【東京美食】分店近上野公園！六厘舍人氣魚骨湯沾麵 Tabelog獲超過3.6分！

於東京自由行，找尋美食點都係一個考驗，連鎖店通常都係比較穩陣嘅選擇，通常都係交通便捷。以下於日本食評網站Tabelog獲得超過3.6分嘅人氣沾麵店，鄰近上野公園，受到唔少日本人歡迎，可以拍拖兩個人一試。

位置鄰近「上野公園」及「上野駅」嘅「六厘舎」，於「東京駅」曾經獲得不少關注，於Tabelog獲得3.78分，更獲封為東京車站拉麵街第一名寶座。而上野店亦不遑多讓，於Tabelog亦有3.6分，同樣係日本人喜愛嘅沾麵店，所以店外不時有人大排長龍！

店內以沾麵為主，亦有拉麵可以選擇，但其實只有3款可擇，就係沾麵、辣沾麵同拉麵。其中正常沾麵賣880日圓，而辛辣味嘅特製生七味粉沾麵則賣980日圓，兩者其實分別只係在於係咪辛辣口味，湯底、配料幾乎一樣。以港幣計算，無需70元就有交易，普通沾麵更加只係50元內。

店內空間大小中規中矩，主張分成2區，一端既有吧檯，另一端亦有普通座位，大多數都係2人檯，所以太多人就唔太適宜前往。檯面上有調味粉，包括魚粉、柚子粉、柑橘酢、特撰焙煎黑七味，可以自由加入沾麵內。

沾麵湯頭濃厚，豚骨魚介湯濃郁可口，唔會太鹹或太飽滯，魚粉及鰹魚功勞不少；而湯底有唔少叉燒肉碎，分佈於湯汁內。至於麵底，就有分並盛、中盛、特盛，其中並盛為標準份量，大概只係250g，但其實已經足夠飽肚。麵底呈彎曲狀，偏粗身，入口有嚼勁，亦可掛湯。微涼麵條配搭微暖湯汁，確實係沾麵味道。

不過，「六厘舎」沾麵並無包括溏心蛋，需要另外添加，但沾麵內有不太乾柴嘅叉燒肉、爽口嘅筍絲、蔥花、紫菜等，敗筆之處係加入鳴門卷。

兩個人旅吓行

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

❶ 上野店位置毗鄰上野公園，亦鄰近「上野駅」。

❷ 「上野駅」徒步只需2分鐘即達。

❸ 只需於販賣機先買票，然後遞予店員即可。

❹ 店外不時大排長龍，所以最好非繁忙時間就好進入。

EATWO

Miss A