以香港平民美食地帶嚟講，葵芳「葵涌廣場」絕對係多年嚟嘅佼佼者，從好多年前開始，已經係年輕人拍拖兩個人掃街好去處。今時今日結業潮湧現，於葵廣逛街嘅朋友雖然年紀大咗，但掃街嘅朋友依舊年輕。雖然葵廣係一個小食大本營，但要於葵廣搵食，必然要跟住呢個清單掃街！
層數﹕地下
合興隆
位於葵涌廣場地下一角嘅「合興隆」，以售賣懷舊小食為主，係比較少人認知嘅小店，當中有魷魚絲、豬肉乾、芒果乾、齋雞粒、魚皮花生、涼果、香蕉糕等傳統零食，價格合理，甚至有以前編輯最憎食嘅花占餅。
孖寶車仔麵
於葵廣中最為人熟悉又存在最耐嘅小店，孖寶車仔麵必然係其一，店內至今依舊售賣街坊車仔麵，只係物價上升，店內車仔麵都加價至$50，以三餸一麵計。
問卷？手卷專門店
邊行邊掃街係以前逛葵廣嘅指定動作，所以大多數小店都係外賣為主，地下一層有「問卷？手卷專門店」，價錢低廉，丼飯低至$30，係學生哥午餐之選，亦係打工仔糧尾選擇。
ET鹽水雞
屬於連鎖店嘅「ET鹽水雞」，於港九新界都有分店，故此編輯亦唔打算多講，因為每一間都係差唔多，只係編輯試過鹽水雞質素麻麻，回頭率偏低，但由於價格較低，所以唔少人依然幫襯。
層數﹕1樓
慧食貓
由葵涌廣場開到旺角中心嘅「慧食貓」，同樣以台式手抓餅為主打，餡料豐富，口感酥脆，甚為香口，亦係一間學生哥掃街嘅好選擇。
小黑糖
而「小黑糖」就係其中一間屹立得比較耐嘅香港小店，店內以台式黑糖珍珠奶茶為主，多年嚟依然存在在，而且受到歡迎，茶飲之選。
Nuttea
至於「Nuttea」，就係另一間茶飲店，顧名思議，亦係以各款茶類為主，特別係堅果類嘅茶，包含有紅茶或綠茶，令茶底有果仁香味。
層數﹕2樓
Chill Sweet
位於2樓美食區內嘅「Chill Sweet」，以健康飲品為主，比如係椰皇雪燕桃膠、雪燕白桃烏龍、黑糖桃膠鮮奶，相當養顏，適合女士飲用。
鳩戟
同樣位於美食集中點嘅「鳩戟」，亦係葵涌廣場內年資比較長嘅小店，店內多年嚟一直以班戟為主打，口味款式眾多，班戟名甚至抵死啜核，其中重有季節限定選擇。
貓麵
另一間年資唔少嘅小店係「貓麵」，主打係以前學生哥必揀嘅自選撈冷麵，而店內亦有各款意粉，其中撈冷麵重點在於一個小型透明膠袋內只放有幾條麵同少量餸，以前幾蚊有交易，而家一款餸最低要$8。
味之樂
以港式小食為主嘅「味之樂」，有如街邊掃街小食店，除咗燒賣、魚蛋，亦有各款滷水小食，甚至係串燒，其中魚肉燒賣$10有7粒，而魚蛋更加低至$10有9粒。
真．章魚無雙
於葵涌廣場及旺角中心都有分店嘅「真．章魚無雙」，基本上同旺角中心分店相同，同樣有多款口味嘅章魚小丸子，留意同大部份小店一樣都係只收現金。
李圓圓
而「李圓圓」亦係一間屹立得較耐嘅台式茶飲店，除咗古早味冬瓜茶、黑糖珍珠鮮奶，亦有清新嘅檸檬茶系列，台式飲品至少係有檸檬味。
見字搵食
葵涌廣場內嘅小店，大多數都係熟食及小食店，而「見字搵食」就係售賣雜貨，但就包含多款本土選擇，例如來自「小杜良品」嘅增胖麵、麻辣鴨血，以及來自「Popcorn Brother」嘅桶裝爆谷，重有來自「花果園餐廳」嘅花果茶等等。
Mexiroll 墨西哥卷專門店
同樣位於2樓嘅「Mexiroll 墨西哥卷專門店」，係一間隱藏級人氣店，店內嘅墨西哥卷一直受到客人歡迎，唔算排隊好勁，但客人仍然一個接一個。
層數﹕3樓
清玉
葵涌廣場內有多間茶飲店，位於3樓嘅「清玉」就係其一，而且係一間為人熟悉嘅連鎖茶飲店，當中檸檬愛玉系列都係受歡迎之選。
繼光香香雞
3樓全層基本上都係美食區，甚至形成一道美食街，不過就唔係間間都值得一試。來自台灣嘅「繼光香香雞」就係其中一間可以品嚐嘅炸雞店，包含台式風味炸雞，酥脆可口。
犀牛犀牛
