新宿係一個非常熱門嘅東京旅遊地區，中西遊客應有盡有，唔少餐廳都係歡迎遊客進入。今次E.A.Two隨便走入一間天婦羅餐廳，原來呢間餐廳係一間百年老店，折合最平港幣100至150就可以食到香酥可口嘅日式天婦羅，拍拖兩個人不妨一試！
「天ぷら船橋屋」座落於新宿市中心一帶，主打天婦羅定食，室內外可見樓高兩層，感覺係高檔餐廳。據了解，該店於1886年創業，即係明治時代，屹今有過百年歷史，名副其實係百年天婦羅選擇。據悉，店內係以每季新鮮食材炮製天婦羅，加上傳統炮製嘅芝麻油嚟造炸天婦羅，部份海鮮甚至即時處理。
天丼係天ぷら定食，每份2300円，包含2隻海老、1隻魚介、3件野菜，有醃菜、前菜、味噌湯、前菜。天丼價格較低廉，當然明顯較少天婦羅炸物。每一件都絕不欺場，而且係逐件上，師傅睇住客人食到邊，食到咁上下先會上下一件，唔會一次過上，確保天婦羅入口時係香脆可口。而套餐有唔同選擇，包括花、松、桂、櫻、橘、楓等，重有季節限定，最高賣10000円。
今次選擇一款叫花嘅套餐，每份3000円，內有7品天婦羅，包含2隻海老、2隻魚介、2件野菜、1件什錦天婦羅等，重有白飯、醃菜、味噌湯等。有明蝦、南瓜、青椒、小魚、茄子、雜菜餅等，每一件天婦羅炸物表皮都好薄身，鬆脆可口，有炸物油香，但唔會好油膩。最特別係最後出場嘅什錦天婦羅，炸到好似一朵花咁，入面有7隻蝦，將一堆蝦炸成天婦羅，果然好點題，鮮蝦製成一朵花，入口啖啖蝦肉，佢唔係淋身，但係爭咗少少蝦肉本身鮮甜味同爽口感覺。
E.A.Tips :
❷ 新宿一帶多數都係遊客店，該店都歡迎遊客進入。餐牌有日文亦有英文可擇。
❸ 天婦羅有唔同醬汁同配料，店員有指導，但其實未必需要蘸醬都ok。
❹ 天婦羅係會逐件上，唔需要將碟取下，只需要自己夾落碗。
天ぷら 船橋屋 新宿本店
東京都新宿区新宿3-28-14
星期一至二11:30 - 20:30；星期三休息；星期四至日11:30 - 20:30
+81 03-3354-2751
太子悄悄食堂午市僅4個套餐人均$250咩水準？打卡榻榻米座位！鹽麴燒牛小排／生薑松阪豚肉／酒香雞蛋布丁／特濃抺茶Tiramisu
【#日式食堂】唔少人都批評香港餐廳水準參差，一係只重視外觀裝修，無視食物水準；一係食物有水準，但罨罨耷耷；甚至價錢好高，但食物水準不成正比。如果要拍拖兩個人有心找尋餐廳小店，係有機會搵到環境、食物、價格成正比嘅地方。今次E.A.Two就前往太子一間似咖啡店、居酒屋混合風格嘅小店，三者都係成正比，值得一試！
荃灣大良甜品店$20有交易！老店鴻輝記傳統糖水﹕古法製芝麻糊／合桃糊／杏仁糊？
【#中式糖水】以往拍拖兩個人喺香港食完晚餐，唔少得就係去搵間糖水舖sweet吓，就算多個朋友gathering亦少不免用甜品店延續聚會時間。不過，香港餐廳營業時間愈嚟愈短，大多好早就收舖，想要食個糖水都唔容易。荃灣就有間以中式甜品為主嘅小店，唔單止不時大排長龍，頗受到街坊歡迎，而且最平$20就有交易！
荃灣罕見真地踎大排檔！食得喜小廚正對三棟屋博物館！椒鹽鮮魷／滷水鵝／酥炸蠔餅／小炒皇
【#香港大排檔】以前食大排檔係因為價錢平，但今時今日食大排檔無幾百一千都難以埋單，恍惚係一種由低消費變成高消費嘅文化。拍拖兩個人去食大排檔其實一直都唔係好抵，份量多而菜式選擇少，平均價格就好高，所以大排檔係一大班朋友聚會先至比較適合。如果有朋友想食大排檔，不妨揀荃灣呢間老牌地踎大排檔，位置正對三棟屋博物館，起碼仍然有得揀。
佐敦70年代老牌西餐廳！牛屋餐廳懷舊扒房港式西餐最平$48﹕蒜蓉雞扒／威靈頓牛柳／原條牛脷／德國鹹豬手
