，店舖近花園街，地理位置優越。

延伸閱讀﹕厚切魚生款式眾多太子日式丼飯外賣店離始創僅1分鐘步程

㗎仔飯

旺角天橋底都有好嘢食？呢間日式便當店雖然近旺角天橋，但亦近太子，似太子方向嘅西洋菜南街，咖哩水平唔低，最特別係當中有一款日式便當Omakase，由當日廚師為你發辦。

延伸閱讀﹕樓上舖搬地舖！旺角天橋底高水準㗎仔咖哩 Menu隱藏便當版Omakase？

中港系列

潮州人

雖然店面大大隻字寫住潮州人，但店內其實只係一間普通麵店，並唔係潮州粉麵店，只不過最大賣點係一碗麵價錢，卻以滋補老火湯底配搭花膠片。

延伸閱讀﹕潮州人唔賣潮州粉麵？太子麵店拼滋補老火靚湯底 $53包大塊花膠片

友利坊x友利冰室x勿當奴

相信唔少人都對友利坊x友利冰室x勿當奴好熟悉，佢哋嘅堅持係比較少見。美食巡禮固然要睇美食質素，雖然小店最大賣點係以金拱門為藍本設計，名稱亦著名勿當奴，食物都係快餐及炸物為主，質素一般；另一方面，友利冰室就係以西式意粉為主，質素一般；至於友利坊就係由新蒲崗移師至太子，舊舖仍舊存在，友利坊嘅燒味的確好高水準，係3款主要菜式選擇中唯一高水平。