Ari 區係拍拖兩個人去曼谷自由行必遊嘅文青好去處，該區有唔少文創商店及咖啡店，近年有唔少外國人都擇地而居，受到中產人士歡迎。除咗海量咖啡店，近月Ari 區有3大文創建築物成為打卡熱點，即睇現實情況、位置及交通方法！
La Villa Market
以複合式商場設計嘅「La Villa Market」，其實係一個小型商場，當中有好幾間知名連鎖店，例如係最為人熟悉嘅甜品店「After You」，當中有蜜糖吐司、芒果糯米飯刨冰。商場內亦有韓式料理店「Korea Ma」、韓式炸雞店「Bon Chon」，甚至係「Sushiro 壽司郎」等，大多數都係以日韓美食為主，包括燒烤店、涮涮鍋店。場內亦有泰國美食，例如係雪糕店「iBerry」，當然都係幾間Cafe，不過編輯覺得對面Ari 街道嘅Cafe比較吸引。
另外，商場亦有書店、按摩店，地下更有超市「Villa Market」及市集。「La Villa Market」毗連BTS站，基本上出站即達，交通便捷。雖然電梯顯示有4層樓，但其實最頂係無咩嘢睇，正常行樓梯可以逛完整個商場。
A - ONE Ari
第二幢文創建築物係距離BTS站不算遠嘅「A – ONE Ari」，該建築物主要係以樓上舖、露天美食廣場及市集為主﹐設計時尚又現代化。最特別之處，場內不時會有音樂表演，想知可以去之前睇吓官網時間表。
「A – ONE Ari」不僅有地下嘅美食廣場及市集，聚集唔少小吃攤檔，而步行上樓梯亦可見多間店舖。不過，梯級上多數係按摩店，只有少量食肆，如以茶葉為主題嘅「Chaari Spa」、以清新為主調嘅「Calm Spa」等，都係可以一試嘅曼谷按摩店。
值得一提，徒步至樓梯頂端時，可以從高空俯視「A – ONE Ari」市集及BTS站，該階梯不失為網美打卡位，若然唔怕攰，不妨登頂試試看！
GUMP’s Ari Community Space
最後一幢Ari 區必去嘅全新文創建築物係「GUMP’s Ari Community Space」，亦係一眾網紅一定會前往嘅曼谷文青打卡好去處，整座建築物為複合式商場，內有大量咖啡店，包括飲品店、甜品店，適宜當作下午茶，但即使唔入店內亦可以於外面打卡。
「GUMP’s Ari Community Space」距離BTS「Ari 站」有一小段距離，但都係徒步可達嘅景點。其實整個商場規模唔大，但就能夠捉到網美心態，每個角落都係可以打卡嘅地方。
場內有大量咖啡店，無論係文青風格，抑或係甜美可愛風格都有，甚至係工業風格亦有，有咖啡店入面重有類似泳池場景。故此好多網紅都會特別前來取景拍攝，想要少啲人爭位，最好提早到達！
商場樓高2層，並無電梯，需要經階梯下落。地下一層有瓦遮頭，而上層則較為空曠，少有遮蔭地方。值得一提，上層天台就係打卡「GUMP’s Ari 」嘅最佳地方！
E.A.Tips :
❷ 建議先走「A - ONE Ari」，然後到遠少少嘅「GUMP’s Ari Community Space」，最後折返毗連BTS嘅「La Villa Market」。
❸
❹
La Villa Market
356 Phahonyothin Rd, Khwaeng Samsen Nai, Khet Phaya Thai, Krung Thep Maha Nakhon 1040
07:00–22:00
+66 2 619 2197
A - ONE Ari
Near เลอ ปูดอง อารีย์, Soi Ari 1, Khwaeng Samsen Nai, Khet Phaya Thai, Krung Thep Maha Nakhon 10400
08:00－21:00；星期日休息
GUMP’s Ari Community Space
25 Ari 4 Fang Nua Alley, Samsen Nai, Phaya Thai, Bangkok 10400
08:00－21:00；視乎不同店舖
美孚全新五目食堂街坊價日式定食餐CP值高！甜品森林姊妹店、Cafe 82舊店重開！
【#美孚新店】雖然香港近年係出現結業潮，但依然有唔少小店於逆市中開業，非常勇敢，更加值得拍拖兩個人支持。美孚早前就有間咖啡店宣告結業，近日就有間同樣位於該區嘅小店喺原址開設姊妹店，以日式定食為主打，E.A.Two前往呢間新店嘅時候，只係剛剛試業5日！
上環半山樓梯街轉角黃色頭盔公仔壁畫已失蹤！輝煌快餐店平價港式碟頭飯！醫學博物館咫尺可達！
