元朗公園野餐隨行！全港唯一良心豪大大雞排試埋小巷平價和風料理

講到元朗國最常見嘅野餐點，絕對係非元朗公園莫屬，擁有一片大草地，能隨時隨地前往野餐，同時靠近元朗國市中心，無論拍拖兩個人於鬧市中買邊間餐廳，走到元朗公園食都好方便，故編輯已經不只一次於元朗公園野餐，是次就試吓將塊人氣雞排同拉麵帶到公園草地去。

選擇有2間，其中1間位處元朗河畔小巷內，以和風料理為主打，不過店舖就似乎唔太尊重外賣人士，有啲位覺得好唔舒服，包括禁止外賣人士踏入餐廳內任何範圍，以及門口一張新聞告示。而另一間人氣雞排店為特許經營店，係少有良心店，做開外賣嘅明顯較尊重外賣人士，唔通真係只係可以去純外賣店？

第一間以日式拉麵、和風料理為主打嘅所謂日本菜，開業多年，早於2000年可見蹤影，其實無乜日本菜感覺，無論餐點本身定價錢，都似茶餐廳做埋日本嘢，外賣自取的確有限定款式，包含有照燒雞肉飯$30、醬汁肥牛肉飯$30、豬頸肉飯$30。而下午茶有壽司同手卷，比如一支油甘魚手卷$20，入口清淡，飯粒較黏，紫菜唔夠脆口，魚生量適中，不過不失。

店內有唔少拉麵款式，但感覺都係茶記做埋拉麵，既然拉麵係主要菜式，但湯拉麵未必係外賣好選擇，故編輯索性點選炒拉麵，下午茶時段有鰻魚炒拉麵$52。配料基本適中，而鰻魚粒份量少過坊間鰻魚炒飯，份量唔多，似頹飯；炒拉麵以醬油炒勻，但入口過鹹，恍如飲咗一羹醬油，至於係醬油過多定麵底過少就不得而知啦。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

至於第二間就選擇元朗國教育路分店先食良心店嘅豪大大雞排，包含大雞排$38、輕量版雞排$28。本身靠台灣士林夜市名物上位，本地則為特許經營店，間間有唔同，就似7-Eleven。一塊大雞排幾乎等同兩塊細雞排，當然兩塊$28會多過一塊$38，但已經足夠食用。

炸雞排即叫即炸係特別令人垂涎，經過10分鐘步程，仍然外脆內軟，雞排厚身，十分香口，惹味非常，調味粉充足，帶有鹹香味，相當可口。雖然所有分店嘅雞排向來一律不切，但其實都係睇人或睇情況，係有機會幫手切開兩份，以編輯為例，純粹要求一塊雞排半辣半唔辣，店舖亦主動幫手切開，感覺更良好。

E.A.Tips :

❶下午茶餐限15:00至18:00。

❷ 嘩鬼拉麵和風料理電單車外賣速遞服務時間為11:00至22:00。

❸ 嘩鬼拉麵和風料理外賣滿$200有9折優惠。

❹ 嘩鬼拉麵和風料理餐牌好Tricky，要小心睇，有部份無寫下午茶，但就係下午茶限定。

❺ 嘩鬼拉麵和風料理午餐壽司套餐$65至$75，有8件壽司卷物配拉麵、烏冬或沙律，有飲品，但只有兩三件魚生壽司。

❻ 豪大大雞排星期一會平$5，其他日子亦有其他小食平$5。

EATWO

Miss A

【區區有小店2024】南丫島3間尚存本土餐廳推介！高水準意粉／鹹蛋黃曲奇／迷你茶居｜南丫島美食推薦2024

兩個人旅吓行

專題

E.A.Tips :

嘩鬼拉麵 和風料理

豪大大雞排

元朗公園

嘩鬼拉麵和風料理