【展覽活動】荃灣廣場暑假設偽辦公室打卡 Monday Bruce Monday Blue 引香港打工仔共鳴

香港打工仔每逢星期一至五都要到Office返工，放假當然想拍拖兩個人放鬆一下，唔好再望到同工作有關嘅人事物。偏偏荃灣廣場就有一個展覽活動裝置，於暑假期間偽造一個虛疑辦公室，以布魯斯Bruce公仔融合辦公室生態，打造多個場景俾人打卡，的確吸引唔少人影相，似乎貼地話題係比較引得起港人共鳴。

今次展覽活動以「扮工」為題，將人氣盲盒玩具角色「星期一的布魯斯（Monday Bruce）」結合，令Monday Bruce登陸荃灣廣場，裝置由7月中旬擺放至9月初，內容似乎係道盡香港打工仔心聲，多個打卡位搞笑又有共鳴，現場確實吸引唔少人打卡影相。

星期一返工往往都係只係得個軀殼，並無靈魂，場內就將打工仔上班一族嘅內心說話放大，重有打工秘笈俾大家參考，而「星期一的布魯斯（Monday Bruce）」就演繹一隻返工嘅兔仔，於場內擺出厭世表情，同背後嘅場景設計無違和感。

由7 x 24「OT循環線」通勤列車開始，以車廂設計，等於打工仔每日返工嘅狀況。而「ERROR 404 『扮』工室」就係打工仔每日返到辦公室嘅實況，日日有做唔完嘅工作，覆唔完嘅email，電腦同個人都有如404未能尋找一樣。而旁邊就有《打工仔的生存之道》及《準時放工秘笈》，身為打工仔都想睇吓。

接下來大有一個避世小角落，符合打工仔心態，都係想搵個地方蛇王偷慣，甚至係發洩同放負，牆上有大量霓虹燈字句，為打工仔寫出心聲，引發共鳴，令人不禁回心微笑，其實只係有啲圍爐取暖感覺，實際情況根本無得改變。

3點3下午茶時間，自然係休息嘅時候，當中就有一間「洗錢就快樂期間限定店」，俾人買吓嘢，放鬆吓。而另一邊亦有一間「放負居酒屋」，正正係放工時間慰勞自己嘅地方，感覺似日劇畫面。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 7月29日會有全港首間「洗錢就快樂期間限定店」，有助上班族減壓，當中有全新主題限定精品，包括最新盲盒系列。

❷ 活動當中有近20間餐廳推出低至半價優惠、暑假限定減壓工作坊。

❸ 7月16日起至8月31日期間，亦會推出「夏日爆買爆賞」3 大消費獎賞，The Point會員最高可享5,000 Point Dollar 及HK$250商場電子贈券組合，會員更可尊享線上海量商户禮遇券。

❹ Monday Bruce限定紙扇免費換領，一SCAN QR Code即可下載獨家限定WhatsApp Sticker。

EATWO

Miss A

新蒲崗濃姐加持、米線生力軍成排隊店！秋拾小食完勝米線﹕蝦多士／八味豆腐／炭燒豬頸肉／脆炸韭菜餃

兩個人旅吓行

專題

E.A.Tips :

荃灣廣場x Monday Bruce『扮』工室放暑假