【曼谷景點】純白寺廟／浪漫粉紅博物館IG熱門地！三頭象神小小空間莊嚴與藝術兼備｜Wat Sri Iam／The Erawan Museum Bangkok

粉紅色建築物向來係女士們喜愛IG打卡熱門地，亦係適合拍拖兩個人前往嘅浪漫之地。曼谷有一座粉紅博物館，編輯早於幾年前已經去過，地方雖然不大，但莊嚴與藝術兼備，粉紅色嘅博物館 So Romantic！另外，編輯同時搵到另一座鮮為人知嘅曼谷寺廟，純白色與金色互相映襯，景色獨特，環境清靜，全新BTS線直達，交通更便捷！

Wat Sri Iam

先講比較鮮為人知嘅「Wat Sri Iam」，位置毗連全新BTS黃色線，幾乎出站即達。寺廟以純白色為主調，加上金色互相襯托，顏色簡潔而驚艷。由於整間寺廟位置偏遠，所以環境相對市中心幽靜。雖然當地人香火頗為旺盛，但感覺就比較陰涼。

呢間寺廟僅有高塔及壁畫配襯，較其他寺廟多宗教活動，甚至有葬禮或哀悼儀式會於寺內舉行。如果係去Central Plaza，不妨參觀一下附近呢間寺廟，氣氛祥和而平靜，眼球都不自覺放鬆。

三頭象神博物館 The Erawan Museum Bangkok

另一邊廂，經BTS前往呢座「三頭象神博物館 The Erawan Museum Bangkok」，距離比較遠，有可能轉乘的士比較方便。相對「Wat Sri Iam」來說，呢座寺廟就人氣十足，而且較多旅客會前往。

「三頭象神博物館」於1994年已經建成，並於2003年開蓆。博物館最大賣點係裝潢華麗，週邊嘅可愛3隻大象標誌及藝術展覽。3頭巨型大象雕塑支撐，每頭有約29米高。有指象神係泰國民間傳說中天神嘅座騎，可對付妖魔鬼怪，令博物館有神廟一樣感覺。而寺廟亦不失神聖感，嵌花式裝潢相當精美，雕啄絲毫不簡單﹐故莊嚴之餘，亦充滿藝術感。

而整座建築物皆髹上粉紅色，有約16層樓高，絕對IG-able，一眾粉紅色控絕對不能錯過此網美打卡地！故此，近年吸引唔少人前往呢座博物館打卡，以當年編輯去計，小小空間已經有唔少人慕名而至朝聖。

博物館內最特別之處係當中嘅旋轉形樓梯，兩端彎曲而下，有如皇宮內嘅階梯。置身其中，甚至有走進魔法古堡，尤其璀燦天花經陽光照射後變得更為閃亮，彩繪玻璃雕工仔細得令人驚嘆。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 乘搭BTS至「Pu Chao 站」或「Chang Erawan 站」，可以轉乘的士或Grab車，車費預計大概300至400泰銖，車程約5分鐘，塞車另計。若遇上塞車，車程可能要1小時。若徒步前往，步程大概係20至25分鐘。離開時，編輯發現有接駁車可以免費乘搭，該接駁車係來往博物館至BTS站。

❷ 全新黃線BTS均「Si Lam 站」，可以直達Wat Sri Iam。

❸ 注意三頭象神博物館於12:00-12:30可能會休息。門票人均400泰銖，不過就包括晒門票、拜祭花朵、講解器。門口有免費語音導航。而Wat Sri Iam則可免費進入。

❹ 進入時留意衣著，唔好著短裙或短褲，亦唔好著拖鞋。