灣仔克街「雄記美食」唔單止係區內打工仔喜愛嘅小店，唔少人更加會拍拖兩個人跨區前往。該店以牛雜、牛腩為主打，甚受歡迎，重有一款人氣煎蛋腸粉及自家製飲品。不過，該店幾有性格，就算長期係排隊店，都會隨時休息，而且營業時間有限，賣晒就收檔！
「雄記美食」座落灣仔克街，毗連好受遊客歡迎嘅「華星冰室」，但以本地人來說，識食一定係食「雄記」！而「雄記美食」其實正正係另一間灣仔小店「強記美食」嘅姊妹店，「強記係爸爸開，「雄記」就係個仔開，賣嘅都係港式小食，但就以廣東式牛雜、牛腩為主，味道上唔失禮爸爸嘅《米芝蓮指南》級數小食。
小店室內有大量海報及精品，本土味濃，由80年代唱片海報，80至90年代周潤發主演嘅電影海報，以至最新瘋靡中港台嘅電影《九龍城寨之圍城》電影海報，重有懷舊玩具都有，完全記錄咗昔日香江歲月。餐檯更特別選用舊時小學嘅學校書檯，書檯下有櫃桶，更放有港式漫畫，有如返回小時候。
咖喱牛腩撈粗$55、咖喱牛腩湯麵$55 一份撈麵，一份湯麵，同樣採用港式咖喱汁風格。咖喱分大、中、小辣度，以小辣嚟講，辣度溫和，有咖喱香，但唔係好嗆喉。咖喱辣度為漸層式，只係淡淡咖喱味，而質感就頗為濃稠，令麵條可以掛汁。不過，牛腩就好似碎上一樣，砌成細細粒，同好似薯仔、白蘿蔔咁，好處係容易入口，同樣肉質軟腍，只係牛腩份量較正常牛腩麵少。
小食有雞蛋香煎蝦米腸粉$24，雖然只係以煎香雞蛋包裹腸粉，但就似乎甚受客人歡迎。似足街邊豬腸粉嘅嫩滑，內含鹹香蝦米，加上煎蛋香，週邊煎得微脆，層次豐富。即使唔加甜醬、麻醬，都已有吸引力，甜醬及麻醬只係點睛作用。當日無晒腐竹糖水$12，得另外兩款自家製飲品薏米水$12、酸梅湯$12，罐裝汽水$18就好似貴咗啲。
E.A.Tips :
❷ 該店不時要排隊，所以最好避開繁忙時間。
❸ 營業時間不定，最好事先向官方查詢係咪休息日。
❹
雄記美食
灣仔克街6號廣生行大廈B座地下B2號舖
星期一至六11:00 - 17:00；星期日休息
3708 8715
近油麻地廟街街頭！紅伶飯店逾50年潮州菜老店？打冷麻甩味重、有無可取之處？
【#潮州菜館】潮州菜館以鑊氣小炒、打冷菜式為主﹐多數都係麻甩味濃嘅地方，其中有一間香港老字號嘅潮州菜館，由佐敦搬到油麻地，開業有超過50年，歷史悠久，曾經係唔少男男女女拍拖兩個人打冷嘅地方，但亦曾一度面臨結業，即睇目前水準如何！
紅磡親民串燒店串噹噹宵夜好去處！即叫即燒燒雞翼＋臭豆腐＋水煮麻辣小菜！2款燒賣聯乘叁拾士多！
【#宵夜串燒】今時今日，要喺香港找尋宵夜好地方唔容易，紅磡就有一間串燒店營業至凌晨，地方充足，價格適中，適合夜晚想拍拖兩個人去醫吓肚嘅朋友！
筲箕灣搬到柴灣！脆意雞隱身工業區只做外賣！即做炸雞1.5小時仍舊脆卜卜？
【#外賣炸雞】E.A.Two曾經去過一間連鎖炸雞店，當時已經執淨筲箕灣分店，現時更由筲箕灣搬到柴灣，隱身於工業區內，只做外賣服務。該店嘅炸雞水準比之前更有進步，即使由柴灣工業區拎到去觀塘海濱長廊，經過1.5小時，炸雞竟然都保持脆卜卜，並無被倒汗水沾濕，實在意外！想要拍拖兩個人一試，即睇購買方法！
全港剩4分店！意大利人自己做生招牌開設Jacomax、竟有菠蘿Pizza！即睇將軍澳限定選擇！
【#水果pizza】意大利人一向好抗拒食菠蘿Pizza，但香港有個意大利人開設Pizza店時，竟然以菠蘿Pizza為賣點，目前該店全港僅餘4間分店，不妨拍拖兩個人去試伏。今次E.A.Two前往將軍澳分店，發現餐牌內嘅選擇同其他分店無異，但就有少少唔同，原來有部份係將軍澳分店限定選擇！
人人和平姊妹店！午市無加一、套餐送甜品！北角Gotthard base西餐廳歎西冷扒／香煎比目魚／燒豬仔髀！
