前身係蝦麵店！粉嶺新店賣檳城美食變多元化套餐2+2+1 $200有找

檳城係馬來西亞檳城州首府，向來以各種小食、土產吸引遊客，更有美食天堂之名，檳城有多種星馬菜式，比如係叻沙、檳城蝦麵、沙嗲肉串、椰漿飯等，粉嶺就有一間全新食店，由一早打響旗號嘅蝦麵店轉化而成，以更多檳城美食為主打，位置方便，可以拍拖兩個人一試。

粉嶺中心同一位置本來係蝦麵店，以蝦麵為主打，蝦湯濃郁可口，蝦肉鮮甜，而現時就以檳城日和取代蝦麵店。據編輯查詢，蝦麵店確實為檳城日和前身，店員提到店主唔想只做蝦麵，想擴闊餐牌選擇，故直接做檳城嘅菜式╴以更多星馬菜為主打。現時晚市套餐平日$198，假日$238，包含2款小食、2款主食、1款甜品，全新食店近一個月正式開業。

小食有4件一口馬拉盞蝦多士、2串馬來沙嗲雞髀肉串，沙爹肉串叫做Satay，以更嫩嘅雞髀肉製作串燒，香口之餘亦有嫩滑感〝配上沙嗲醬更惹味；而蝦多士比雞串更出色，蝦多士好迷你，真係一啖食晒，入口有少少油香，蝦味於多士中滲出，重有馬拉盞鹹香味。

福建麵即係檳城蝦麵，原名為Hokkien Me，係吉隆坡人傳統麵食之一。舊店嘅蝦麵亦有一定水準，將馬來西亞傳統蝦麵做得唔錯，於港九新界都有分店，但日和似乎係來自於日文，感覺係一種新式嘅Crossover，中文名字則直接翻譯為Penang Moi，意指馬來西亞嘅住家菜，再加添日式、西式等元素。檳城福建蝦麵，即帶有辛辣味嘅蝦麵，湯汁相對叻沙係比較辣，但又辣得合理，都係來自於傳統檳城蝦麵。不過，相對於蝦麵店本身出名嘅重蝦味蝦湯，少咗嘅就係蝦味，未夠濃郁，同時亦無咗大隻連殼蝦肉，或者要點選蝦蝦蝦麵先係本來嗰種超濃蝦湯。

叻沙原名Laksa，來自吉隆坡華人嘅麵食，叻沙分好多種，其中咖哩叻沙係星馬華人中最為人熟悉，咖哩叻沙更曾被《The Huffington Post》評選為死前必嘗的世界十大美食之一。呢間粉嶺小店內亦有咖哩叻沙海鮮麵，海鮮有蝦肉、青口、蜆肉、魷魚，配料有魚腐、豆卜等，叻沙材料都算豐富，油麵與米飯構成嘅摻摻同豆卜都能掛湯。叻沙唔算太稠身，亦非好濃味，湯底都算香，有別於新加坡嘅叻沙湯底，香料略有微辣，較醒胃。

小食中以自家製咖央多士較為特別，為自家製選擇，當中有班蘭口味。咖央多士本身都係東南亞常見甜點，內含咖央醬，塗於麵包之上。以椰漿混合班蘭葉，再加上蛋黃、椰糖等，以純天然方式炮製，僅有適量班蘭香味。而多士則呈啡色，有別於傳統咖央多士，餅底烘烤過後顯得脆口，就算放得耐咗都仍舊脆卜卜，麵包更有陣陣麥芽香，滲出甜味。