【展覽活動】life@KCC港式舊玩具主題小型市集空間所限難有突破進展

商場展覽活動不時有唔同主題，不過香港商場活動空間細小，基本上設計都比較困難，大多都好難有咩變化同特別之處，要吸引拍拖兩個人前往逛逛都唔容易。其中，最近葵涌life@KCC就有一個以懷舊玩具為主題，其實表面講昔日香港係幾吸引，但現場就有啲carry唔到嘅感覺。

甫踏入商場，3樓只係一個細小空間，門口有個彩虹隧道，而呢種裝置已經係本地人無乜興趣打卡嘅產物，唯獨當日見到有兩男於彩虹隧道打卡，大概純粹係因為當作LGBT元素，而非同製作或活動有關。

據悉，商場係以《老「玩」童》企劃為題，採懷舊玩具、經典遊樂場元素為主，於面積4000呎空間打造懷舊玩具樂園，但3樓絕對無4000呎，或者計埋天台空中花園有嘅，只係當日暫停開放，未能親身查看。

彩虹隧道旁邊只有一個扮作舊式廚房模樣嘅裝置，隔離就將各舊式玩具放埋一齊，包括飛行棋等棋子，而各跳飛機、氹氹轉等估計應喺唔開放嘅空中花園，包括「大戰巨型飛行棋」、「動感一二三跳飛機」及「360 度旋風氹氹轉」，另有「幻影彩虹圈」、「泡泡小黃鴨」、「無敵鐵皮機械人」及「復古木製煮飯仔」等打卡位。

3樓有一個「古早童玩博物館」，內有50至70年代懷舊玩具，來自《香港玩具圖鑑》作者及「幸福玩具店」的店主及香港資深玩具收藏家莊慶輝。有超過50件玩具，聽落好似好把炮，但其實只係一個小角落，展出少數玩具珍藏品，合計僅3至4個玻璃展示櫃，博物館空間比一個洗手間更細。

平常都係市集比主題佔多，但KCC展覽係兩者都佔好少空間，市餘只有寥寥幾間小舖，而且無乜主題，基本上無意欲細看。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 顧客憑指定消費即可換領商戶現金劵、懷舊鐵皮機械人或三合一多功能遊戲棋,亦可參加「懷舊玩具工作坊」。

❷ 古早玩物市集日期: 【復古及寵物】經典之旅 - 即日起至 8 月 6 日(逢星期四至日)/ 【香港製造】玩物之旅- 8 月 10 日至 9 月 3 日(逢星期四至日)。

❸ 周末限定懷舊親子活動，時間: 下午 12 時至晚上 8 時，地點: life@KCC 3 樓。

❹ 懷舊玩具工作坊日期: 8 月 5 日(星期六): 夜光當舖招牌工作坊 8 月 19 日(星期六): 智能飛機模型工作坊；9 月 2 日(星期六): 小小快樂時代輕黏土工作坊時間: 下午 4 時 30 分至 5 時 30 分(每節 10 個名額)；顧客於推廣期內憑即日於場內之電子貨幣消費滿 HK$500(最多兩張單據,每張需滿 HK$100),即可參加懷舊玩具工作坊一次。(名額有限，先到先得，換完即止)；地點: life@KCC 3 樓。

❶ 「舞吧! 小舞者」復古懷舊舞蹈表演日期: 8 月 19 日(星期六)；時間: 下午 3 時 30 分至 4 時 30 分；地點: 空中花園 Green@KCC(由 life@KCC 8 樓沿樓梯直達)；獨家換領限量版懷舊玩具

❷ life@KCC 更限定推出「古早玩物禮品換領」，憑指定消費即可換領懷舊鐵皮機械人或三合一多功能遊戲棋。古早玩物禮品換領日期: 即日起至 9 月 3 日時間: 上午 10 時至晚上 10 時詳情: 顧客於場內即日以電子貨幣消費每滿 HK$100,即送印花 1 個;星期六、日及公眾假期於零售商舖購物滿 HK$200 或以上,即享雙倍印花;儲滿指定印花數量即可換領限量懷舊玩具精品乙份。(數量有限,先到先得,換完即止)

❸ 即日起至 9 月 3 日上午 10 時至晚上 10 時，顧客即日於場內以電子貨幣消費滿 HK$600,即可換領 HK$50 商戶現金劵;消費滿 HK$3,000,即可換領 HK$500 商戶現金劵。(數量有限,先到先得,換完即止)地點: joy@KCC 二樓禮賓部。