【野餐隨行】梅窩隱藏版巨型Pizza！超薄軟底正宗意式風味無人小沙灘散發啖啖芝士香

2022-11-17 2023-03-29 / TheKitchen、公園野餐、外賣、外賣自取、外賣食乜好、安心野餐、梅窩好去處、梅窩沙灘、梅窩無人沙灘、梅窩美食、梅窩黃店、步行野餐、良心食店、郊外野餐、野餐地點、野餐好去處、野餐推介、野餐隨行、隨時野餐、香港野餐 / 作者: 撰文﹕Miss A ；攝影﹕Mr E, Miss A；設計﹕Mr E

想拍拖兩個人喺香港食到正宗嘅意大利Pizza？本地有好多以Pizza為主打嘅食肆，但有幾多間係正宗呢？事實上，大家要知道何謂正宗地道嘅意式風味Pizza，單單睇餅底都睇得出，餅底要薄而軟身，可以輕易捲起嚟食，呢一點已經唔係每一間Pizza店都做到。今次編輯前往梅窩，話你知當中有一間小店有大量外國客人，Pizza係正宗意式風情，餡料十足，香口而惹味，值得推介。重點係講明要細批，竟然係坊間嘅大批Size？

離梅窩碼頭不遠嘅西式小店「The Kitchen」，早於2011年已經開業，主打Pizza同Pasta，都係屬於Homemade自家製菜式，無論薄餅定意粉，都可見店內外藉人士食得津津有味。小店以開放式設計，正對海旁，中間隔住車位同小馬路，環境睇落甚Chill。

店員甚為熱情，更提到店內嘅油浸兔仔原來係來自日本，甚至大爆梅窩區內目前有唔少人已經選擇移民，故未有再喺梅窩出現。

拎住Pizza盒向梅窩以東進發，經過銀礦灣之後，依循前往愉景灣嘅路線走，於第一個分岔路口轉向萬角咀方向，中段就會見到一個幾乎無人嘅小沙灘。

沙灘雖然並非康文署轄下正式沙灘，但總算係可以散步同休息嘅地方，拎住Pizza坐於大樹底下，正對無敵大海景，聽住海浪聲，吹住海風，環境比堂食更Chill，歎住Pizza更疏乎，寫意非常。

店內有15款Pizza可擇，最平$129，最貴$219，今次編輯隨手揀一款，以Feta Florentine為例，包含fate cheese、egg、spanich、fresh herbs，雖然寫明Small $159、Large $199，最初以為細批只有6至8吋，但原來細批即係坊間嘅大批，大小有約11至12吋！

單單睇Pizza餅底，已經可以得知係正宗地道意大利Pizza，同平常城市中嘅Pizza大有分別，餅底柔軟，同時有少少韌度，但側邊又保持香脆感，Pizza餅底有丁點麥香，餅底可以輕鬆捲起，有如墨西哥捲、印度薄餅或烤餅捲。

Pizza餡料豐富，用料十足，有隻蛋於Pizza中央位置，旁邊伴布菠菜、薄荷葉、車厘茄點綴，紅紅綠綠中有一點黃，草味芳香，顏色豐富，而車厘茄嘅酸甜亦可為Pizza解解膩。

「兩隻嘢露吓營」是「E.A.Two 兩個人醫吓肚」的一個活動，以步行及搭車方式走勻全港41個官方露營地，記錄所有露營地資訊。

Pizza內更有粒粒fate cheese，芝士偏硬身，味道唔算太濃郁，本來主要由綿羊奶、山羊奶、牛奶製成，但現時多數係來自牛奶，呢種芝士產自希臘。fate cheese呈白色，表面堅硬實淨，但中間有裂縫或小洞，其實都幾易碎，入口就自然散開。fate cheese本身芝士味道強烈，略帶鹽味，所以入口會有鹹味，但又唔算好濃厚。