【#浪漫西餐廳】唔少情侶不時想拍拖兩個人搵間西餐廳浪漫吓，但主打西餐嘅香港餐廳通常價格都係比較高。今次E.A.Two就前往北角一間西餐廳，該店曾經係今年一套電視劇集嘅取景地，亦係另一間頗受歡迎嘅小店嘅姊妹店。午市套餐選擇不少，水準比佢嘅姊妹店穩陣，價格上同坊間Cafe無異，我哋覺得係可以一試。
台灣過江龍No.1一人燒肉！燒肉smile旺角直營店全新餐牌取消放題、人均低至$68？
【#一人燒肉】於香港營業嘅連鎖店，有好多都係特許經營模式，想要拍拖兩個人找尋直營店，真係要細心啲先得。今令E.A.Two去搵一人燒肉店，發現有2間頗受歡迎嘅名店，一間係「燒肉Like」，另一間係「燒肉Smile」，唔少人都會將2間比較，到底邊間先係值得大家去嘅燒肉餐廳呢？
【下集】直擊馬灣舊村8大僅存完整保留打卡位！2025年翻新完畢正式開放、全變空盪盪彩色小屋？
【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！
實試百年法定古蹟導賞團、螺旋形樓梯登小平台！些利街清真寺毗連中環半山扶手電梯！假日開放、打卡搶眼薄荷綠色！深入了解穆斯林與天主教分別！
【#隱藏平台】香港有唔少教堂都好靚，但大多數都係來自於天主教、基督教，來自於伊斯蘭教嘅清真寺就相當稀少，九龍、港島分別僅有1間，皆位處該區繁華地帶。E.A.Two曾經前往港島區清真寺，被薄荷綠色建築同獨特裝修設計吸引，未有深入了解，今次就嘗試參觀導賞團，了解香港殖民時代嘅穆斯林歷史文化，更有機會破例登上旋轉樓梯上嘅大平台，真歷史建築值得拍拖兩個人逛逛！
九龍西廢棄炮台隱藏尖沙嘴九龍公園！改建歷奇樂園遊樂場變小型城堡／瞭望台
【#神秘炮台】講到香港景點，身為香港人已經去到無意欲再提；所謂情侶拍拖兩個人嘅香港好去處，已經被網絡平台講到「爛」。個「爛」係歧義，一係指講得太多，令景點變成係人都知，唔再新奇有趣；二都係講得太多，但就引咗太多人去，令景點真係變得殘舊。「九龍公園」都算係講到「爛」嘅知名香港景點之一，最近更有博物館展出全新嘅「恐龍化石」，推動「恐龍經濟」！而事實上，公園內重有一個真真正正隱藏嘅歷史痕跡，只不過炮台堡壘一早變成遊樂場！
驚見全港最神秘郵筒！青山醫院參觀精神健康體驗館設5大展區 即睇報名方法體驗精神病患者情況
【#了解精神病】青山醫院向來都係重門深鎖，外人一般係嚴禁進入，而偏偏有個全港最獨特嘅英式郵筒就位於醫院範圍內，真係神秘得難以找尋！近月，青山醫院內就開放一個精神健康體驗館，不妨拍拖兩個人去了解吓精神病患者嘅實況。原來亦只可以從後門進入。不過，E.A.Two編輯入正門問路，赫然發現呢個最神秘嘅郵筒竟然活現眼前！
香港機場禁區美食廣場僅存2間小店！上機前歎米芝蓮級阿元來了／兩姊妹涼皮！即睇正確位置＋營業時間
【#禁區餐廳】今年電影《九龍城寨之圍城》風靡唔少港人，最近香港機場都特設一個香港電影展覽。以前城寨處於舊機場旁邊，而家將城寨搬到新機場﹐認真奇妙！去旅行搭飛機前，除咗睇展覽，唔少得係搵吓上機前有咩食，機場禁區選擇雖然不少，但現時小店只係剩返2間，同樣都係《米芝蓮》水平嘅小店。一間近閘口，另一間則位於偌大窗戶旁邊嘅美食廣場，即刻睇吓呢2間小店嘅正確位置同營業時間啦！
【上集】2024搶先直擊！馬灣舊村翻新變彩色小屋？古樸村莊改造文化藝術村 一條路線睇埋歷史遺跡馬灣舊校／芳園書室
【#全新馬灣】自從馬灣舊村封閉後，值得前往嘅馬灣影相熱點又少一個。不過據消息指，馬灣公園二期活化計劃已經竣工，E.A.Two編輯特意親身前往馬灣觀察，發覺原先嘅古樸舊村，已經翻新得七七八八。現場可見，昔日打卡味濃嘅廢棄舊村，已經變成一排排新穎彩色小屋，據悉為配合全新文化藝術村計劃，故有此設計。到底將舊村活化是好是壞，彩色小屋定復古舊村更可以吸引遊客呢？確實要拭目以待。