瞰180度維港景！鰂魚涌晨運徑出發輕鬆登小馬山回程賞紅香爐峰夜景

又到了行山季節，想要拍拖兩個人行山又好耐無行過？不妨從瀝青路、石塊路段開始，由鰂魚涌起步，有多條路線可擇，隨便走一條都係簡單易行嘅晨運路線，亦係附近居民跑步路線。今次就由鰂魚涌起步，攀登小馬山，環瞰180度維港靚景，再於紅香爐峰賞夜景，於寶馬山方向離開。

小馬山海拔最高有約424米，位處大潭郊野公園範圍內，只係大潭其中一個小山峰，車至畢拿山，北至寶馬山，東至柏架山，西至渣甸山、靶場範圍，同時亦毗鄰紅香爐峰、大潭水塘、大風坳。

由鰂魚涌英皇道上行約2分鐘，就會到達柏架山道山路入口，位置近鰂魚涌體育館。前行約10分鐘，就會到達林邊生物多樣性自然教育中心，旁邊為鰂魚涌配水庫。

再前行約5至10分鐘，就會到達分岔路口，轉右上小山路，5分鐘後會見到迷你觀音聖壇，一直沿指示牌走約20分鐘，就會到達小馬山橋位置。

從小馬山橋可直接攀登小馬山，全為石砌路段，屬於衛奕信徑第2段，腳程約15分鐘，由海拔280米攀登至海拔424米。小馬山山頂另一端可以接駁畢拿山、大風坳，原路折返小馬山橋亦可以返回紅香爐峰。

小馬山山頂風景一般，皆因兩端被樹蔭阻擋，但攀登小馬山沿途卻有遼闊景觀，轉個頭即可享180度維多利亞港靚景，景色開揚，由銅鑼灣至中環，港島東到鯉魚門，以致尖沙嘴至東九龍的景色都一覽無遺。

從小馬山橋折返紅香爐峰方向，需要穿過有少量矮樹叢，中段亦有發射站，手機訊號會較微弱，有可能係受到干擾。大概沿金督馳馬徑走10分鐘，就會到達前往紅香爐峰嘅分岔路口，繼續下行則為大坑方向。

繼續依循金督馳馬徑走向紅香爐峰，沿途可觀望紅香爐峰夜景色，黃昏之後更可享晚霞及夜景，港島中區夜景盡入眼簾。離開時，只需要沿寶馬山方向前行，就可以走至紅香爐峰山路入口，即巴士總站位置。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 雖然路段並唔複雜，但都唔能夠掉以輕心，最好都係著返行山鞋。

❷ 謹記愛護環境，自己垃圾自己帶走。

❸ 記得做足防曬。

❹ 要帶備充足糧水。

❺ 乘搭電車於英皇道柏架山道站落車。

❻ 沿柏架山道走，就可以前往東區自然步道、香港柏架山道自然徑。

❼ 如要上小馬山，就要轉入鰂魚涌緩跑徑。

❶ 小馬山橋其實只係好細小嘅橋，穿過之後就可以攀登小馬山頂。

❷ 小馬山頂其實風景唔算遼闊，但反而攀登途中嘅樓低可以俯視維港兩岸風景。

❸ 小馬山可以連接畢拿山、大風坳。

❹ 離開時，可以經金督馳馬徑前往紅香爐峰。

❺ 紅香爐峰既可觀日景，亦可賞夜景，由於路段都算寬闊，故即使夜晚時份，只要唔上大石群，返回寶馬山路段都唔會太大危險。

❻ 寶馬山公共運輸交匯處有巴士及小巴路線可以返回中區，包括23B, 25, 25A, 25C, 27, 81A, 108。

❼

EATWO

Miss A

【區區有小店2024】南丫島3間尚存本土餐廳推介！高水準意粉／鹹蛋黃曲奇／迷你茶居｜南丫島美食推薦2024