【野餐隨行】上環巷弄現山西正宗熱拌冷拌刀削麵館古老兵頭花園英皇銅像下開餐

要喺香港找尋正宗嘅山西刀削麵未必困難，但要挑選良心嘅山西刀削麵就唔容易，今次編輯推介一間隱藏於上環小巷內嘅刀削麵館，麵條條條削得出色，冷熱皆宜，帶到香港一個最古老嘅公園野餐，而呢個公園以往又叫做兵頭花園，你又記唔記得呢？

位於上環小巷內嘅拾味山西刀削麵館，每一條麵條都係即叫即削，由人手立即削出麵條，大小長度與厚度相近，似乎有幾分功架。餐牌上有熱拌刀削麵、冷刀削麵等，有辣有唔辣可擇，麵條份量十足，價錢公道，都算係街坊合理價錢。

由上環小店前往香港動植身公園，有足夠地方可以野餐，海拔高約62米至100米左右，而香港動植身公園係本地一個最古老嘅公園，歷史悠久。以前香港動植物公園又叫做兵頭花園，出名睇動物，當時一度吸引唔少香港人前往遊覽，目前則有約有40個籠舍。

據悉，香港動植物公園建於1860年，到70年代全面開放，由睇植物到睇動物，故於70年代中期就叫做香港動植物公園。至於點解當年會叫做兵頭花園呢？事實上，都係因為當時1841年香港開埠，總督兼任駐港三軍總司令係叫做「兵頭」，而督憲府都係位處香港動植物公園，所以合起嚟就叫做兵頭花園。

現時，兵頭花園仍有行人隧道連接，內有溫室、鳥舍、噴水池、平台花園等，動物以哺乳類和爬行類為主。更值得留意嘅係，公園內有古蹟徑，門口有華人紀念碑，門口石柱更加係最古舊嘅地方，而頂端更有英皇佐治六世銅像，於英皇銅像下野餐別有一番風味。

焦點之選係口水雞熱拌刀削麵$60，麵條與口水雞分開，醬汁同熱湯唔會混為一體，熱拌刀判麵入口暖笠笠，麵條煙韌，唔會輕易變糊狀，入口有咬口，順滑彈牙，而且能吸收湯汁。不過，麵條夾得多兩次麵條都會斷開，食得耐都會逐漸變腍身，甚至入口似糊狀。熱湯比較普通，入口清淡，但若然配搭口水雞比較濃味嗁餸菜，又應該係要比較淡身。

口水雞調味不俗，雞肉質感只屬正常水平，口水汁比較吸引，辛辣度唔會太高，容易入口，一放入口就有陣陣花生香味，狀似擔擔麵嘅醬汁，有啲蒜香，即使配搭紅油，都唔會太辣，僅僅散發陣陣香辣味，甚為惹味。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

氣溫較高嘅時候，食熱嘢可能會比較辛苦，冷刀削麵就係開胃之選。其中，麻辣風味手撕雞冷刀削麵$68 都係可以選擇嘅款式，冷刀削麵內有青瓜絲、千島醬、粟米粒、雞肉絲，最底嘅青瓜絲比麵條更掛汁。冷刀削麵相對熱拌刀削麵係更為滑溜，有種清爽感覺，而麻辣口味嘅冷刀削麵更配有大量麻辣醬，感覺夾雜豆瓣醬，辣椒粒入口刺激，陣陣麻香令人又愛又恨，啖啖都馬上喚醒味蕾。

E.A.Tips :

❶ 拾味正宗刀削麵館現時分別地址為中環歌賦街43號地舖、銅鑼灣渣甸街44號地鋪。

❷ 接受以Cash付款。

❸ 香港動植物公園噴水池平台花園開放時間為05:00-22:00，溫室 / 教育及展覽中心開放時間為09:00-16:30，哺乳類動物區開放時間為08:00-17:00，公園開放時間為06:00-19:00。

❹ 巴士路線12, 12A, 12M, 13, 23, 23B, 40, 40M, 103、小巴路線1A, 22, 22S, 28都可到達中環香港動植物公園。

❹ 山頂纜車於堅尼地道站 / 麥當勞道站亦可步行至香港動植物公園。

❹ 可以用QR Code落單。