同一層樓內，亦有另一間連鎖式茶飲店「犀牛犀牛」，相信大家對呢間小店愈來愈熟悉，店內既有茶飲，亦有吐司、蛋餅可以選擇，同其他分店大致上相同。
烤焗工房
至於喺葵廣屹立多時嘅「烤焗工房」，顧名思議以烤焗小食為主，較受歡迎嘅小食要選炸雞翼、魷魚鬚、雞軟骨，以及牛柳粒、炸雞扒等。
TOP世界
呦呦鹿鳴布丁燒
位於TOP世界內嘅「呦呦鹿鳴布丁燒」，以多款香甜嘅布丁燒為主，店舖一直位於另一道美食區內，但目前需要穿過極臭嘅螺螄粉專門店，建議從「Chok雞」𠴱邊進入及離開。
光明大地
離「呦呦鹿鳴布丁燒」不遠嘅「光明大地」，同樣位於TOP世界內，以水果茶為主，整間舖以炫黑風格設計，令水果茶帶上神秘感，但目前同樣需要穿過極臭嘅螺螄粉專門店，建議從「Chok雞」𠴱邊進入及離開。
Chok雞
位於TOP世界另一端嘅「Chok雞」，多年來一直屹立至今，仍然以Shake Shake炸雞粒為主打，客人可以任選調味粉，自己任Shake，搖勻後，炸雞黏滿調味粉，更香口惹味。
E.A.Tips :
❷ 小食店分佈於每層唔同角落。
❸ 建議食完先繼續行街。
❹ 謹記將垃圾丟到正規垃圾桶內。
葵涌廣場
葵芳葵富路葵涌廣場3座
10:00–22:00
24940630
天水圍新北江商場間間微舖逐間試！芝士面醬汁濃而不膩！1個問題需改善？
【#邪惡芝士麵】天水圍有一個商場係街坊嘅美食廣場，E.A.Two亦曾經到過幾間小店，今次就前往當中另一間，呢間全舖分明以芝士為主打，感覺好家庭式風格，路過不妨拍拖兩個人試一試。
大埔丸茶開業逾5年、選擇困難症適宜！主打台式珍奶卻港味濃？
【#大埔茶飲】香港茶飲店就係台灣手搖飲品店，選擇同樣有好多，但真正嘅本地選擇其實有限，想要拍拖兩個人找尋本土茶飲，記得留意E.A.Two嘅茶飲List。今次前往大埔一間位於廣福道上嘅茶飲店，牆壁滿佈本地明星嘅應援宣傳品，選擇雖然有台式風格，但有就滲有香港味。
大埔街坊逾20年舊式麵包舖！名都餅店平價麵包／蛋撻／忌廉蛋糕
【#傳統麵包】香港傳統麵包店愈來愈少，港式麵包店有種獨特風格，係其他地方模仿唔到。大埔屋邨內有間傳統麵包舖，經營有超過20年，麵包每日新鮮出爐，重有港式蛋撻同生日蛋糕，探訪大埔經過呢一帶不妨拍拖兩個人去買返個最平6蚊嘅麵包。
即睇Tips！灣仔長期排隊店新景園咖哩小廚！馳名中外最高人氣咖喱豬扒飯／乾炒牛河水準如何？
【#人氣咖喱】講到灣仔區最具人氣嘅餐廳，絕對不得不提拒絕藝人譚詠麟直入嘅「新景園咖喱小廚」。該店多年來每日都係大排長龍，無論午市定晚市，開舖前就已經有一條長長人龍，想要拍拖兩個人隨時去食真係天荒夜潭。該店唔單止受本地人歡迎，連中西遊客都慕名而至，到底有咩招牌作，值唔值得專程去食呢？
南昌V City對面有分店！餃里8款餃子任揀湯餃／煎餃／3款湯水、最平$42！
【#平價餃子店】香港有唔少餃子店可以選擇，適合經濟型情侶拍拖兩個人用餐，E.A.Two就曾經食過「好味餃子店」、「甜記餃子」，今次就前往「餃里」，尚餘一間「有得餃」未食過，而呢幾間餃子店都係快靚正又經濟實惠嘅選擇。
【新年巡禮2026】全港逾25間香港小店全素蘿蔔糕／櫻花蝦瑤柱蘿蔔糕／紅棗燕窩椰汁年糕／開心果年糕／鮑魚雲腿蘿蔔糕／麻辣芋頭糕！賀年糕點立即預訂享早鳥優惠！
【#新年巡禮2026】踏入2026，意味農曆新年即將來臨，拍拖兩個人想搵年糕、蘿蔔糕？今次E.A.Two為大家整合2026年新年糕點，雖然繼續出品新年糕點嘅餐廳及商店已經愈來愈少，但有心要搵一樣可以搜羅到，即刻睇睇啱你心水嘅小店！
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。