【#平價西餐廳】有時候，情侶拍拖兩個人想搵間浪漫西餐廳撐檯腳，想慶祝吓紀念日或生日，但唔知道有咩好選擇，又擔心價格over budget。今次E.A.Two前往一間座落佐敦有超過50年歷史嘅老牌懷舊西餐廳，感覺似港式西餐，價格竟然低至$48！
復古商場近尖沙嘴重慶大廈！濕潤英式鬆餅花華慶方重開！與Peek-a-Poke招牌夏威夷丼飯相連！
【#簇新商場】尖沙嘴重慶大廈向來係一個聚集東南亞人嘅地方，一般本地人比較少會進入呢個殘殘舊舊嘅地方。而呢幢樓附近竟然有個表面簇新而入面賣復古風嘅商場。呢個商場入面有兩間小店相連，不妨拍拖兩個人去醫吓肚。有留意E.A.Two嘅讀者應該知道我哋亦曾經食過，當中包括夏威夷丼飯，重有一間由咖啡店變酒場嘅食肆，店內嘅英式鬆餅絕對令人難忘！
【區區有小店2025】九龍塘5間尚存本土餐廳美食！校園西餐廳／散水餅Cupcake／台式手搖飲
【#大學餐廳】雖然處於結業潮當中，但香港小店依然不少，只要有心尋找，拍拖兩個人留港搵食其實不難。E.A.Two繼續為香港人搜羅仍舊隱身香港、默默經營嘅地道小店，而且唔少都有一定水準。小店選擇眾多，每間各有優點同缺點，好食就食多啲，唔好食唔好逼自己食，希望本土香港人明白，自己小店自己撐！呢篇係九龍塘篇﹕
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。
金鐘CBD隱藏歷史遺跡！香港賽馬會復修軍火庫空中花園眺維港！入口神秘、保留火藥路軌、打卡石屎森林蜿蜒天橋！
【#CBD景點】香港CBD一帶向來都係金融中心、商業地區，四圍都係高聳商廈，景點並唔多，唔係近海就係近山。今次E.A.Two帶大家前往隱藏於金鐘區內嘅歷史遺跡，既保留舊時軍火庫，亦加入可眺望維港嘅空中花園，放空必到！拍拖兩個人更可以打卡石屎森林中嘅蜿蜒天橋，景點免費入場！
【下集】直擊馬灣舊村8大僅存完整保留打卡位！2025年翻新完畢正式開放、全變空盪盪彩色小屋？
【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！
實試百年法定古蹟導賞團、螺旋形樓梯登小平台！些利街清真寺毗連中環半山扶手電梯！假日開放、打卡搶眼薄荷綠色！深入了解穆斯林與天主教分別！
【#隱藏平台】香港有唔少教堂都好靚，但大多數都係來自於天主教、基督教，來自於伊斯蘭教嘅清真寺就相當稀少，九龍、港島分別僅有1間，皆位處該區繁華地帶。E.A.Two曾經前往港島區清真寺，被薄荷綠色建築同獨特裝修設計吸引，未有深入了解，今次就嘗試參觀導賞團，了解香港殖民時代嘅穆斯林歷史文化，更有機會破例登上旋轉樓梯上嘅大平台，真歷史建築值得拍拖兩個人逛逛！
九龍西廢棄炮台隱藏尖沙嘴九龍公園！改建歷奇樂園遊樂場變小型城堡／瞭望台
【#神秘炮台】講到香港景點，身為香港人已經去到無意欲再提；所謂情侶拍拖兩個人嘅香港好去處，已經被網絡平台講到「爛」。個「爛」係歧義，一係指講得太多，令景點變成係人都知，唔再新奇有趣；二都係講得太多，但就引咗太多人去，令景點真係變得殘舊。「九龍公園」都算係講到「爛」嘅知名香港景點之一，最近更有博物館展出全新嘅「恐龍化石」，推動「恐龍經濟」！而事實上，公園內重有一個真真正正隱藏嘅歷史痕跡，只不過炮台堡壘一早變成遊樂場！
驚見全港最神秘郵筒！青山醫院參觀精神健康體驗館設5大展區 即睇報名方法體驗精神病患者情況
【#了解精神病】青山醫院向來都係重門深鎖，外人一般係嚴禁進入，而偏偏有個全港最獨特嘅英式郵筒就位於醫院範圍內，真係神秘得難以找尋！近月，青山醫院內就開放一個精神健康體驗館，不妨拍拖兩個人去了解吓精神病患者嘅實況。原來亦只可以從後門進入。不過，E.A.Two編輯入正門問路，赫然發現呢個最神秘嘅郵筒竟然活現眼前！