香港牛肉飯大混戰！自選本土牛丼御三家！牛丼家／松屋／Sukiya 3強鼎立！

「加藤屋Katoya」於今年3月全線結業後，本來牛肉飯只係剩低早於2019年已率先插旗香港嘅日本連鎖牛肉飯連鎖店「すき家Sukiya」。今年夏天，卻先後有2間牛肉飯店開業。其中一間係於7月中開業嘅本土牛肉飯「牛丼家Gyudonya」，1個月後，連另一間日本連鎖牛肉飯連鎖店「松屋Matsuya」都正式登陸香港，令香港出現牛肉飯大混戰！日本有知名嘅「牛丼御三家」，E.A.Two就為情侶拍拖兩個人自選本土推介「牛丼御三家」，至於香港嘅「吉野家Yoshinoya」，我哋唔鍾意揀。

香港牛丼御三家（1）﹕牛丼家

本土連鎖牛肉飯店「加藤屋Katoya」本來係香港最值得支持嘅牛丼店，惜於今年已全線結業，深水埗最後一間分店亦於2024年3月結業。不過，來自「齊柏林熱狗店」嘅姊妹店「牛丼家Gyudonya」就於7月中先正式插旗旺角鬧市，為香港人帶嚟另一間牛肉飯選擇！店內樓高2層，係我哋自選嘅「香港牛丼御三家」中地方最大嘅一間。最平有$20／碗牛肉飯，大多數款式價格低廉，係3間中最親民嘅一間。而牛肉飯同「吉野家」牛肉飯原本嘅賣相幾乎如出一轍，絕對有條件取代成為本地嘅「牛丼御三家」。

延伸閱讀﹕齊柏林熱狗涉足兩餸飯再賣牛肉飯實試2層高牛丼家新店試業最平$100／5碗！

香港牛丼御三家（2）﹕Sukiya

至於「すき家Sukiya」，早於2019年已經登陸香港，早於日本已經同「松屋」、「吉野家」並列「牛丼御三家」。該店最平一樣有$25／碗牛肉飯，亦有日本人氣選擇。而香港海外分店雖由日本直營，最初牛肉飯的確水平不俗，但後來水平稍為下降，幾年後已經變咗港式頹飯，大概係由於分店唔再由日本團隊直接打理。擺佢喺（2）唔等如佢真係排第二，擺最尾都可以係最高水平。E.A.Two每次買外賣，無一次係俾齊嘢，次次都會漏咁一兩樣，連餸都可以俾錯！

香港牛丼御三家（3）﹕松屋

「松屋Matsuya」係今年8月先正式登陸香港嘅日本連鎖牛肉飯專門店，本身同「Sukiya」、「吉野家」喺日本係並列「牛丼御三家」。日本「松屋」牛肉飯往往令人垂涎，而現時香港「松屋」同樣係由日本總公司直營，更由日本團隊打理，所以水準同日本分店無異。香港「松屋」牛肉飯唔單止最平有$35／碗，更可選擇「Mega」份量，只不過要「入鄉隨俗」，夜晚10點半要關門，唔係24小時營業。

延伸閱讀﹕松屋8月終登港！總公司直營插旗佐敦還原牛肉飯實試3點與日本分店有別！

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 留意每間分店嘅營業時間。

❷ sukiya只有人手落單，松屋只有點餐機落單，而牛丼家就兩者都有。

❸

❹

EATWO

Miss A

SUKIYA すき家

亞皆老街31號地下A號舖
彌敦道560號譽發廣場地下A號舖
金馬倫道38-40號金龍中心地舖
莊士敦道138號Commercial Unit 1地下1-2號舖
聯合道198號樂富廣場A區1樓1103號舖
黃埔天地時尚坊(第2期)地下G6B號舖
牛頭角道77號淘大商場3期地下G271-275號舖
西沙路608號馬鞍山廣場3樓337號舖
康山道1-2號康怡廣場南座AEON STYLE地下G7-8號舖
調景嶺彩明街1號彩明商場2樓247-248號舖
寶琳欣景路8號新都城中心二期2樓2086-2087號舖
唐明街2號TKO Spot 2樓205A號舖