【聖誕好去處2023】東涌東薈城名店倉慶《藍精靈》65週年大人小朋友爭相打卡？

經典卡通《藍精靈》至今已誕生65週年，唔少大人及小朋友都曾經喜歡過，今次東涌東薈城就以《藍精靈》為主題，展開《藍精靈》聖誕村莊由室內到室外都有活動，吸引唔少人拍拖兩個人前往。

東薈城名店倉特別與《藍精靈》聯乘，舉辦「Smurfs Up Christmas」，既慶祝《藍精靈》誕生65週年，亦順就慶祝聖誕節。展覽活動由即日起至明年1月2日舉行，當中既有3個《藍精靈》經典卡通雕塑像，亦有光影拱門、聖誕樹塔、迷宮森林等可以打卡。

於指定週末假期，商場更有戶外市集，當中有超過20個攤位進駐，包括有比利時節日限定精品，亦有平常嘅手作同美食可以選擇，當然唔少得《藍精靈》獨家商品。

中庭有一個拱門，背後則設計成一個《藍精靈》村莊，當中有一棵6米高聖誕樹，上方有連串燈串，展現點點星光。至於戶外，則有一個迷宮森林；而室內更有蘑菇屋，可以俾小朋友玩吓小遊戲。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 「東薈城名店倉 x 藍精靈」限量版聖誕毛公仔飾物及聖誕版藍精靈鑽石畫連畫架 DIY 套裝分別賣港幣 99 元及189 元，聖誕糖果杯則賣港幣 49.9 元。

❷ 「精靈戶外市集」於東薈城名店倉四樓平台廣場舉行，而戶外聖誕裝置截至 12 月 26 日，戶外市集日期則為2023 年 12 月 15-17及22-26 日，每日 13:00 – 20:00，而12 月 24 日會開放至22:00。

❸ 「藍精靈身體彩繪」亦於東薈城名店倉四樓平台廣場舉行，日期為2023 年 12 月 16-17, 23-26 日 13:00 - 17:00，只限週末假期。顧客只需關注東薈城名店倉指定社交媒體平台，即可免費體驗一次。

❹ 「聖誕音樂派對」有張繼聰、吳林峰及力臻等歌手，地點為東薈城名店倉四樓平台廣場，日期為2023 年 12 月 16-17及23-26 日。

❶ 「藍精靈棉花糖餐車」設於東薈城名店倉露天廣場，舉行日期為2023 年 12 月 16-17, 23-26 日 15:00 - 17:00。顧客只需關注東薈城名店倉指定社交媒體平台，即可免費獲贈泡泡棉花糖一支。

❷ 全港首架藍精靈聖誕主題巴士會來往尖沙嘴漢口道 YMCA 側至東涌東薈城名店倉近北面停車場出入口，2023年12月23-26日期間只需登記成為CLUB CG準會員或出示電子會員卡，即可免費乘搭一次。