曼谷咖啡店有好多，拍拖兩個人遊走知名景點大皇宮、玉佛寺、臥佛寺嘅時候，行到攰不妨拍拖兩個人搵間coffee shop休息一下，見攰就抖！今次E.A.Two帶大家前往躲藏於巷弄中嘅一間以藍色為主調咖啡店，由裝潢到飲品，都染上一抺寶藍，打卡必到！
Tha Maharaj／瑪哈拉碼頭文青市集
Tha Maharaj 瑪哈拉碼頭毗鄰曼谷大皇宮，亦係通往鄭王廟最便捷嘅路線，碼頭不時有文青市集，雖然佔地不大，於2015年先重新開幕，但乘搭觀光船前後不妨逛一逛，餐廳美食、酒吧、泰國服飾、雜貨都有不少。
地面多為攤販，而登上階級至1樓，已經可以望向大皇宮及昭披耶河。而前往3樓藝術廣場，休息區眾多，則可於看台區更清晰地欣賞河畔景色，以及船隻靠岸嘅情形，適合等候船隻班次時稍作休息，吹吹涼風。
Blue Whale Cafe／Blue Whale Maharaj
位於昭披耶河畔，有唔少餐廳及咖啡店，今次就前往其中一間用色搶眼嘅打卡咖啡店。全間咖啡店基本上都係採用藍色為主調，復古味甚濃，招牌飲品係以蝶豆花製作嘅藍色咖啡，IG打卡必備！
咖啡店名為「Blue Whale Cafe」，亦可叫「Blue Whale Maharaj」，夾雜於一排排居住房屋中。不過，呢間Cafe樓高2層，由老宅改建而成，用色搶眼，門面全以寶藍色設計，裝潢獨特。就連穿梭2層嘅樓梯，都髹滿海洋寶石藍，牆面更有浪花，十分療癒。
店舖下層大部份位置為廚房及收銀處，只需先點餐及付款，然後就可以登上2樓用餐區。而樓上有正常座位區，亦有需要脫鞋嘅座位區，盡頭更有一個小型露台，可以俯視街景，但就未能從該小巷望到對岸鄭王廟。
招牌之作必然係藍色咖啡，即係Iced Butterfly Pea Latte 120泰銖，為一杯被天然蝶豆花染成藍色嘅Latte，藍色與白色清晰地分成2層，攪勻後藍白交錯，與藍色裝修一樣令人感覺療癒，入口香甜，淡淡奶味逐漸滲出，層次均勻。另一杯為Iced Blue Whale Sour 120泰銖，則有如染上蝶豆花嘅lemonade，帶上酸甜，味道簡單。
食物為正常發揮，無咩太大驚喜，比如係Penne Tom Yum Goong 280泰銖，即冬蔭功醬汁長通粉，份量唔多，只係上面有隻大蝦碌。而Open Toast with Blueberry and Caramel and Coffee Mascarpone 180泰銖，則為一份吐司，中間放有粒粒藍莓，同時淋上焦糖醬。
E.A.Tips :
❷ N9 Tha Maharaj 碼頭有「Chao Phraya Express Boat 藍旗觀光船」，藍色旗幟船隻可直達鄭王廟，一日票為150泰銖，單程則為40泰銖，約每半小時一班次，航線由09:30-16:00，船隻停泊碼頭Pier 1。碼頭距離曼谷大皇宮僅5分鐘步程。至於橙色旗幟則為交通船，停泊多個碼頭，每日由06:00航行至19:30，票價為15泰銖，班次密集，停泊於碼頭Pier 2。
❸ Blue Whale Cafe無限時用餐，但只收現金。
❹
Tha Maharaj／瑪哈拉碼頭文青市集／ท่ามหาราช
1/11 Trok Mahathat, Maharaj Road, Phranakorn District, Bangkok 10200（泰文地址﹕1/11 ตรอกมหาธาตุ ถนนมหาราช เขตพระนคร กรุงเทพมหานคร）
