街坊茶餐廳向來未必係拍拖兩個人撐枱腳嘅地方，但事實上茶記都有名物，飽肚之餘亦可以打卡，當中新蒲崗就有一間人氣茶餐廳大受附近街坊歡迎，無論價錢定係出品都係街坊恩物，每個周末未夠3點已經將各種名物賣完，都算係臥虎藏龍。
新蒲崗舊區小街道內，有唔少麻雀娛樂場所，亦有一間非常地道嘅街坊茶餐廳，是日午餐系列都為碟頭飯，同一般茶記無太大分別，例如招牌貴妃雞飯、白咖哩豬扒飯、墨魚餅炸雞飯，價錢由$40至$43跟飲品。最特別嘅菜式莫過於餐牌上未見蹤影，但好幾張枱同外賣都會點選嘅肥仔銘乾炒粒粒通$60，都可算係街坊先識叫嘅隱藏版Menu！
大多數人叫通粉都會係湯通粉，但粒粒乾炒通粉就比較罕見，其實小店只係利用乾炒牛河嘅原理，將河粉改為通粉，同樣份量十足，通粉粒粒分明通透。而配料包含牛肉粒、洋蔥、煙肉、午餐肉、紅腸、芽菜、韭黃，加上豉油爆炒，調味濃淡適中，鹹甜得宜，通粉完美上色，色調均勻，滿滿油光，連配料都夠入味，惹味非常，超有鑊氣！乾炒牛河向來係男人愛食嘅大排檔名物，但將河粉變成通粉，感覺變得唔一樣，減少咗麻甩感，令女人都一樣可以食乾炒粉麵，粒粒通於豪邁中加添啖啖優雅氣質。
除咗粒粒通，沙嗲牛肉、XO醬系列亦係獨有選擇，因為XO醬係標榜自家製，包含XO醬炒飯或湯麵，其中自家製XO醬招牌豬扒麵$39，香煎豬扒無需自己用刀切，表面色調吸引，肉質唔算嚡口，都算不過不失，始終重點係XO醬加麵，XO醬充滿辣香，調味出眾，的確為平平無奇嘅湯麵嘅靈魂，不過XO醬加入湯麵後變得稍淡，如果係XO醬炒飯或XO醬炒麵，甚至撈麵，相信會比湯麵較合適。
講到新蒲崗名物，一定係極有人氣嘅熱香餅$15，大大塊熱香餅熱焫焫上碟，如同Pancake，賣相其實一般，形狀並非一個圓形，偏薄身，上面有一小塊牛油，然後自行加添糖漿，將牛油、糖漿塗滿熱香餅表面就食得。不過，熱香餅蛋漿嘅蛋香味十足，餅底鬆軟，入口軟綿綿，水份適中，唔會太乾，邊位略有焦脆，比港版金拱門嘅熱香餅有水準得多，而且份量亦較多，Homemade版熱香餅果然寧舍出色，適量牛油香氣配上晶瑩糖漿，鹹中帶甜，無膩感，牛油、糖漿均為熱香餅點睛之筆。
E.A.Tips :
❷ 留意周末營業時間，因為逢星期六只會營業至3點半，而3點前就已經會無嘢食，而星期日就係休息日。
❸ 各款小食都可以單叫或者連套餐，可以自行計算。
❹ 自家製XO醬每樽賣$138。
❹ 留意小店不時需要排隊，所以最後預留充足時間。
肥仔銘茶餐廳
新蒲崗錦榮街9號地舖
星期一至六07:00 – 15:30、
星期日全日休息
3542 5028
串噹噹宵夜店與平記茶餐廳合拼！每人送一隻藤椒鮑魚！大排檔小菜有鑊氣、本地僅存小店賣脆炸臭豆腐！
【#串燒x茶記】近年，香港結業潮湧現，唔少餐廳為求生存落去都想盡辦法。E.A.Two最近前往紅磡一間串燒店，覺得好適宜拍拖兩個人去食宵夜。同時發現該店目前已經同另一間茶餐廳合併，朝早至下午賣茶記菜式，夜晚就繼續賣大排檔菜式。雖然呢個合作方法好聰明，完全慳成本，但就有啲擔心佢哋可唔可以再捱得住。
觀塘Mini Friday與鄰舖米走雞合拼經營？半自助式變午市套餐更適合打工仔！
【#打工仔飯堂】網上嘅資訊好多時都係有真有假，E.A.Two查證以下餐廳時，發現最出名嘅飲食平台竟然寫佢已經結業。不過親身到達現場時，就發現同層兩間餐廳都係依然尚存。雖然無咗半自助式午餐，但仍然容許拍拖兩個人去醫吓肚。
慈雲山平價街坊店兩三碗餃子逾10款餡任揀！最受歡迎竟然係石板／石鍋小食？
【#平價餃子】慈雲山係一個完全屋邨地，同時係一個學校邨，週邊最多嘅就係屋邨同中小學，附近都係街坊同學生。不過，該區食肆並唔多，至今都有唔少餐廳結業，E.A.Two已經食得八八九九，今次去嘅餃子店就係附近車仔麵店嘅姊妹店，拍拖兩個人想食平啲都有所選擇。
【中秋月餅2026】超過20間香港小店本地生產月餅！流心咖啡／港式奶茶／金腿伍仁／開心果麻糬／黑芝麻冰皮／燕窩月餅！留意早鳥優惠、英國專線點買？
【#月餅攻略2026】每年一到暑假，都係準備預訂中秋月餅嘅時候。隨住本地結業潮，拍拖兩個人喺香港買月餅，選擇可能已經愈來愈少。不過，識揀依然有唔少選擇，首選一定係小店模式，如果真係想再穩陣啲，都可以揀日資連鎖店。上年有店舖特設英國專線，今年都唔例外。E.A.Two又再整合2026年中秋節月餅推介，想食咩口味嘅月餅都係任君選擇！
灣仔金庸武俠小說主題Cafe玩味十足！笑林寺隱藏被咖啡耽誤嘅意粉大廚？
【#被咖啡耽誤】雖然近年香港結業潮湧現﹐但有啲餐廳依然客人一個接一個，價格豐儉由人﹐E.A.Two覺得今時今日仍然能夠吸引客人拍拖兩個人排隊都照食，必然有原因。香港有唔少咖啡店，灣仔有一間中西合璧嘅咖啡店非常有玩味，實試之後就覺得咖啡唔係最吸引，意粉先至係最意想不到嘅選擇，入面絕對有位被咖啡耽誤嘅意粉大廚！
荃灣海旁屋苑平台隱藏平價漢堡包／Pizza店！Hustle Guy近月搬入街市重新開業！
【#搬遷試業】要數荃灣區平靚正嘅美食，應該有排數，呢個大區每個角落都有值得拍拖兩個人前往嘅小店。今次E.A.Two於海濱一帶去到一個屋苑平台，當中有一間隱身街市內嘅burger同pizza店，真係可以叫做平靚正，難怪一直係街坊選擇。最近該店更將原店搬入街市內，堂食座位增加，試業當中連紅紙都未拆！
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。