【台北景點】鄰近艋舺龍山寺！新富町文化市場U型建築打卡深度遊到訪剝皮寮歷史街區！

經常去台北快閃旅遊嘅你，對於萬華區一定唔陌生，皆因當中有西門町呢個拍拖兩個人熱門景點。而對於艋舺，你又有幾多認識呢？當中最為人熟悉嘅必定係可以向月老祈求姻緣嘅龍山寺，以及艋舺夜市，重有早年重有一個U形建築嘅文青打卡地。但E.A.Two又豈會只推介呢啲已經人云亦云嘅景點呢，今次為大家整合艋舺景點，兼推薦一個適合深度遊嘅歷史街區！

台灣賣座電影《艋舺》正正於艋舺取景，令該區受到影迷歡迎。而艋舺其實就係台北市嘅發源地，可以追塑至清朝康熙年間。而「艋舺」一詞，其實係來自於當時平埔族嘅語言「Banka」。

龍山寺一直以來香火鼎盛，信奉觀世音菩薩。最初，寺廟係居民信仰地，亦曾經歷清代、二戰時期。寺廟坐北向南，規模不小，呈回字形設計，樓高7層，分前殿、正殿、後殿，重有左右護龍，有如宮廷式建築，甚為宏偉，不過就有幾分神話風格。

艋舺景點（1）﹕龍山寺

現時，龍山寺既係台灣國定古蹟，亦係對外地遊客來說嘅知名景點之一，加上據稱龍山寺可以向月老祈求姻緣及愛情順利，而且相當靈驗，故此寺廟吸引更多人朝聖。想要向月老參拜，記得先了解參拜步驟，事前預備供品，點一炷香，面向神明時雙手合十，再稟明自己姓名及生日，重有地址及所求之事，再擲筊取姻緣線，但要3次聖筊先可以取姻緣線，否則即係時機不到，將姻緣線過燼後隨身攜帶即成。

艋舺景點（2）﹕新富町文化市場

「新富町文化市場U-mkt」於2017年已重開，但本身其實只係一個老市場，曾經歷日治昭和時期，名為「新富市場」。後來則變成一個推廣市場文化及庶民生活嘅展覽地，讓老城再生。呢個文化市場位於巷弄間，所以入口處唔容易找尋，從大馬路去就需要經過街市。

▲2017年「新富町文化市場」有「明日咖啡」。

文化市場內，空間恬靜而溫潤，最初有一間叫「明日咖啡」嘅咖啡店，但目前再前往，就只見到「萬華世界下午酒場」、「tokyobike Taiwan」，前者為台日酒場，主要係飲酒同食關東煮等小吃。

▲2024年「新富町文化市場」變成「萬華世界下午酒場」。

最特別之處，係市場內有一個獨特嘅U形建築，一度成為IG打卡熱點。日式老建築物一隅富有特色，屋頂呈馬蹄形，設計於台灣市場上甚罕見，驟眼睇似一個英文字母U字，打卡必到！不過，位置上其實只係展覽空間嘅露天通道，穿梭兩端走廊。

艋舺景點（3）﹕剝皮寮歷史街區

距離「龍山寺」及「新富町文化市場」不遠處，會見到「剝皮寮歷史街區」。剝皮寮係較少遊客前往嘅隱蔽歷史街區，但其實整個街區四面環街，被廣州街昆明街、以及康定路包圍，內裏更保留咗清代街道風景，值得深度遊！

歷史上既源自於清代乾隆年間，已有超過200年歷史，至於「剝皮寮」點解？事實上，似乎「剝皮寮」未有一個公認嘅解釋，只係坊間流傳而嚟，眾說紛紜，包括來自於「剝樹皮」、「剝獸皮」或「北皮」，大致上係代表唔同剝皮工作，或者係純粹係讀音問題。

從目前嘅「剝皮寮歷史街區」可見，整條街基本成一直線，週邊有幾間小屋模樣，街道寬約3米，同時只有短短百幾米長，與香港某電視台嘅古裝街長度相近。不過，「剝皮寮」就係將本身嘅獨特建築物完整保留，猶如文化古城，令西洋式與閩南式建築能活現眼前。

「剝皮寮」老街區就可以穿梭於古舊巷弄之間，探索充滿斑駁位嘅舊式磚牆、拱形騎樓，甚至係雕花鐵窗等，加上日治時期嘅日式木門窗、巴洛克裝飾，樸實又不失典雅。而呢度並非只有清代至今屹立不搖嘅建築物，台灣當局更將其變成藝文特區，室內可見唔同展覽區域，包含「艋舺」歷史，連COVID-19都有一個小區回顧疫情。

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 乘搭捷運至「龍山寺站」，於1號出口徒步2分鐘即達「龍山寺」；乘搭臺鐵至「萬華站」，徒步5分鐘即達「龍山寺」。

❷ 「新富町文化市場」及「剝皮寮歷史街區」距離「龍山寺」不算遠，整個行程前後只需走大概只係10分鐘。不過，「新富町文化市場」及「剝皮寮歷史街區」從「龍山寺站」出發，最好喺3號出口出站。

❸ 謹記唔好破壞歷史古蹟，進入後唔好大聲喧嘩，要保持安靜地遊覽。

❹ 「新富町文化市場」內有小餐廳，包括「萬華世界下午酒場」、「tokyobike Taiwan」，前者營業時間為10:00-18:00，週五、六則延長至23:00；後者則為單車咖啡廳，營業時間為09:30-18:00，同樣週一公休，