【曼谷新景點】全曼谷最高巨型金佛像變新地標即睇水門寺最佳視角位置｜附交通路線＋遊船費用

去曼谷旅遊，好多人都會去鄭王廟、大皇宮，甚至係粉紅色主調嘅三頭像神博物館打卡，但最近就有一個新地標水門寺，最吸睛嘅係當中有一尊曼谷最大型及最高嘅金色佛像，視覺上極震憾，係近期曼谷秘境之一，值得拍拖兩個人去逛一逛。即刻睇睇水門寺呢座有約20層樓高嘅巨型佛像最佳觀賞位置，以及水門寺交通路線。

水門寺係曼谷一個河邊佛寺，位置為昭披耶河邊，即湄南河，最大特色係曼谷最大佛像，體積更加係泰國排行第三嘅巨型佛像。水門寺金佛有約69米高，大概樓高20層，闊度亦有約40米，非常莊嚴宏偉！

曼谷MRT線已經延長，大家可以直接乘搭MRT至熱門景點鄭王廟，亦可以前往近期曼谷全新地標水門寺。水門寺屬第三級皇家寺廟，位置係Phasi Charoen（ภาษีเจริญ）區，既毗連湄南河支流，而且係三面環河。不過，前往水門寺嘅小路係比較偏僻，大多數都係當地民宅、學校，甚至廟宇，所以最好唔好一個人獨遊徒步前往。

而水門寺係屬於1610年大城王朝（Ayutthaya），由皇室創建，係紅統府大佛。寺廟其實歷史悠久，一直以來係當地人前往膜拜、甚至冥想禪修嘅地方。寺廟原有白色佛塔，有約5層樓高，內有唔少佛教文物展覽，頂層更有翡翠色小型琉璃佛塔。佛塔建於2012年，靈感來自清邁建15世紀嘅Wat Loka Moli佛塔；而呢座巨型金佛其實由2017年興建，用咗5年去建造，於2022年先至完工，為全新建成，並開放公眾入場免費參觀，無需花錢就可以進入。

大金佛同佛塔都係金光閃閃，精雕細啄，大多數亞洲遊客都會選擇曼谷鄭王廟打卡，但目前水門寺以外國遊客為主，如果唔想去鄭王廟同人逼，不妨走遠些少，行去水門寺參觀一下啦。

事實上，大金佛造型巨大，不單可以站於大佛腳下，週邊四面八方亦有好多地方都可以仰望水門寺金佛像大頭。比如係背後小橋，或者沿路小巷，而最佳觀賞點則為河邊，既可以於河邊直視全座大金佛，亦可以坐長尾船於運河航道穿梭，繞圈觀看大金佛週邊﹐IG打卡度極高！

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 乘搭BTS至「Wutthakat 站」4號出口或MRT至「Talat Phlu 站」，徒步大約15至20分鐘即達。BTS可以用悠遊卡，但MRT就要用現金買飛。以距離計，大多數人都會揀MRT落車徒步過去，比較近大佛正面；但BTS落車就平啲，會比較近河邊。

❷ 水門寺可以免費進入參觀。

❸ MRT線近年已經延長，所以可以直接搭地鐵去鄭王廟及水門寺。

❹ 水門寺同其他曼谷寺廟一樣，都係有各種限制，至少衣著需要端莊，唔好著短裙或短褲，甚至無袖上衣。進入佛塔唔好大聲講嘢，唔好亂掂入面嘅樑柱或佛像等，進入時亦需要換拖鞋。

EATWO

Miss A

【區區有小店2024】粉嶺6間尚存本土餐廳推介！70年粥店／平民丼飯／泰式船麵｜粉嶺美食推薦2024

兩個人旅吓行

專題

E.A.Tips :

水門寺／Wat Paknam Bhasicharoen／Wat Pak Nam／Wat Muang／Ang Thong Big Buddha／วัดปากน้ำภาษีเจริญ