【#安心野餐】最近，本地人搵食愈來愈艱難，單單堂食定外賣都要作出選擇，將食物外賣又要擔心拍拖去邊度食好，倒不如兩個人試吓去野餐，一於跟假日休息嘅「姐姐」隨時隨地隨意去吓野餐啦！雖然「姐姐」通常會選擇天橋底、天橋內，又或者隧道內等地方，但事實上我哋要野餐亦可以有更多選擇嘅，大家可以揀選有草地、有風景嘅野餐地方，唔少野餐地更可享海景。同時，無需擔心野餐點離食肆距離遠，令食物、飲品冷卻，皆因唔少都係靠近鬧市同食肆，絕對可以安心隨時野餐！編輯搜羅咗唔少本地野餐地點，會持續為大家推介本地野餐好地方，更會將行山路線同野餐點融合，將會包含九龍區、新界區、港島區，甚至大嶼山及離島區，可以行到邊食到邊，享受伴隨郊遊嘅野餐。
【#外賣Tea Set】如果想食Afternoon Tea，但又因為某啲原因無得堂食，其實一樣可以選擇戶外野餐，目前仍舊有唔少小店都有提供外賣版嘅Afternoon Tea，即使外賣自取方式，仍然可以拍拖兩個人或同閏蜜開開心心去草地野餐。唔好問點解編輯夜晚先開餐，純粹想食又就唔啱時間，唯有6點前取貨，6點後再食，以佢食物款式嚟講，除咗一般嘅鹹點、甜點，其實都有飽肚富士山造型日式飯糰，故都係可以當晚餐。
【#DIY套餐】賣一間食店嫌悶？既然拍拖兩個人買得外賣，倒不如一次過同時買幾間小店，既分散投資，亦可以食唔同良心店，更可以用自己方法自製一個DIY套餐，選擇只不過係同一個區內，距離不遠，今次編輯就於元朗隨便找尋3間小店，實試自行DIY一個有主食有甜品有飲品嘅套餐。
【#一抹清新】Poke Bowl係一款近年逐漸於香港流行嘅菜式，簡單啲講就係夏威夷蓋飯，每份如同魚生飯，就似一盒沙律飯盒，屬於健康輕食，對於想拍拖兩個人食得輕型嘅你，應該要試一試。銅鑼灣小巷內就有一間主打Poke Bowl嘅小店，於上年中旬開業，既有5款指定Poke Bowl款式，亦有自選材料Poke Bowl可擇，到底Poke Bowl入面有咩呢？
【#海邊車仔麵】中環搵食唔難，但要搵價錢低廉嘅食肆唔容易，因為中區食肆嘅價錢偏高，想平民啲就只能拍拖兩個人向上環方向多走幾步。當中，位於中環至上環之間一道小巷內，就有一間幾受歡迎嘅車仔麵，由上環開到中環，更自稱車仔麵世家，到底質素如何呢？
【#自由野餐】講到元朗國最常見嘅野餐點，絕對係非元朗公園莫屬，擁有一片大草地，能隨時隨地前往野餐，同時靠近元朗國市中心，無論拍拖兩個人於鬧市中買邊間餐廳，走到元朗公園食都好方便，故編輯已經不只一次於元朗公園野餐，是次就試吓將塊人氣雞排同拉麵帶到公園草地去。選擇有2間，其中1間位處元朗河畔小巷內，以和風料理為主打，不過店舖就似乎唔太尊重外賣人士，有啲位覺得好唔舒服，包括禁止外賣人士踏入餐廳內任何範圍，以及門口一張新聞告示。而另一間人氣雞排店為特許經營店，係少有良心店，做開外賣嘅明顯較尊重外賣人士，唔通真係只係可以去純外賣店？
【#星級食堂】近年，香港素食者上升，本地人對素食要求也增加，令素食餐廳愈開愈多，要拍拖兩個人挑選良心素食其實不難，中環巷弄間就有一間貌似賣素食嘅小店，但其實只係唔賣紅肉，賣清新飯盒，不時有外藉人士出入購買沙律飯盒，似乎不單止受本地人歡迎，而且吸引唔少外國人支持。今次編輯帶住呢款沙律飯盒，介紹讀者一個星級外賣飯堂，面對水塘及湖邊，毋須曝曬，更有超靚枱櫈提供，環境一流，簡直係一個純天然嘅餐廳！
【#異國風沙灘】雲吞麵、魚蛋麵、牛腩麵等潮州粉麵通常都係平價食品，有啲人會定義為頹食，通常係想慳錢，又或者一個人唔知食乜好，就會選擇求其食碗粉麵。但若然拍拖兩個人想食飯有啲質素，可以在地點上入手，只要選擇一個靚景地，再加上自備少量餐具，甚至用餐架生，都一樣可以變成一個屬於自己嘅街邊食堂。而編輯今次就選擇從東涌買兩碗粉麵，到大嶼山塘福泳灘，沙灘多數為外藉人士，環境清靜而舒服，係一個能好好享受嘅用餐同迆嘅地方。
【#沙灘野餐】夏天既然接近尾聲，當然要抓緊尾巴，多啲到沙灘遊玩啦！雖然沙灘上有小食亭，但要飽肚少少嘅話，不妨於筲箕灣買啲嘢食，筲箕灣道就有幾間小店，有2間餐廳靠近炸雞店，亦毗連電車站，再到大浪灣沙灘野餐，然後直接落水玩，於沙灘迆足一日，兩個人拍拖都可以好簡單。
【#最後機會】近年，香港城市變化愈來愈大，食肆開一間又執一間，唔少都寧願選擇結業，一係經營不善，一係移民。最近編輯又發現一間於上水開業5年嘅小店，表示只做到9月尾，門口寫明「再見上水」，並無標示結業原因，只係提到「老細唔撈啦」、「經歷上水嘅變化同善忘」，所以先決定於月底結業，想拍拖兩個人最後前往試吓就要趁最後幾日去食啦！
【#大埔一隅】提到大埔野餐地，唔少人第一時間都會諗起大埔海濱公園，但事實上大埔海濱公園重有一個小公園，空間相對小，人流亦較少，但多數地方都能夠正對全海景觀，係拍拖兩個人更優質嘅野餐地。今次編輯就於大埔市中心帶同3間餐廳嘅食物、飲品到大埔元州仔公園用餐，包括素食便當、人氣蝦籽麵，以及比較鮮為人知嘅咖啡店，3間位置相近，相當方便。
