【曼谷旅遊App】實測4個交通App邊個搭BTS最user-friendly？8大必備曼谷實用App！翻譯／搵餐廳／搵Spa不求人！

泰國曼谷向來係香港人其中一個旅遊熱點，機票平，洗費又平，適合拍拖兩個人平去旅行。不過，泰文無論語言定文字都難以辨認，去曼谷自由行言語不通，點都有啲困難。好彩家陣科技發達，只要下載適用於泰國旅遊嘅App，自然可以輕鬆暢遊泰國。但App Store咁多選擇，揀邊個最好呢？今次E.A.Two編輯就為大家實測各款實用App，幫大家於8個範疇都嚴選1個最合適嘅旅遊App；4個最多人使用嘅交通App中，邊個最user-friendly呢？

曼谷最佳交通App﹕Bangkok Metro Transit Map

曼谷BTS及MRT係當地主要交通工具，等如香港MTR、日本JR、台灣捷運。想要清楚BTS及MRT乘搭及轉乘路線，以及車程時間、車費等資訊，交通路線規劃App就可以令旅程更方便。其中，「BTS SkyTrain」、「Bangkok Metro Transit Map」、「城市通」、「Bkk Rail」都係最多人選用嘅鐵路App。

好多人會選用「BTS SkyTrain」，亦係BTS官方App，主要語言係泰文及英文，路線圖連結埋地圖，大概可以知每個站喺邊個位置。另外，亦有多種現存交通卡資料，例如Single Journey Card、One Day Pass、Rabbit Card，亦有路線及車費，甚至巴士資訊及各種BTS新聞。至於「城市通」基本上唔太好用，但最大優點只係有全球離線導覽功能，好多國家嘅鐵路線都有顯示。另外，即使當時無Data又無Wi-Fi，都可以查看資訊。

而「Bangkok Metro Transit Map」係編輯選擇嘅交通App，主要幾條路線都會顯示，語言亦只有英文及泰文。撳起點至終點會比較方便同易睇，包括BTS及MRT站。比如想要由A點去B點，該App會直接教路點幾多個站、邊度轉車，車費與車程所需時間通通於同一個畫面一覽無遺，所以該App係最user-friendly嘅一個曼谷交通App。

「Bkk Rail」係4個App中比較少人選擇嘅一個，但呢個交通App就係更新得最快嘅一個，因為該App連仕全新MRT黃線都有顯示，亦係唯一有顯示同可以查詢嘅一個交通App。不過，該App僅以泰文為主，所以其實只係用嚟睇MRT黃線，否則係唔需要下載。

曼谷最佳Call車App﹕Grab

雖然曼谷大部份景點都能夠經BTS或MRT直達，但有啲人想去距離鐵路有一段距離嘅景點或餐廳，咁就需要使用Call車App。Call車App中有「Grab」、「Muvmi」、「Bolt」、「Moovit」、「All Thai Taxi」，其中最方便快捷嘅Call車App要數「Grab」。而「Muvmi」其實係一種電動Tuk Tuk共乘服務，以預付方式book車，實時撳起點及終點，無現金交易，無跨區行駛，不過司機大多唔識英文，只識泰文。

「Grab」本身係泰國好受歡迎嘅Call車App，連旅客都會使用Call車服務，該App等同全球通行嘅「Uber」，都係可以Call車、送貨，甚至有訂票、支付等功能。據悉，現時重有女性司機及殘疾人士服務。不過，「Grab」搭車就唔係「Uber」式，反而係的士模式，都係採用跳錶式收費，即係以實際距離及時間計算價錢，只係可以選擇用現金或電子支付，建議俾現金，無需無手續費。

不過，大家可能會擔心會被車到老遠，編輯只係覺得「Grab」係方便，唔等如要用，如果驚就寧願唔好去遠嘅景點，搭鐵路就最穩陣。如果有啲路線稍遠，唔想行太多，旅程上最多加埋「Muvmi」，起碼架車去唔到太遠。

曼谷最佳翻譯App﹕對話翻譯

如果想用最快速度事前學定簡單泰文，建議下載「學語言」App﹐基本實用場景會話都可以即時學到。而若然想同泰國人即時對話，不妨下載定「對話翻譯」App，可以將自己嘅語言翻譯成泰文，vice versa。雖然咁樣對話係有啲麻煩，但至少可以同泰國人對話囉，唔通次次用「Google Translate」咩！另外，該App不單止可以翻譯泰文，連其他國家語言都適用，所以就算去他國，又唔識當地語言，都可以使用，唔需要刪除，亦唔需要每次旅行都下載一次翻譯App。

曼谷最佳天氣App﹕Amber Weather

要預測曼谷最準確嘅天氣，想要知道著咩衫，或者使唔使帶備雨傘，記得要留意當地天氣報告。當然，iPhone預設嘅「天氣」App都可以查詢各地天氣狀況，直接打「曼谷」就能得知一個星期嘅天氣預報。不過，想要更準確得知泰國曼谷天氣預測，就要下載「Amber Weather」App，有泰文、英文，甚至繁體中文，方便好用，而且準確度高﹐具有參考價值。

曼谷最佳唱錢App﹕SuperRich／SuperRich TH

講到曼谷唱錢地方，必然要數「SuperRich」、「SuperRich TH」，一個以橙色為主調，另一個就以綠色為主調，連2個換匯店嘅App亦左右分明。以最簡單方法分辨2間找換店，橙色係「SuperRich」、綠色係「SuperRich TH」。好似另一個post所講，橙色係比較多分店，綠色就係比較分店，但有部份分店可能匯率會較高，但市中心如Siam就無咩分別。

2個App嘅作用係可以睇到各自找換店嘅分店地址，以及當日匯率等資訊。如果你本身有下載Google Map，以及其他睇匯率嘅App，其實無必要下載多2個App。只不過，官方App嘅匯率有機會係比較準確咁解，但泰國匯率今日同聽日基本上無乜太大上落。

曼谷最佳Spa App﹕GoWabi

「GoWabi」其實係一個泰國當地嘅人氣美容平台，基本上主要係賣美容服務，例如係Spa按摩類別，或者facial、修眉、美甲、脫毛，甚至醫學美容等。App內有大概300間按摩店，亦有超過1400個療程套餐可以選擇，喜愛去泰國做Spa嘅朋友，不妨下載呢個App睇睇！

曼谷最佳美食App﹕Wongnai

香港有Openrice，可以找尋全港嘅餐廳美食；泰國人都有找尋餐廳美食嘅常用App。要找尋美食，可以從幾個App入手，包括「Wongnai」、「Foursquare」、「Eatigo」等。而曼谷人最常用嘅美食App叫做「Wongnai」。基本上，整個App都以泰文為主，只係可以切換成英文語言。用戶可以瀏覽或搜索各區餐廳及景點，預先睇吓餐牌，再睇其他用戶嘅評分，去餐廳之前做吓資料搜集，就可以減少中伏機會啦！