分類: 港式

【#港式便當】香港人出名「好鍾意返工」，日日夜夜工作忙碌，要煮一餐飯都唔容易，近年愈開愈多住家菜餐廳，大角嘴就有一間小店就打造港式便當套餐，以平靚正為主打，既適合懶煮飯嘅拍拖情侶，適合本地打工仔，兩個人$100有找。

提到大排檔，今時今日本地大多已經轉變為紳士淑 […]

【#秘製牛腩】梅窩街市有一間本地冰室，曾經以一款超特別模式嘅港女3層架下午茶吸引大眾目光，一度成為焦點，唔少人都專程前往試試本土版港女下午茶，但其實冰室招牌之作並非3層架下午茶，到底係咩呢？編輯本來唔知道呢間係同路人，因為一直未有紀錄，而事實上都只係當初仍然能夠堂食時，與另一間梅窩本土店嘅老闆娘閒聊，先知道邊幾間餐廳可以支持。

【#人氣大排檔】大牌檔係本土一種重要飲食文化之一，歷史可追塑至19世紀中期，一直以來係街頭露天熟食檔，以平靚正兼鑊氣十足聞名，但現時正宗大排檔逐漸式微，由地踎茶檔一步步演變為紳士淑女都可以前往嘅變種大牌檔，衛生情況明顯唔同，甚至由地舖變樓上舖，當中位於荃灣嘅楚撚記大牌檔旗艦店就係近年極有人氣嘅樓上大牌檔，可以拍拖兩個人去醫吓肚，只係到底係咪重有麻甩味呢？

【#工廈食堂】觀塘餐廳向來數量多，可支持商家嘅數量亦唔少，但要應付觀塘返工嘅人，其實都唔容易，網上唔少觀塘人都曾於網上大吐苦水，指觀塘搭車、食飯都要等好耐，可謂地獄區。如果想拍拖兩個人食吓飯撐枱腳，更加唔容易，其實大家不妨考慮分散到觀塘非主流地方，編輯今次發現觀塘新海濱位置有一間躲藏於工廈內嘅飯堂，價錢低廉，出品同樣係茶記水平，午餐時間客人流轉度高，唔需要特別排隊。

【#廟街煲仔菜】步入佐敦至油麻地著名嘅廟街夜市，適逢氣溫逐步下降，大多數人都愛好廟街內嘅打冷店或煲仔飯，不過要現時兩個人拍拖於廟街搵食簡直難過登天，事實上離廟街10公尺嘅地方，即係幾步之遙，就已經可以搵到一間同路人小店。搵食唔困難，問題係你願唔願意去搵！

【#大角嘴新店】今年於佐敦開設pop-up store嘅志光麵店，日前（12月3號）正式將麵檔搬遷至大角嘴，繼續以豬潤米、豬潤麵為主打，從大區轉小區，由外賣店變堂食店，貫徹佐敦店嘅味道，為小區街坊提供一個街坊食堂，值得拍拖兩個人去支持吓。

【#花膠湯麵】香港人近年愛養生，特別注意食療，出街食飯都會挑選滋補美食，令唔少小店都逐漸標榜養生食材同菜式，當中太子一個角落就有一間以無味精湯底為主打，將住家靚湯融入粉麵。

【區區有小店】香港人特別喜愛港式小食，如果要設立一個港式小食排行榜，魚蛋、燒賣、腸粉、炸髀等都一定名列前茅。而大角嘴區內就至少有3間小食店，可以拍拖兩個人去掃吓街，即管試試呢幾間小食店啦！