【曼谷新景點】環保文創公共空間！Thonglor區地道商場The Commons 當地人氣餐廳／多間Cafe進駐

曼谷Thonglor區向來係富人區，最高人氣嘅只係芒果糯米飯專門店，但近年就愈來愈多新景點值得拍拖兩個人逛逛，除咗今年先開幕嘅新商場「Marché Thonglor」，重有另一個隱藏於該區嘅地道潮食商場「The Commons」。

事實上﹐Thonglor區「the COMMONS」為一幢2016年已經開幕嘅商場，打造一個時尚社區，只不過地理位置上距離BTS比較遠，一般遊客比較少到。但今年同區另一個打卡商場「Marché Thonglor」開幕，每該區變成一個熱門景點。

「the COMMONS」亦為複合式商場，但基本以餐廳為主，大多數價錢都係比較貴，未必係一個親民嘅商場。不過，商場整體設計相當型格，潮流味較重，據悉假日現場重會有外國人演奏音樂。

商場多數地方都係非吸煙區，但地下仍有多個角落為吸煙區，方便客人。而地下有一個food court market，整體設計偏向西方國家，吸引唔少外國人進入。另外，亦有人氣十足嘅咖啡店「Roots」、「The Lobster Lab」等。

全幢以健康生活為概念，並無電梯可供乘搭，同時亦無冷氣供應，只有少量風扇及樓梯，似乎用實際行動支持環保。穿梭木質階梯之間，可細細欣賞商場中嘅獨特設計。整個空間有工業風及文創風格，同時帶有時尚感，有幾分似香港「南豐紗廠」，但「the COMMONS」就係無冷氣空間，比較環保，同埋係相對適合當地有錢人行逛嘅地方。

商場基本只有4層樓，包含有4個大區域，當中分為Market、Village、Play Yard、Top Yard，地下至中層有唔少Cafe及小店，包括有綠植店、服裝店、兒童遊樂場、健身中心、酒吧等，打造成一個公共空間。

而高層則有更高級、被曼谷BK Magazine選為年輕人喜愛餐廳嘅「Roast」。地下及頂層都設有檯櫈，既可休憩，亦可用餐。天台設有小草地，可種植蔬菜、香草等，一隅灰色骨架透視陽光，週邊綠意盎然，佈滿綠色植物，為一個城市中小花園。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ BTS Sukhumvit線（淺綠色）至E6「Thonglor」站落車，於3號出口徒步至Sukhumvit Rd 55巷，約20分鐘即達，中途會經過人氣芒果糯米飯「Mae Varee Sweet Sticky Rice with Mango」及該區全新商場「Marché Thonglor 」。一直沿大路前行，直到見小路「Thong Lo 17 Ally」，前行不足100米即達「TheCOMMONS 」。

❷ The Commons商場於「Saladaeng」及「Thonglor」都有，亦係新開幕商場。

❸ the Commons商場每日營業，平日熱門時間由傍晚6點至9點左右，而週末假期日光時間都會多人，直到夜晚9點至10點。

❹