【台北景點】花博公園玻璃金字塔／花之隧道／迷宮花園！附近隱藏舊式廢棄遊樂場打卡摩天輪＋旋轉木馬！

到台北自由行，當然要拍拖兩個人走訪當地小公園，感受地道悠閒感。編輯曾經前往一個「花博公園」，地方偌大，更有獨特玻璃金字塔、花之隧道、迷宮花園可以讓拍拖兩個人去打卡。乘搭捷運時，更留意到不遠處有一個舊式廢棄遊樂場隱身一角！

花博公園

從捷運「圓山站」出站即達嘅「花博公園」，地方偌大，不時舉行展覽或街頭藝人表演活動。公園設有3大主要園區，包含有圓山、美術、新生等，將文創及藝術、環保、科技融合，甚至有多元教育，令台北人休憩時都有得著。「花博公園」一端設有24小時開放嘅「台北玫瑰園」、「迷宮花園」，更有「地球旅行遊戲場」、「林安泰古厝」，生態與文化兼備。公園間中有花海觀賞，亦有多個展館，包括爭艷館、流行館、親子館、原民風味館、夢想館、天使生活館，以及圓山廣場等。

「花博公園」大致上分成圓山公園區、美術公園區、新生公園區，每個園區設有上述不同展館。此外，園區內更有特色打卡位，比如係位處「美術園區」內、於草地上非常搶眼嘅「玻璃金字塔」，畫面通透，IG打卡必到；而「花之隧道」則為穿梭園區嘅必經之路；至於「新生園區」內嘅「花園迷宮」，就係另一個網美好去處，大片綠意環繞，不謹有迷宮草叢，附近亦有彩色水管可以打卡。由於「花博公園」鄰近「松山機場」，如果運氣不俗的話，甚至可以見到飛機於迷宮上空飛過呢！

圓山自然景觀公園

其實，「圓山自然景觀公園」係一個「圓山舊兒童樂園」，亦即係一個廢棄遊樂場，內有大片草原，屹今各種遊樂設施依舊不倒，園內分為大草坪區及山區。

編輯原先未有正式進入該廢棄遊樂場，只係於乘搭捷運時下瞰公園，發現距離「花博公園」不遠，當中原來係有趣可愛嘅遊樂場！實際參觀過後，發現該小公園內有廢棄摩天輪及旋轉木馬。據悉，本來不僅有小型摩天輪，亦有旋轉木馬、咖啡杯、太空船、迴旋椅等。整個公田女以粉色為主調，整體色彩繽紛，相當吸睛。

原來該廢棄兒童遊樂場於2014年底已經結業，一直閒置成廢墟，後來於2019年已重新開放。不過，遊樂設施就似乎不再營運，所以可能只係一個打卡公園，或者散步賞景嘅地方。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 乘搭捷運淡水信義線至「圓山站」，於1號出口左邊為「花博公園」入口，徒步可達圓山園區、美術園區、新生園區。

❷ 公園免費入場，美術園區亦無需入場費。

❸ 「圓山自然景觀公園」離「花博公園」有一小段路，但毗鄰捷運路線。同樣於「圓山站」出站，於2號出口徒步5分鐘即達，遊樂場為一個廢棄公園，無需無場費。

❹ 圓山自然景觀公園大草坪區為24小時開放、山區則開放08:00–17:00。