【澳門景點】鄰近紅街市！三盞燈打卡光復街塔石藝文館顯新古典風格

去澳門自由行，大多數人都會聚集於「大三巴」、「氹仔」等知名景點，情侶拍拖兩個人重可以去邊度逛呢？其實「大三巴」以東一帶嘅「塔石」、「三盞燈」都係小眾景點，當中有紅街市及藝文館，重可以打卡一道光復街呢！

而「紅街市」大樓又叫提督大樓，建於1936年，樓高三層，週邊以紅噹噹磚塊砌成，中央有塔樓，四角亦有角樓。「紅街市」兩軸對稱，似現代主義建築，係一個依然運作嘅澳門街市，已經被列入為澳門文物名錄。

「三盞燈」即係嘉路米耶圓形地，係聖安多尼區一個圓形廣場，可以照射出五條街道！而「嘉路米耶」其實係舊時第105任總督，圓形廣場只係用作紀念佢而定。週邊可見飛能便度街、光復街、亞利鴉架街等五條古老街道，當中多聚集緬甸華僑，所以該區較多東南亞美食。圓形地既有古典燈柱，多為休憩區，內有葫式石仔地面同長櫈。

至於「三盞燈」旁嘅「光復街」，全長有230米，闊約3米，表面平平無奇。「光復」一詞其實係來自於葡文「Restauração」，同1640年12月1日嘅貴族革命有關，最終葡萄牙係結束西班牙統治。另外，「三盞燈」旁嘅「光復街」其實同「龍環葡韻」、「嘉模泳池」背後嘅「光復街」同名，都係叫「Pátio da Claridade」。