去泰國曼谷旅行，唔一定要跑景點，抑或四圍走搵食，拍拖兩個人可以join local tour，亦可以試吓參加烹飪學校嘅課程，會令整個行程更有意思。今次E.A.Two編輯就實試其中一間曼谷學校嘅烹飪課程，只要一個價錢，就可以學曉6款著名泰國菜式，臨走前學校重送多本食譜，返香港都可以自己煮呢！
於網上預訂「Silom Thai Cooking School」泰式烹飪學校課程，參加其中一個小班課堂，當日上午課程有大概9人。該課程由官方認可嘅Hoso Tour作香港代理，導師亦有泰國註冊烹飪學校證書，更有至少1年專業煮食或教學經驗。學校烹飪老師於每班都會教授6款泰國菜式，而每一班都有機會唔一樣，詳情要留意官方網站當日係Set A定Set B菜式。
抵達烹飪學校後，老師點齊人數就會出發，皆因一開始係會先帶大家到當地嘅菜市場，等如香港嘅街市。每人都會分發一個竹籃同一支水，竹籃用作盛載食材。頭1.5小時基本上都係逛街市，老師會帶大家搜羅食材，教大家買合適食材，然後先至會折返學校開始教煮餸。
當日，編輯實試嘅菜式有酸辣蝦湯（TOM YUM GOONG）、泰式炒麵（ PAD-THAI）、青木瓜沙拉（SOM – TAM）、綠咖哩醬料（NAM- PRIK –GEANG – KHEW-WAAN）、綠咖哩雞（GEANG – KHEW – WAAN – GAI）、芒果糯米飯（KHAW-NEAW – MAMUANG）。除咗綠咖喱醬料同綠咖喱雞隔硬分成兩款餸之外，其餘都係正常一道菜式。
即使你唔識煮飯，都一樣可以應付得嚟，無經驗都學得到。皆因課程簡單，基本上學校老師已為大家準備好所有食材，而每個步驟都唔複雜，只係需要自己簡單處理即可，能輕鬆煮出泰國味道。煮完6款菜式，需時大概係2小時，每一道菜式都由自己動手煮，完成之後，都可以自己享受返烹飪成果，反正係自己煮、自己食！
E.A.Tips :
❷ 課程分1至9人小班課堂及10至30人大班課堂，前者為併堂，後者則為私人班。 $227 $355
❸ 於kkday或klook預訂會比較抵，人均大概港幣266至271元。
❹ 每班菜式可能唔同，但大致上都係每班會教授6款泰國菜式。
Silom Thai Cooking School 泰式烹飪學校
Silom Thai Cooking School, 6/14 Decho Road Silom Bangkok
6/14 Decho Road Silom Bangkok（泰文地址﹕ช่วยพาไปโรงเรียนสอนทำอาหารสีลม (Silom Thai Cooking School) 6/14 ถนนเดโช ติดกับโรงแรมลักซ์ สีลม (LUXX Silom) ก่อนถึงตึก เอไอเอ สุริวงศ์ ตรงข้ามโรงแรม ไอสลีป สีลม (I Sleep Silom) ขอบคุณครับ）
09:00 – 12:20、13:40 – 17:00、18:00 - 21:00
http://www.bangkokthaicooking.com/
天水圍新北江商場間間微舖逐間試！芝士面醬汁濃而不膩！1個問題需改善？
【#邪惡芝士麵】天水圍有一個商場係街坊嘅美食廣場，E.A.Two亦曾經到過幾間小店，今次就前往當中另一間，呢間全舖分明以芝士為主打，感覺好家庭式風格，路過不妨拍拖兩個人試一試。
大埔丸茶開業逾5年、選擇困難症適宜！主打台式珍奶卻港味濃？
【#大埔茶飲】香港茶飲店就係台灣手搖飲品店，選擇同樣有好多，但真正嘅本地選擇其實有限，想要拍拖兩個人找尋本土茶飲，記得留意E.A.Two嘅茶飲List。今次前往大埔一間位於廣福道上嘅茶飲店，牆壁滿佈本地明星嘅應援宣傳品，選擇雖然有台式風格，但有就滲有香港味。
大埔街坊逾20年舊式麵包舖！名都餅店平價麵包／蛋撻／忌廉蛋糕
【#傳統麵包】香港傳統麵包店愈來愈少，港式麵包店有種獨特風格，係其他地方模仿唔到。大埔屋邨內有間傳統麵包舖，經營有超過20年，麵包每日新鮮出爐，重有港式蛋撻同生日蛋糕，探訪大埔經過呢一帶不妨拍拖兩個人去買返個最平6蚊嘅麵包。
即睇Tips！灣仔長期排隊店新景園咖哩小廚！馳名中外最高人氣咖喱豬扒飯／乾炒牛河水準如何？
【#人氣咖喱】講到灣仔區最具人氣嘅餐廳，絕對不得不提拒絕藝人譚詠麟直入嘅「新景園咖喱小廚」。該店多年來每日都係大排長龍，無論午市定晚市，開舖前就已經有一條長長人龍，想要拍拖兩個人隨時去食真係天荒夜潭。該店唔單止受本地人歡迎，連中西遊客都慕名而至，到底有咩招牌作，值唔值得專程去食呢？
南昌V City對面有分店！餃里8款餃子任揀湯餃／煎餃／3款湯水、最平$42！
【#平價餃子店】香港有唔少餃子店可以選擇，適合經濟型情侶拍拖兩個人用餐，E.A.Two就曾經食過「好味餃子店」、「甜記餃子」，今次就前往「餃里」，尚餘一間「有得餃」未食過，而呢幾間餃子店都係快靚正又經濟實惠嘅選擇。
【新年巡禮2026】全港逾25間香港小店全素蘿蔔糕／櫻花蝦瑤柱蘿蔔糕／紅棗燕窩椰汁年糕／開心果年糕／鮑魚雲腿蘿蔔糕／麻辣芋頭糕！賀年糕點立即預訂享早鳥優惠！
【#新年巡禮2026】踏入2026，意味農曆新年即將來臨，拍拖兩個人想搵年糕、蘿蔔糕？今次E.A.Two為大家整合2026年新年糕點，雖然繼續出品新年糕點嘅餐廳及商店已經愈來愈少，但有心要搵一樣可以搜羅到，即刻睇睇啱你心水嘅小店！
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。