分類: 兩個人醫吓肚

目的只為大家搜羅香港最新同值得留意嘅餐廳。

免責聲明﹕餐廳均為自費，只為編輯親身實試，所有發表之原創文章內容僅屬個人意見及感受，不代表餐廳言論及立場，更多資訊請直接查詢官方平台或尋求專業意見，若從而引起任何損失或法律糾紛，本平台概不負責。

兩個人醫吓肚、港式、西式

新蒲崗街坊燒臘舖移師太子始創中心 友利冰室中西合璧賣勻意粉燒味漢堡包

友利坊x友利冰室x勿當奴，match with 999

【#中西合璧】新蒲崗有一間燒味店，以養生燉湯拼港式燒味受到街坊歡迎，惟近月突然結業，原來係同荔枝角快餐店合併，移師鬧市，新店位處太子始創中心，以為拍拖兩個人縱然對菜式選擇意見不一都無所謂，皆因同一間餐廳可以同時食西餐、快餐、中餐。

兩個人醫吓肚、素食

走肉風潮！沙田石門新派素食安心入素 星洲海南雞飯還原度高

【#新派素食】近年，香港人愈來愈注重健康，素食者日益增加，令素食店大行其道，唔少人都由葷食者蛻變素食者，即使肉食人士亦會找尋素食，而素食當中分為傳統素食同新派素食，拍拖兩個人要搵素食店都有唔少選擇，而沙田石門就有一間躲藏於樓上轉角處嘅新派素食店，以葷食為藍本，炮製各類像真度超高嘅新派素食。

Cafe 咖啡店、兩個人影吓相、兩個人醫吓肚、新界、日本菜、港式、野餐隨行

【野餐隨行】屯門幻愛取景地野餐睇日落 啟豐商場尋3間外賣店 10分鐘達海濱花園白色燈塔

fantasycoffee,fantasycoffee黃藍,你想點鮮,你想點鮮黃藍,公園野餐,啟豐商場

【#安心野餐】最近，本地人搵食愈來愈艱難，單單堂食定外賣都要作出選擇，將食物外賣又要擔心拍拖去邊度食好，倒不如兩個人試吓去野餐，一於跟假日休息嘅「姐姐」隨時隨地隨意去吓野餐啦！雖然「姐姐」通常會選擇天橋底、天橋內，又或者隧道內等地方，但事實上我哋要野餐亦可以有更多選擇嘅，大家可以揀選有草地、有風景嘅野餐地方，唔少野餐地更可享海景。同時，無需擔心野餐點離食肆距離遠，令食物、飲品冷卻，皆因唔少都係靠近鬧市同食肆，絕對可以安心隨時野餐！編輯搜羅咗唔少本地野餐地點，會持續為大家推介本地野餐好地方，更會將行山路線同野餐點融合，將會包含九龍區、新界區、港島區，甚至大嶼山及離島區，可以行到邊食到邊，享受伴隨郊遊嘅野餐。

Cafe 咖啡店、兩個人醫吓肚、日本菜、素食

毗連窩子！從佐敦酒店搬至新蒲崗 精緻一汁三菜素食料理人均$100

MUM日常野菜料理

【#精緻素食】新蒲崗西式咖啡店窩子向來係人氣店，由平日到假日都可見人龍，但事實上唔少人只顧熱門食店，忽略咗其他可以一試嘅小店，例如同區一間極有水準嘅小春日和已經支持唔住結業，編輯期望讀者拍拖兩個人可以多留意一啲真小店，分散投資，而窩子隔離有一間以素食為主嘅日式料理店，價錢相若，似足定食版嘅素菜雖然清淡，全素之下亦能飽足。

九龍、兩個人醫吓肚、港式、野餐隨行

啟德新公園野餐！懷舊狗仔粉外賣店成彩虹唯一 重有自家製蔥油碟頭飯/蔥油拌麵

喜家狗仔粉+ 啟德大道公園

【#彩虹唯一】彩虹係通往西貢一段必經之路，曾經試過於彩虹搵食嘅你，應該明白區內同路人小店幾乎係零，但細心之下就會發現區內有一間以售賣懷舊狗仔粉為主嘅小店，由中年女士開設，值得拍拖兩個人去支持，絕對係區內嘅One And Only！

兩個人醫吓肚、區區有小店

【區區有小店】大角嘴3間小店掀結業潮！走肉．朋友宣佈2月底最後營業 $68素食Buffet不再

3小店結業(走肉朋友+咯咯雞韓食店+千之味刺身壽司專門店)

2022年剛開始，政府擴大疫苗氣泡，下月24號起，凡進入食肆嘅客人必須接種疫苗；事有湊巧大角嘴區內於1月中已掀起食店結業潮，先係韓式外賣店，其後係丼飯店、素食店，接二連三宣佈結束營業，其中一間更加係以$68素食自助餐聞名嘅走肉．朋友，拍拖兩個人以後搵食變得更艱難啦！