泰國曼谷美食眾多，尤其係平民美食，更加係適合拍拖兩個人掃街嘅選擇。而泰國曼谷米芝蓮店並非只有高級餐廳，反而好多平價美食都能夠登上《米芝蓮指南》名單，有一間米粉湯就係其中之一，即刻睇吓有咩特別！
距離BTS「Phrom Phong 站」不遠嘅「榮泰米粉湯 Guay Tiew Mu Rung Rueang 」，不僅有超過50年歷史，而且於2018、2019、2020連續3年皆獲得《米芝蓮美食推薦指南》殊榮。
「榮泰米粉湯」於泰國有美食界「綠碗公（Shell Shuan Shim）」嘅最高美譽，最出名嘅係招牌米粉湯，湯底極濃郁，配料包括有豬肉、豬內臟等。雖然早獲得《米芝蓮》推介，但店舖內嘅餐牌除咗多躢中英日韓語言，價錢上並無變成高級餐廳價錢，反而依舊係平民美食，難怪店內10幾檯幾乎坐無虛席，但又未至於需要排隊等候，只係客人流水式接住進入。
目前，唔識泰文都可以好容易點餐，只要跟足步驟就得。第一步先揀湯底，Tom Yum with soup 酸辣粿條、Tom Yum no soup 酸辣乾粿條、Clear soup 豬肉清粿條、No soup乾麵；第二步再揀麵底，河粉、蛋麵、米粉、冬粉、糯米粉等；第三步揀Mixed 混合、No Pork Entrails 無豬肉內臟、Pork Only 豬肉、Fishball and Minced Pork 豬肉加魚蛋、Fish Only 魚蛋；第四步揀size，有大中小，分60、70、80泰銖，折合港幣僅約15至20元。小食可以單點炸魚皮、豬肉碎、魚蛋等，飲品則可以試吓Thai Black Coffee、Longan Juice等，每杯約20至30泰銖。
所謂粿條，其實即係豬內臟，或者香港人會稱為豬雜，內含豬腸、豬潤、豬腰等，粿條比豬肉會比較出味，湯底自然較濃郁。冬蔭湯底與平常有椰奶嘅冬蔭功湯稍有不同，重點為酸辣。即使係普通豬肉湯，其實都已經入味，皆因湯頭內含有胡椒及大骨味，加上豬肉及魚蛋等就更濃郁。
雖然粉量並唔係好多，但配料就有唔少。湯內豬肉碎切成小塊，肉汁明顯，同時容易入口，連豬內臟都似海量級數，魚蛋亦係點睛之筆，為湯頭帶上甘醇與鮮甜味，種種配料構成一碗《米芝蓮》級米粉湯。有客人會於檯面加上檸檬汁、花生碎、豬油渣等，與麵底撈勻，有興趣可以試吓呢個方法。
E.A.Tips :
❷ 泰國米芝蓮食肆同香港唔同，基本上好多walk in都會有位坐。
❸ 店內係無冷氣，只有風扇，所以現場係會比較熱。
❹ 只限現金付款。
榮泰米粉湯 Guay Tiew Mu Rung Rueang
10/3 Soi Sukhumvit 26, Khlong Tan, Khlong Toei, Bangkok 10110, Thailand（泰文地址﹕10 3 ซอย สุขุมวิท 26 แขวง คลองตัน เขตคลองเตย กรุงเทพมหานคร 10110）
08:00 – 17:00
+66 84 527 1640
【區區有小店】全港逾40間本地茶飲＋台灣直營店一覽！珍珠奶茶／水果茶／港式檸茶／純茶手搖飲品、私心本土廢水List！