10:00－22:00
+66 2 024 1393
http://www.thamaharaj.com/
Blue Whale Cafe／Blue Whale Maharaj
392/37 Maha Rat Rd., Phra Borom Maha Ratchawang, Phra Nakhon, Bangkok
09:00－18:00；逢星期一休息
+66969974962
串噹噹宵夜店與平記茶餐廳合拼！每人送一隻藤椒鮑魚！大排檔小菜有鑊氣、本地僅存小店賣脆炸臭豆腐！
【#串燒x茶記】近年，香港結業潮湧現，唔少餐廳為求生存落去都想盡辦法。E.A.Two最近前往紅磡一間串燒店，覺得好適宜拍拖兩個人去食宵夜。同時發現該店目前已經同另一間茶餐廳合併，朝早至下午賣茶記菜式，夜晚就繼續賣大排檔菜式。雖然呢個合作方法好聰明，完全慳成本，但就有啲擔心佢哋可唔可以再捱得住。
觀塘Mini Friday與鄰舖米走雞合拼經營？半自助式變午市套餐更適合打工仔！
【#打工仔飯堂】網上嘅資訊好多時都係有真有假，E.A.Two查證以下餐廳時，發現最出名嘅飲食平台竟然寫佢已經結業。不過親身到達現場時，就發現同層兩間餐廳都係依然尚存。雖然無咗半自助式午餐，但仍然容許拍拖兩個人去醫吓肚。
慈雲山平價街坊店兩三碗餃子逾10款餡任揀！最受歡迎竟然係石板／石鍋小食？
【#平價餃子】慈雲山係一個完全屋邨地，同時係一個學校邨，週邊最多嘅就係屋邨同中小學，附近都係街坊同學生。不過，該區食肆並唔多，至今都有唔少餐廳結業，E.A.Two已經食得八八九九，今次去嘅餃子店就係附近車仔麵店嘅姊妹店，拍拖兩個人想食平啲都有所選擇。
【中秋月餅2026】超過20間香港小店本地生產月餅！流心咖啡／港式奶茶／金腿伍仁／開心果麻糬／黑芝麻冰皮／燕窩月餅！留意早鳥優惠、英國專線點買？
【#月餅攻略2026】每年一到暑假，都係準備預訂中秋月餅嘅時候。隨住本地結業潮，拍拖兩個人喺香港買月餅，選擇可能已經愈來愈少。不過，識揀依然有唔少選擇，首選一定係小店模式，如果真係想再穩陣啲，都可以揀日資連鎖店。上年有店舖特設英國專線，今年都唔例外。E.A.Two又再整合2026年中秋節月餅推介，想食咩口味嘅月餅都係任君選擇！
灣仔金庸武俠小說主題Cafe玩味十足！笑林寺隱藏被咖啡耽誤嘅意粉大廚？
【#被咖啡耽誤】雖然近年香港結業潮湧現﹐但有啲餐廳依然客人一個接一個，價格豐儉由人﹐E.A.Two覺得今時今日仍然能夠吸引客人拍拖兩個人排隊都照食，必然有原因。香港有唔少咖啡店，灣仔有一間中西合璧嘅咖啡店非常有玩味，實試之後就覺得咖啡唔係最吸引，意粉先至係最意想不到嘅選擇，入面絕對有位被咖啡耽誤嘅意粉大廚！
荃灣海旁屋苑平台隱藏平價漢堡包／Pizza店！Hustle Guy近月搬入街市重新開業！
【#搬遷試業】要數荃灣區平靚正嘅美食，應該有排數，呢個大區每個角落都有值得拍拖兩個人前往嘅小店。今次E.A.Two於海濱一帶去到一個屋苑平台，當中有一間隱身街市內嘅burger同pizza店，真係可以叫做平靚正，難怪一直係街坊選擇。最近該店更將原店搬入街市內，堂食座位增加，試業當中連紅紙都未拆！
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。