澳門東望洋新街隱藏老式馬路打卡新葡京建築！朝聖最多梯級羅憲新街！

澳門「新葡京」向來係重要地標，平時不時見到有部份遊客會喺「新葡京酒店」大門口前打卡。其實，從「東望洋山」下行，不難發現另一個更小眾嘅「新葡京」打卡位，位置毗連藝術階梯「羅憲新街」，老式馬路同金光閃耀嘅「新葡京」構成強烈對比，畫面構圖獨特，拍拖兩個人去澳門快閃遊如果順路嘅話，不妨去呢條街打個卡。

今次由「東望洋山」下行，經「東望洋酒店」轉入「東望洋斜巷」，前行至「得勝馬路」、「東望洋新街」交界處，一隅為「華士古達嘉馬花園」。從毗連公園嘅「得勝馬路」向「東望洋新街」望過去，會發現「新葡京酒店」正映入眼廉，而且係同大門口望過去構圖更美！

一直依「東望洋新街」走，中途可見一條直長階梯，該樓梯又叫「羅憲新街」，來自於以前嘅澳督羅沙，街道有百年歷史。如果由下面上行至「東望洋新街」，其實都頗花力氣，因為呢條樓梯街中有9個平台同8道石階，據知有72級樓梯級，有指係澳門最多梯級嘅街道。「羅憲新街」石階為碎石路，全長其實只有147米，同時僅有6米寬，有一旁有藝術壁畫，據悉藝術家以雀仔園為題創作。澳門狹窄街巷比起大街更具特色，左右縱橫交織，以為係迷宮，實情係四通八達，而且交通便捷。

「東望洋新街」係一道澳門舊式馬路，左右兩旁都係老區大廈，故中間插一幢豪華嘅酒店景象，自然形成強烈對比。「東望洋新街」盡頭位置可見「新葡京酒店」，金光璀燦，酒店全貌於兩側古舊住宅之間一覽無遺。從小街道仰視，雖然酒店狀似貧富懸殊﹐但復古老街卻又別樹一格，層次感強烈，充滿反差感。

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 兩條街都係24小時隨便可以去，不過太夜就最好唔好喺街溜漣。

❷ 好多人都會於東望洋新街較前段或中段影新葡京同老區對比，但其實後段會更精彩，因為東望洋新街、東望洋斜巷交界嘅大廈彎位構圖更好。

❸ 羅憲新街係一條直長階梯，打卡要小心安全。

❹ 千祈唔好為打卡企馬路，要小心安全，因為該路面唔單止有私家車，重有巴士經過！識影相嘅人係唔需要走危險路線，都可以影得好。