西貢大網仔最恐怖營地！一隅小山頭頓變垃圾崗露天公廁？

大網仔營地入口靠近大網仔路、北潭涌，離西貢市中心只係簡單一段車程，設備齊全，交通方便，補給亦便利，可享海景，所以人流較多，營位唔算太多，假日比較難搵到營位。

只要從西貢市中心乘搭往黃石碼頭方向嘅巴士路線94,96R，於西貢戶外訓練營站落車，依大網仔路向北潭涌方向步行約5分鐘，或者小巴路線9號至麥理浩夫人渡假村至烈士碑園落車，直到見到抗日英烈紀念碑，再轉入背後小路，再下行約3分鐘即達。

營地面積不大，只有約6至7個營位，每個營位皆有燒烤爐、枱櫈，只有靠近門口嘅左右兩個營位設有木板平台，用作放置帳篷，等同荃錦營地。營地週邊樹木環抱，可回望西貢市中心，亦可眺望滘西洲、橋咀島、鹽田仔、西貢海，一端小山頭正對海景，景觀遼闊。

大網仔營地人車可達，唔少人都會自駕前往營地，多數會將車停泊於營地門口，不過該位置其實唔係正式車位，故有機會俾人抄牌，當日就見到有車被抄牌情況。由於私家車可達，故人流特別多，即使星期日下晝時間，營地內依然有好多人，多為家庭客。

講到賞景小山頭，以目前所見，已經變成一個露天洗手間，地下亦變成垃圾崗，紙巾滿地，甚至有人糞，臭氣沖天，到底點解呢？

事實上，距離大網仔營地約2分鐘步程，外面本來有一個標準洗手間設施，公廁距離營地只有約170米，本為方便。但公廁於2023年4月仍關閉維修，故水喉與公廁欠奉，估計唔少人貪方便於山頭解決大小二便。提提大家，其實行返出大網仔路入口，前行一小段路，其實另有旱廁。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 營地標準洗手間於2023年4月關閉，但其實再行返出少少，路口左邊前行一小段路，有臨時旱廁。

❷ 營地內有垃圾桶，但最好都係自己垃圾自己帶走。

❸ 營地只有兩個營位有木板平台。

❹ 一端小山頭為賞景好地方，正對海景，但現時所見變成臨時露天洗手間，垃圾、紙巾遍地，甚至有糞便，臭氣沖天。

❺ 乘搭巴士路線94,96R，向黃石碼頭方向，中段於西貢戶外訓練營站落車，向前行一段路就會到達路口。

❻

❼