香港結業潮下，美食小店似乎一間又一間逐步消失，縱然搵食艱難，現時依然有唔少值得支持嘅小店尚存，香港人一樣可以拍拖兩個人搜羅各種喜愛菜式，甚至性價比高嘅餐廳選擇。今次E.A.Two編輯就為大家整理2024年中環區尚存嘅餐廳小店，即睇該區隱藏美食介紹！
越南菜
Bánh Mì Kitchen
中環雖然係一個商業區，但其實都有唔少經濟選擇，其中利源東街及利源西街就係好例子。位於利源東街嘅「Bánh Mì Kitchen」，以往於銅鑼灣及觀塘一度有分店，但現時只係剩低中環店，主打係越南法包，健康OL必選！
延伸閱讀﹕隱藏中環橫街窄巷 OL至愛健康越式三文治
越僑
同樣位於中環巷弄之間嘅「越僑」，並非位於利源東街或利源西街，反而係座落更隱蔽嘅鐵行里。該店亦以越南菜為主打，包括越南河粉，以及平價越式碟頭飯，經濟實惠。
Cafe
N.O.T. Specialty Coffee
中環區必然要數間咖啡店，於銅鑼灣都有分店嘅「N.O.T. Specialty Coffee」，中環店位處交易廣場與中環街市之間，鄰近電車路，方便中環打工仔。
日本菜
滿滿食堂
喜愛葷食兼有肉到肚嘅朋友，不妨選擇位於皇后大道中嘅「滿滿食堂」。該店為一間石燒牛扒專門店，而且係半自助形式，最平低至$48，但當然只係得100g嘅牛扒啦。
○de▽ 鯛白湯らーめん
來自日本嘅過江龍拉麵店「○de▽ 鯛白湯らーめん」，全店只有3個選擇，包含有拉麵及沾麵，皆採用獨有鯛魚湯為湯頭﹐入口鮮甜，編輯會選為Number 1本土拉麵店。該3款選擇為鯛魚白湯拉麵、鯛魚清湯拉麵及鯛魚沾麵，清湯為人氣之選，不過經常地好快售馨。
延伸閱讀﹕大阪過江龍人氣拉麵店抵港 全港獨有鯛魚湯
素食
Kale
至於「Kale」，單睇名字都知道係以羽衣甘藍為主題，事實上該店的確係一間無紅肉嘅素食店。店內既有飽肚素食飯盒，亦有素菜烤餅，選料健康。
無肉食
另一間100%為素食店嘅係「無肉食」，於其他地區皆有分店。該店係一間素食自助餐廳，不僅有堂食buffet，亦有外賣可以選擇，一個飯盒加一個飯碗，可以隨意夾滿！
港式
三一餃子
位於中環利源西街嘅「三一餃子」，受到唔少年輕人歡迎，價格係該區比較低廉嘅一間食肆。不過，該店嘅餃子水準平平，等同自己喺屋企求其煮熟啲餃子同麵條。
韓式
Hungry Korean
而「Hungry Korean」中環店就位於蘭桂坊一帶，以韓國快餐為主，包含有石頭鍋飯、泡菜湯等，都算係該區價格相宜嘅食店。
台灣菜
一起食堂
「一起食堂」本身主打台灣菜，不過就以日式風格打造，所以其實係一種台菜日食嘅選擇，最簡單例子就係將台灣嘅紅燒牛肉與日本嘅烏龍麵合體，變成和風台菜。
吃什麼
另一間位於蘭桂坊一帶嘅小店係「吃什麼」，大門口正對打卡熱點中環大館。該店以台灣菜為主，而且係由台灣人打理，故菜式都係地道台灣菜，有如台灣夜市風味。
火鍋撚
而「火鍋撚」中環店則位於蘭桂坊對上位置，以台式火鍋為主，當中有大概7種火鍋湯頭，配料則逐碟計，最值得試嘅係冰涼沙冰，皆因係來自台式冬瓜茶，甚至港式嘅腐竹雞蛋糖水。
犀牛犀牛
中環區嘅「犀牛犀牛」位於活化後嘅中環街市內，繼續以蛋餅、吐司及卷餅為主，亦有多款台式茶飲提供，都算係中環街市中少見嘅小店，其他小店要去另一層樓。
燈籠滷味
相信大家對「燈籠滷味」都唔陌生，該店主打台式滷味，醬汁香濃，鹹中帶甜，各款配菜都能掛汁，入口有台灣夜市風味。
