【曼谷美食】全曼谷最高水平打卡咖啡店！Nana coffee 獨有椰青咖啡／精品咖啡一試難忘！

講到曼谷咖啡店第一推介，E.A.Two必然要數「NANA Coffee Roasters Ari」，既係當地知名連鎖咖啡店，亦係當地人最愛咖啡店，更加係編輯於曼谷飲過最難忘嘅Coffee Shop，值得拍拖兩個人前往一試再試！

距離BTS站僅有約5分鐘步程嘅「NANA Coffee Roasters Ari」，為曼谷Number 1咖啡店，分店於2022年方才進駐Ari區，成為該區必到嘅網紅咖啡店。

該Cafe縱然只係位於Ari區巷弄之間，但由外觀到室內，都令人難忘。建築物由約50年老宅改建而成，舊式設計與現代風格二合為一，復古與新潮兼備，加上正門內外添上唔少植物，綠意盎然。

室內分成兩層，上、下兩層分別有唔同座位，地方寬敞。既有正常座位，亦有梳化及吧檯，甚至有小房間，方便客人Gathering。另外，店內亦有DJ打碟，當一邊品嚐咖啡嘅時候，亦可以一邊聽聽現場播放音樂，環境勁chill，絕對可以消磨半日！

講到咖啡質素，更加無庸置疑，皆因「NANA Coffee Roasters Ari」係來自「NANA Coffee Roasters」，係泰國著名咖啡店，不僅由世界級咖啡師冠軍打造咖啡選項，亦有多款咖啡選擇，除咗黑白咖啡，亦有手沖咖啡等沖泡咖啡方式，任客人選擇。除咗咖啡，店內亦有唔少輕食及甜點供客人選擇，比如係All day breakfast、多士、撻、小蛋糕、牛角包等，造型吸睛，不過價錢就比咖啡貴。

店內咖啡豆來自唔同國家，當咖啡沖泡完畢，自然會有通知，咖啡會擺放於小型木盤上，而每一杯咖啡背後都有一張小卡，介紹咖啡豆種類及來源，讓客人得知所點嘅咖啡由來，透明度高。比如當日實試嘅咖啡，內含costa rica及house blend嘅咖啡豆，同樣係果味重及帶有酸甜味，令咖啡不僅無苦澀味，而且原始味更濃。

大多數當地人都係點選最簡單嘅coffee或non-coffee，最平嘅Espresso為100泰銖。而精品咖啡則為最昂貴嘅選項，大概為250泰銖。而編輯今次挑選2款比較特別嘅咖啡，一款係Thai Style，另一款則為Nitro Coffee，價格分為為130及250泰銖，折合港幣為32.5至62.5元，其實已經比香港咖啡更抵飲！

Nitro Coffee及Thai Style都係精品咖啡，製作需時，需要耐心等候。Nitro Coffee即氮氣咖啡，咖啡味濃厚，入口唔苦，餘韻極大。而Thai Style更加係打卡必點嘅隱藏咖啡之一，皆因呢杯泰式咖啡其實係椰青咖啡，上層為咖啡，而下層全為椰青水；椰青味非常清甜﹐完全中和咖啡味，從未試過一杯咖啡飲完唔似一杯咖啡。原來椰青水溝咖啡係極解渴，飲完一杯係絕對唔會覺得口渴，無需要飲水，味道令人難忘！

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ NANA Coffee Roasters Ari店距離BTS Ari 站只有約5分鐘步程，沿Phahon Yothin 7走，之後轉入Ari 4 Alley即達。

❷ 咖啡店入口寫有NANA字樣，門口一般停泊有好幾架車，正門喺入面，不過左邊係其他店舖，要行入去先會見到咖啡店入口。

❸ 店內分上、下兩層，亦有小房間及吧檯可以選擇。上層亦有洗手間。

❹ 先去收銀處俾錢，買完之後可以搵個位坐低等待。如果飲精品咖啡，建議同時拎多杯清水，水為自助模式。

EATWO

Miss A

【區區有小店2024】樂富4間尚存本土餐廳推介！煲仔飯／煎釀三寶／港式茶記｜樂富美食推薦2024

兩個人旅吓行

專題

E.A.Tips :

NANA Coffee Roasters Ari／นานา คอฟฟี่ โรสเตอร์