【野餐隨行】海濱全海景野餐近港澳碼頭！中環小巷隱蔽中價車仔麵

中環搵食唔難，但要搵價錢低廉嘅食肆唔容易，因為中區食肆嘅價錢偏高，想平民啲就只能拍拖兩個人向上環方向多走幾步。當中，位於中環至上環之間一道小巷內，就有一間幾受歡迎嘅車仔麵，由上環開到中環，更自稱車仔麵世家，到底質素如何呢？

躲藏於中環巷弄間嘅車仔麵檔，門口被鐵皮屋小販檔遮蔽，未必容易搵到。車仔麵店原先屹立上環蘇杭街，後來先喺中環永吉街開設分店，處於核心商業區。

乍看餐牌，3餸車仔麵$47、4餸車仔麵$52、5餸車仔麵$57，以價錢嚟講，同其他地區比較都算貴，但以中區嚟講就只係算中價位，畢竟對中區打工仔嚟講算平。

車仔麵基本無乜特別，麵類都係米粉、油麵等，車仔餸亦無乜特別，同平常坊間車仔麵店相近。如果講特別，醬料有秘製沙嗲醬、麻辣醬，或者相對車仔餸同湯底係獨特嘅。

車仔餸當中有咖哩魚蛋、滷水豬腸、炸魚肉春卷、蘿蔔、豬紅、酸齋、家鄉鳳爪等，加添牛腩汁都算係正常車仔麵嘅選擇，湯底唔油膩。不過，湯底似乎略有人工味，唔算係天然湯汁，純粹食完之後異常口渴。

湯底雖然失望，但車仔餸亦算出色，處理得唔錯，比如豬紅有醃製過，鹹中帶微甜，幾昱胃；蘿蔔軟嫩，鳳爪亦入味，酸齋都能吸收湯汁，魚肉春卷幾特別，豬腸就不過不失。

於中瓖至上環野餐，最直接嘅方法係前往海旁位置，於海濱長廊正對大海景野餐。除咗中環碼頭可以去之外，亦可以到上環段嘅中西區海濱長廊，放眼維多利亞港海景。野餐位置靠近上環信德中人，一隔就係港澳碼頭，係以往去澳門都會到達嘅地方。

E.A.Tips :

❶ 小店位於小巷內。

❷ 只收現金，無其他支付方法。

❸ 五餸以上每款加$6。

❹ 下午茶餐兩餸車仔麵$37、三餸車仔麵$41。

EATWO

Miss A