【#香港茶飲店】香港人向來鍾意人手一杯嘅茶飲，好多人寧願出街買嘢飲，都唔會自備飲品，所以由全盛期台式茶飲進駐香港到而家，一間又一間手搖飲品店屹立至今。好多人會叫茶飲做廢水，飲廢水就象徵住飲手搖飲料，其實廢水就係起源於澳門，呢個詞語就係澳門同香港年輕人經常講嘅潮語。真正適合香港人嘅茶飲店其實唔多，今次E.A.Two就整理返本地嘅純茶飲，加上台灣直營嘅手搖飲料，希望大家拍拖兩個人飲廢水嘅話，多多支持吓本地出品嘅茶飲店啦！
銅鑼灣泰式船麵店船皇變迷你香港打卡酒場！突成網絡人氣店水準如何？主打維他奶醬串燒、埋單人均到底幾錢？
【#船麵變串燒】銅鑼灣謝斐道內，本來有間泰式船麵店，值得拍拖兩個人前往。該店曾經由銅鑼灣開到其他地區，後來只係剩返老銅分店，到最後直接結束營業，E.A.Two都覺得好可惜，因為船麵出品其實不俗。最近，有唔少人推介一間同一舖位嘅港式串燒酒場，原先以為係唔關我事嘅食肆，直到見到一張餐牌寫住「聯乘船皇」。
上環搬到銅鑼灣地帶？老字號飛藥堂蔘茸海味店隱身冷清商場！海味零食、過大禮專門店
【#海味專門店】銅鑼灣雖然係人流滿滿嘅區域，但現時都有唔少冷清商場，銅鑼灣地帶就係其中之一，屹今已經愈來愈少人會走上去行街。事實上，有一間老字號蔘茸海味專門店隱身於呢個商場內，一邊係賣海味、藥材，另一邊係過大禮專門店，拍拖兩個人結婚必揀！
北角鯊魚肉四式燒賣隱身中醫診所！新天中藥茶館老中醫師處方自家涼茶／湯包！
【#老式涼茶舖】燒賣、魚蛋係香港知名而獨有嘅港式小食，好多燒賣、魚蛋都會喺小食店度搵到，而北角有間老字號涼茶舖就憑住鯊魚肉燒賣爆紅，受到一眾喜愛食燒賣嘅網友追捧，唔少人都拍拖兩個人朝聖。唔知點解，好多涼茶舖唔單止賣涼茶，都係會賣埋燒賣、魚蛋，到底點解呢？
西灣河小街極細粉紅Cafe、樣樣加甜！蛋糕店Rose Home Kitchen情侶拍拖紀念日餐廳之選！
【#粉紅咖啡店】雖然好多人話香港有好多劣食，但其實有唔少小店依然默默地做好自己本份，有好多值得支持嘅餐廳等待大家發掘。今次E.A.Two前往西灣河，發覺有一間絕對值得更多嘅細小粉紅咖啡店，適合情侶拍拖兩個人前往，無論紀念日定撐檯腳都好適合！
大角嘴富多來商場最神秘小店！我要辣魚蛋主打港式雞煲、原來真係有魚蛋！
【#最神秘食店】香港有好多神秘到不得了嘅小店，好多時候就算拍拖兩個人行過，都唔知間舖賣乜嘢。E.A.Two每次走過大角嘴富多來商場，都留意到一間非常騎呢嘅小店，睇落好似真係有嘢賣，但實際上長期都閂門，而且唔係畀客人行入去，但佢又選址地舖，原來間中真係會有限時車仔檔推出嚟！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。
金鐘CBD隱藏歷史遺跡！香港賽馬會復修軍火庫空中花園眺維港！入口神秘、保留火藥路軌、打卡石屎森林蜿蜒天橋！
【#CBD景點】香港CBD一帶向來都係金融中心、商業地區，四圍都係高聳商廈，景點並唔多，唔係近海就係近山。今次E.A.Two帶大家前往隱藏於金鐘區內嘅歷史遺跡，既保留舊時軍火庫，亦加入可眺望維港嘅空中花園，放空必到！拍拖兩個人更可以打卡石屎森林中嘅蜿蜒天橋，景點免費入場！
【下集】直擊馬灣舊村8大僅存完整保留打卡位！2025年翻新完畢正式開放、全變空盪盪彩色小屋？
【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！