【香港楓葉季】直擊Hello Kitty限定紅葉巴士首航！朗屏出發抵元朗大棠賞楓兼行山！

Hello Kitty迷召喚！又到咗香港楓葉季節，今年Sanrio同港鐵巴士聯乘推出Hello Kitty主題限定紅葉巴士，並已經於12月2日首航。今次編輯特意到現場作直擊報道兼自肥打卡，Hello Kitty紅葉巴士會從元朗朗屏邨直抵大棠山道，由即日起至明年1月中旬，可以拍拖兩個人作賞楓路線代步工具，即刻睇睇現場限定紅葉巴士啦！

由Sanrio與港鐵巴士聯乘、2023年12月2日已經首航嘅Hello Kitty紅葉巴士，設有限定專車K66A，整架巴士由車頭到車尾，從車側至車內天花及牆身，都滿佈Hello Kitty陪你登山賞楓嘅畫面，必影！

首航日鮮見Hello Kitty迷，只有相關職員，以及大量男性巴士迷、長者組織嘅會員，女性Hello Kitty粉絲最多只係佔20%，所以現場大部份都係巴士迷同$2車嘅乘客，而拎住公仔打卡嘅不足5位，連埋eatwo編輯及Sanrio職員。

是次Hello Kitty首航禮，限定紅葉巴士會率先出發，從朗屏邨直駛至大棠山道，當日所見合共只有2架Hello Kitty主題紅葉巴士。2架限定專車會不斷來回朗屏邨及大棠山道接載乘客往返大棠及元朗朗屏，不設中途站，只有起點及終點。Hello Kitty專車行駛日期從12月2日起至2024年1月14日，但就只限星期六、日及公眾假期提供有限度服務。

巴士車廂內每個座位都寫有1:120嘅Hello Kitty紅葉巴士模型廣告，當中包含紅葉場景，以及車站路線牌，甚至欄杆及燈柱，似乎將大棠楓香林活靈活現。不過，編輯無打算買，亦唔會推介大家買，咩姐，唔好有其他誤會，因為貴囉！香港呢啲嘢，免費考慮吓。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ K66A紅葉巴士上車位置為朗屏邨悅屏樓對出單車路旁邊，巴士站落車會比港鐵站落車近得多，乘搭巴士路線68A／69／76K／268B／268C／268P／968A／968X落車即達K66A巴士站，港鐵落車都要穿過行人天橋，上上落落行約2分鐘。

❷ Hello Kitty紅葉巴士係來往朗屏邨至大棠山路站，班次大約10至30分鐘。朗屏邨悅屏樓開出時間為 09:00-14:00，而大棠山道開出時間則為 13:00-19:00。

❸ 紅葉巴士模型賣150蚊，於朗屏站客務中心、輕鐵客務中心、MTR e-Store有售，直到明年1月1日，不過編輯唔打算放連結。

❹ 紅葉巴士落車位置係大棠山道站迴旋處，如果要去賞楓，要再繼續上行斜路。

❺ 最好事前留意康文署賞花情報網站﹕www.fa.gov.hk/zh/red-leaves.html#blossoming，睇清楚定時最新紅葉情報，分別係綠、黃、開始紅、紅、樹葉疏落 5個級別。

❻

❼

EATWO

Miss A

【區區有小店2025】上環9間尚存本土餐廳美食！萬壽無疆咖啡／脹卜卜餃子／人氣車仔麵

兩個人旅吓行

專題

E.A.Tips :

Hello Kitty主題K66A紅葉巴士