大圍人氣村中米線 8款湯底配招牌滷鴨片係伏定筍？｜肆年八月米線

大圍圍方開幕後，該區人流增加，而居民亦大多數集中商場一帶溜漣。事實上，拍拖兩個人於大圍都可以前往其他地方，例如小店眾多嘅顯徑，下口徑村就有多間小店可以選擇，其中一間米線店就係人氣之選，價格適中，8款湯底任君選擇。

大圍下口徑村內嘅「肆年八月米線專門店」，至今開業已近7年，一度係排隊米線店。該店由村內搬到大街上，多年來一直以真材實料嘅招牌滷水小鍋米線吸引唔少街坊幫襯，甚至有人跨區朝聖。店內最受歡迎之作為招牌滷鴨片撈米線、麥芽滷雞翼，人氣十足。

以米線為主打嘅小店，湯頭固然係靈魂，店內嘅米線有8款湯底可以選擇，包括金銀蛋芫荽湯、特製蕃茄湯、蛋花蕃茄湯、香辣蕃茄湯、豬骨鮮雞清湯、濃香沙嗲湯、香噴噴酸辣湯、重口味麻辣湯。而每款湯底最底層基乎一致，入口鮮甜，有如雞湯熬煮出嚟，能夠一呷到底！

麥芽啤酒滷什滙小鍋米線為招牌之作，呢款米線本身係自動配上金銀蛋芫荽湯，一碗$72。米線湯底有大量芫荽、金銀蛋，一眾芫荽迷必揀！湯底既有芫荽香，另外重有大量滷水大什滙，鹹香味濃，大什滙包含有滷豬大腸、滷鴨胸肉、滷雞翼、滷雞腎、滷雞蛋等，豬什並唔包括滷豬潤。

店內嘅特製蕃茄湯都係人氣之選，不過當日就並未能提供，所以蒜蜜豬扒蕃茄湯米線被逼轉香噴噴酸辣湯，另加招牌滷鴨片後，一碗$75。酸辣湯另有一番風味，與坊間小鍋米線嘅酸辣湯基本無異，內含大量炒香嘅辣肉碎，調味甚重，酸辣湯辣中帶微甜，亦重容易入口，唔會太嗆鼻癢喉，不過就有少少油膩。

招牌滷鴨片係以自家製嘅滷水汁醃製，而且同時特別加入麥芽糖及台灣碑酒一拼醃製，故滷水汁係帶有香甜味。不過，店內嘅肉類雖然係味道不俗，但並非係軟腍之選，甚至有啲嚡口。

套餐可以挑選免費附送嘅飲品，例如蜂蜜柚子茶、咖啡為茶等，亦可以選擇自家製檸檬薏米水、招牌手拉奶茶，據悉該款奶茶憑濃郁茶底及甜度適中嘅順滑奶茶，甚受網友們歡迎，聽聞奶茶係拉足6次。

兩個人旅吓行

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

❶ 付款方式只限現金。

❷ 現時店內以QR Code落單。

❸ 店內為開放式設計，若帶同bb車，最好坐舖前3呎嘅戶外座位，以免被熱湯淋到。

❹ 店內有洗手間可供借用。

EATWO

Miss A