長洲角酪
來自長洲小島嘅「長洲角酪」，以手搖茶飲為主，主要成份係乳酪，各款乳酪系列及水果茶都大受歡迎。後來開到市區，連中環鬧市都見蹤影，該區設於中環街市內，位置係「犀牛犀牛」嘅下面一層樓。
俄烏菜
東歐餐廳 Ivan the kozak
至於「東歐餐廳 Ivan the kozak 」，則為香港唯一一間以俄羅斯及烏克蘭菜為主打嘅餐廳，室內呈民族風，各款東歐菜式適合大家拍拖兩個人撐檯腳。
串噹噹宵夜店與平記茶餐廳合拼！每人送一隻藤椒鮑魚！大排檔小菜有鑊氣、本地僅存小店賣脆炸臭豆腐！
【#串燒x茶記】近年，香港結業潮湧現，唔少餐廳為求生存落去都想盡辦法。E.A.Two最近前往紅磡一間串燒店，覺得好適宜拍拖兩個人去食宵夜。同時發現該店目前已經同另一間茶餐廳合併，朝早至下午賣茶記菜式，夜晚就繼續賣大排檔菜式。雖然呢個合作方法好聰明，完全慳成本，但就有啲擔心佢哋可唔可以再捱得住。
觀塘Mini Friday與鄰舖米走雞合拼經營？半自助式變午市套餐更適合打工仔！
【#打工仔飯堂】網上嘅資訊好多時都係有真有假，E.A.Two查證以下餐廳時，發現最出名嘅飲食平台竟然寫佢已經結業。不過親身到達現場時，就發現同層兩間餐廳都係依然尚存。雖然無咗半自助式午餐，但仍然容許拍拖兩個人去醫吓肚。
慈雲山平價街坊店兩三碗餃子逾10款餡任揀！最受歡迎竟然係石板／石鍋小食？
【#平價餃子】慈雲山係一個完全屋邨地，同時係一個學校邨，週邊最多嘅就係屋邨同中小學，附近都係街坊同學生。不過，該區食肆並唔多，至今都有唔少餐廳結業，E.A.Two已經食得八八九九，今次去嘅餃子店就係附近車仔麵店嘅姊妹店，拍拖兩個人想食平啲都有所選擇。
【中秋月餅2026】超過20間香港小店本地生產月餅！流心咖啡／港式奶茶／金腿伍仁／開心果麻糬／黑芝麻冰皮／燕窩月餅！留意早鳥優惠、英國專線點買？
【#月餅攻略2026】每年一到暑假，都係準備預訂中秋月餅嘅時候。隨住本地結業潮，拍拖兩個人喺香港買月餅，選擇可能已經愈來愈少。不過，識揀依然有唔少選擇，首選一定係小店模式，如果真係想再穩陣啲，都可以揀日資連鎖店。上年有店舖特設英國專線，今年都唔例外。E.A.Two又再整合2026年中秋節月餅推介，想食咩口味嘅月餅都係任君選擇！
灣仔金庸武俠小說主題Cafe玩味十足！笑林寺隱藏被咖啡耽誤嘅意粉大廚？
【#被咖啡耽誤】雖然近年香港結業潮湧現﹐但有啲餐廳依然客人一個接一個，價格豐儉由人﹐E.A.Two覺得今時今日仍然能夠吸引客人拍拖兩個人排隊都照食，必然有原因。香港有唔少咖啡店，灣仔有一間中西合璧嘅咖啡店非常有玩味，實試之後就覺得咖啡唔係最吸引，意粉先至係最意想不到嘅選擇，入面絕對有位被咖啡耽誤嘅意粉大廚！
荃灣海旁屋苑平台隱藏平價漢堡包／Pizza店！Hustle Guy近月搬入街市重新開業！
【#搬遷試業】要數荃灣區平靚正嘅美食，應該有排數，呢個大區每個角落都有值得拍拖兩個人前往嘅小店。今次E.A.Two於海濱一帶去到一個屋苑平台，當中有一間隱身街市內嘅burger同pizza店，真係可以叫做平靚正，難怪一直係街坊選擇。最近該店更將原店搬入街市內，堂食座位增加，試業當中連紅紙都未拆！
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。