淺水灣唯一！Parabolica Caffe座落打卡熱點影灣園時尚雅緻貴族級咖啡店

淺水灣為典型香港景點之一，而影灣園內嘅旋轉樓梯及花園更加係知名打卡熱點，呢一帶到底有咩值得拍拖兩個人前往嘅餐廳呢？原先其實重有另一間餐廳「Hooman by the Sea」，但現時只係剩低尖沙嘴店；而淺水灣則只有1間咖啡小店「Parabolica Caffe」依舊屹立不搖。

位於香港島南部淺水灣嘅「Parabolica Caffe」，前臨淺水灣海灘，座落影灣園內，週邊景色優美，環境清幽。淺水灣除咗係富豪集中地，亦係一眾旅行團遊客喜愛前往嘅地方。毗連影灣園嘅淺水灣沙灘有約292米長，潔白細沙加上水質清澈，一直以來都係吸引泳客嘅地方，而沙灘盡頭又有一個鎮海樓公園，有多株色彩繽紛嘅神像座落沙灘旁。

影灣園位於淺水灣沙灘對面馬路，屬小型住宅區，當中包含有酒店式公寓，以及俱樂部、購物商場及露台餐廳等。而影灣園最大特色係其中一間露台餐廳，因為張愛玲小說《傾城之戀》曾取景此地，故不時吸引遊客前來打卡。影灣園商場本身都係模仿舊淺水灣酒店設計，建築物既有英式風格，亦帶有復古感。而建築物於1920年落成後﹐曾多次獲得建築設計獎項，滿滿殖民地色彩，所以當中嘅庭園、大樓梯、噴水池、旋轉樓梯、拱形木窗等都係打卡熱點。

至於淺水灣唯一嘅小店「Parabolica Caffe」，為一間時尚雅緻嘅咖啡店，門口以木框玻璃門設計，一端亦有半孤形玻璃窗，配合影灣園風格。店內主打咖啡及西式麵包，而且只係於早上至下午營業，其中有2日更加係休息日，相對於市區咖啡店，營業時間更顯獨特及罕有，令人感覺似外國咖啡店。

店內固然有黑白咖啡，價格由$30至$90不等，另有熱茶、果汁類別，更以輕食、小食為主，多數只係提供早、午餐及下午茶，價格為$68至$188，而甜點價格則為$68至$128。其實，同市區咖啡店價格並唔算高好多。該店本身其實係一間歐式烘焙店，故西式麵包都係主要選擇，而團隊前身為「Good Good」，主要售賣手作麵包及咖啡。

今次於下晝到訪，只係飲杯嘢，故一嘗兩杯飲品，其中有Signiture之一嘅Cloudy Latte $68，以及茶品Citrus Chamomile $68，熱茶系列飲完可以隨意添加熱水。Cloudy Latte有如一般Latte，分別在於心思，以往鮮奶奶泡只係用作拉花，而店內嘅Latte則構成雲朵模樣，上面再灑上可可粉，造型趣緻，而咖啡亦香濃。至於Citrus Chamomile則為橙香洋甘菊茶，以茶包模式提供，茶包內放滿茶葉，內含洋甘菊、檸檬草香，入口唔知點解有淡淡椰子味。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 付款方式接受現金、payme。

❷ 於中環交易廣場乘搭巴士路線6／6X／260號，可以直達淺水灣海灘落車，留意6號係最多站數嘅路線，但價格最平；而6X比6號少站數；至於260號就係最少站數嘅一條巴士路線，不過價錢就比較高。另外，小巴路線40／40X都可以到達。

❸ 無論食咩定飲咩，店內都有加一服務費。

❹

EATWO

Miss A