【曼谷美食】主吸學生／泰國人！社區市場平民熟食中心隱身大學！近24小時商場Samyan Mitrtown ｜Samyan Market

曼谷有好多知名商場，「Samyan Mitrtown」由2019年開業至今以24小時營業而為人熟悉，商場年輕化而無時尚品牌，吸引當地年輕人行逛。今次E.A.Two編輯並非純粹帶大家走過呢個24小時平民商場，更搵到一個隱身於曼谷大學範圍內嘅平民熟食中心及社區市場，拍拖兩個人去曼谷自由行不妨去試吓啦！

Samyan Mitrtown

泰國曼谷大部份市區商場都有如倒模，多數有知名品牌進駐，但MRT線「Samyan 站」直達嘅「Samyan Mitrtown」就一反傳統，以文創及藝術為主，並無高檔品牌。反而主打年輕化，各式商店偏向生活化，既吸引當地年輕人，亦有唔少文青類店舖，比如係DIY店、手工藝店、文具店、生活雜貨店等，3樓亦有大型裝置藝術。

「Samyan Mitrtown」內嘅商店價格親民，各式餐廳美食都唔貴，唔少商店更會24小時營業。當然，商場內亦有連鎖店，比如係7-Eleven、KFC、Starbucks、船麵店Pranakorn、甜品店Swensen等，連座落地牢嘅Big C Foodplace及泰國版誠品書店Mind Space都係24小時營業，更有全泰國首間MUJI無印良品嘅Cafe & Meal Muji！

要前往商場，不妨從MRT起步，當中需要穿過一道太空艙隧道，採用通透設計，不單唔怕落雨，而且打卡必到！另外，頂樓5樓既有空中花園，商場內亦有流行嘅Co-working Space，呢個SAMYAN CO-OP空間規劃上做得唔錯。

Samyan Market

「Samyan」區並非只有商場「Samyan Mitrtown」值得逛逛，編輯私心推薦另一個隱藏於曼谷「朱拉隆功大學」內嘅社區市場及熟食中心「Samyan Market」，幾乎無外地遊客，位置係少見曼谷自由行旅客前往嘅美食點。

「朱拉隆功大學」距離「Samyan Mitrtown」商場僅有約10分鐘步程，徒步可達。該大學係全泰國其中一個最古老大學，亦係一所全國最有威望嘅大學，取名係來自當地朱拉隆功國王（拉瑪五世），又名จุฬาลงกรณ์มหาวิทยาลัย及Chulalongkorn University。

原來「朱拉隆功大學」內隱藏一個曼谷社區市場及熟食中心，名為「Samyan Market」。大學範圍週邊有唔少咖啡店，而近運動場嘅「Samyan Market」則有如大學熟食市場，室內有街市，蔬菜、水果等應有盡有，而街市外就有大排檔。

雖然狀似港式大排檔，樓上樓下都有排檔，但整體又幾企理，今次探路未有試平價牛扒，隨便挑選2間一試，其中一間係泰式烤雞店，另一間為鮮榨水果沙冰店，每間食肆皆價格實惠，非常親民，難怪係當地人及學生喜愛到嘅地方。

即使只係隨便點一碟烤雞飯，人均僅約50至60泰銖，烤雞香口惹味，飯粒為黃薑飯，而全隻烤雞亦只係60泰銖，性價比高，足以令人回味。至於一杯水果沙冰，每杯亦大概係50泰銖左右，水果味充足。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 乘搭MRT至「Samyan 站」，於2號出口出站，沿指示牌走即達，中途會穿過一條隧道，該隧道有如太空艙，之後就可以直達商場B1層。另外，都可以跟google map從地面去商場。

❷ 商場於2019年開業，部份店舖仍為24小時開放。

❸ 從MRT徒步至SamYan Market，大概10分鐘步程。

❹ SamYan Market係位於朱拉隆功大學範圍內。市場位於一座大樓內，大樓外面寫有「Block 28X」。

EATWO

Miss A

【區區有小店2024】葵芳9間尚存本土餐廳推介！高水準叻沙／潮州粉麵／小型居酒屋｜葵芳美食推薦2024

Samyan Mitrtown

Samyan Market

兩個人旅吓行

專題

E.A.Tips :

Samyan Mitrtown

SamYan Market／ตลาดสามย่าน