【#半山快餐店】香港地道美食其實真係值得推廣出去，雖然好多已經消失得無影無蹤，但依然有唔少真港式美食存在。現時好多香港餐廳已經唔再係本土美食，甚至只係扮港式，如果唔同外地旅客講，真係外地旅客們好大可能會誤解咗港式餐廳。E.A.Two今次上行至上環半山一帶，再次前往當中一間樓梯轉角處嘅地道港式快餐店，呢間小店毗鄰一間博物館，適合拍拖兩個人前往，只不過原先嘅靚靚壁畫已經被消失。
灣仔《米芝蓮》中菜原汁原味、主打無味精菜式！原籠蒸飯／鴨腿湯飯／菠蘿咕嚕肉、$8碗中式糖水
【#原汁原味】香港餐廳能夠經營多年唔容易，能夠維持水準更難，灣仔有一間標榜無味精同少油嘅中菜館，連名都講明「原汁原味」，甚至獲得《米芝蓮》星級推介，追求無味精嘅話，不妨拍拖兩個人一試。
坪洲轉角咖啡店出色Affogato／椰子咖啡！Island Table Grocer Cafe 距碼頭僅130米、餐牌設飽肚菜式
【#坪洲咖啡店】坪洲係一個香港小島，地方細到想拍拖兩個人搵多幾間小店都唔容易，因為本身餐廳都係比較少。E.A.Two就曾經去過當中一間茶餐廳，今次就去另一間咖啡店，希望佢依然係一間小店啦。
西九文化區海濱長廊海景咖啡店Cupping Room分店眾多！椰香抹茶／香料咖啡、特設寵物美食／冠軍精品咖啡？
【#海景咖啡店】海景Cafe向來就係一個流量密碼，唔少人都鍾意拍拖兩個人前往能夠望海嘅咖啡店，景觀多數都係令人放鬆，而鍾意打卡嘅朋友更加會鍾意打卡呢一類型嘅咖啡廳。而E.A.Two就發現目前嘅西九文化區一間都無食過，所以至少去補返一間先，今次呢間咖啡店於香港有多間分店，唔單止有冠軍精品咖啡，戶外座位亦係寵物友善嘅空間，入面更特設寵物美食。
太子悄悄食堂午市僅4個套餐人均$250咩水準？打卡榻榻米座位！鹽麴燒牛小排／生薑松阪豚肉／酒香雞蛋布丁／特濃抺茶Tiramisu
【#日式食堂】唔少人都批評香港餐廳水準參差，一係只重視外觀裝修，無視食物水準；一係食物有水準，但罨罨耷耷；甚至價錢好高，但食物水準不成正比。如果要拍拖兩個人有心找尋餐廳小店，係有機會搵到環境、食物、價格成正比嘅地方。今次E.A.Two就前往太子一間似咖啡店、居酒屋混合風格嘅小店，三者都係成正比，值得一試！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。
金鐘CBD隱藏歷史遺跡！香港賽馬會復修軍火庫空中花園眺維港！入口神秘、保留火藥路軌、打卡石屎森林蜿蜒天橋！
【#CBD景點】香港CBD一帶向來都係金融中心、商業地區，四圍都係高聳商廈，景點並唔多，唔係近海就係近山。今次E.A.Two帶大家前往隱藏於金鐘區內嘅歷史遺跡，既保留舊時軍火庫，亦加入可眺望維港嘅空中花園，放空必到！拍拖兩個人更可以打卡石屎森林中嘅蜿蜒天橋，景點免費入場！
【下集】直擊馬灣舊村8大僅存完整保留打卡位！2025年翻新完畢正式開放、全變空盪盪彩色小屋？
【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！
實試百年法定古蹟導賞團、螺旋形樓梯登小平台！些利街清真寺毗連中環半山扶手電梯！假日開放、打卡搶眼薄荷綠色！深入了解穆斯林與天主教分別！
【#隱藏平台】香港有唔少教堂都好靚，但大多數都係來自於天主教、基督教，來自於伊斯蘭教嘅清真寺就相當稀少，九龍、港島分別僅有1間，皆位處該區繁華地帶。E.A.Two曾經前往港島區清真寺，被薄荷綠色建築同獨特裝修設計吸引，未有深入了解，今次就嘗試參觀導賞團，了解香港殖民時代嘅穆斯林歷史文化，更有機會破例登上旋轉樓梯上嘅大平台，真歷史建築值得拍拖兩個人逛逛！
九龍西廢棄炮台隱藏尖沙嘴九龍公園！改建歷奇樂園遊樂場變小型城堡／瞭望台
【#神秘炮台】講到香港景點，身為香港人已經去到無意欲再提；所謂情侶拍拖兩個人嘅香港好去處，已經被網絡平台講到「爛」。個「爛」係歧義，一係指講得太多，令景點變成係人都知，唔再新奇有趣；二都係講得太多，但就引咗太多人去，令景點真係變得殘舊。「九龍公園」都算係講到「爛」嘅知名香港景點之一，最近更有博物館展出全新嘅「恐龍化石」，推動「恐龍經濟」！而事實上，公園內重有一個真真正正隱藏嘅歷史痕跡，只不過炮台堡壘一早變成遊樂場！
驚見全港最神秘郵筒！青山醫院參觀精神健康體驗館設5大展區 即睇報名方法體驗精神病患者情況
【#了解精神病】青山醫院向來都係重門深鎖，外人一般係嚴禁進入，而偏偏有個全港最獨特嘅英式郵筒就位於醫院範圍內，真係神秘得難以找尋！近月，青山醫院內就開放一個精神健康體驗館，不妨拍拖兩個人去了解吓精神病患者嘅實況。原來亦只可以從後門進入。不過，E.A.Two編輯入正門問路，赫然發現呢個最神秘嘅郵筒竟然活現眼前！