雖然現時好多人去台灣旅行都係偏好揀民宿或旅館模式嘅住宿，但總有人依然鍾意拍拖兩個人選擇入住飯店。今次E.A.Two去花蓮旅遊就選擇一間傳統飯店，外面既鄰近市中心，室內亦設備齊全，而且有24小時櫃檯服務，對於唔想煩嘅朋友就最適合！
「成旅晶贊飯店．花蓮假期」係「成旅晶贊飯店」系列嘅花蓮店，於台北、台中都有分店，屬傳統飯店模式，該有嘅設備都有。飯店座落於花蓮市中心一帶，附近商店林立，繁華熱鬧，徒步約5分鐘即達花蓮市文創園區，而東大門夜市亦只係15分鐘步程，都算係鬧中取靜。
室內地方寬敞，設計簡約，外面招牌都係以清新綠色系為主，上下層都有提供早餐嘅地方，但主要嘅旅客早餐區就係地庫一層。地面一層有一個商務區，唔單止設有咖啡機、茶包，書架上更有報紙雜誌，後面更有電腦、付費KTV包廂。上層更有洗衣房、健身室，開放時間分別到夜晚9點半、10點半，皆可以免費使用，適合旅遊之餘，其實更適合公務用途。一隅有一個兒童遊樂場，內有彩色波波池、溜滑梯，以及各式遊戲，所以亦適合一家大細入住，開放時間同樣僅到夜晚10點半。
飯店為一間4星級飯店，房間有96間，房型分為雙人房、豪華房、家庭房、豪華家庭房、套房、豪華套房，今次入住嘅只係雙人房，地方唔算好大，但就算大小適中，可以擺放行李箱，小窗戶可眺望少量街景。一端有雙人床，另一端有長形書檯、掛牆電視、雪櫃、衣櫃、保險箱等，飯店有提供兩支水同茶包等。至於浴室，亦算大小適中，設有浴缸及淋浴設備，就一間正常飯店模式。
飯店自設兩個停車場，必定要事先同飯店講聲需要停車，否則未必有足夠車位提供。而飯店停車場位置頗為偏僻，編輯搵咗好耐都搵唔到入口處，結果只能夠先去櫃檯詢問停車場位置及地圖，再將車駛入去。原來可以從和平路405巷或中華路駛入，入口處皆為巷弄，所以係唔容易被發現，停車後就可以從後門進入飯店範圍。
入住客人可享免費早餐，職員會喺入住時一次過派發幾日嘅早餐券，每人一張，屆時每朝早每人拎一張落去食早餐就得。飯店早餐為自助模式，款式並唔算好多，基本上同一般飯店無異，最特別嘅地方應該係同花蓮知名早餐店「公正包子店」聯乘，提供任食公正包子，唔使行過去店舖都有得食！
今次入住3晚，於Agoda預訂合共需TWD 6,630.18，折合港幣大概為HKD1,733 (1,550) ，平均每晚約需HKD500至600，人均則為HKD250左右。
E.A.Tips :
❷ 乘搭台鐵至花蓮火車站，需要徒步約30分鐘，但的士或自駕就只係10分鐘車程，可以請飯店人員幫忙預先call的士到火車站。
❸ 飯店有1樓「柏克菲 / Park Café」同B1嘅「晶饌廳 / Delicacy」，早餐一般係落地庫用餐，早餐供應時間為07:00－10:00。
❹ 飯店有兩個自設停車場，但入口處比較偏僻，未必咁容易搵到，如果自駕，建議先問職員停車場入口位置，然後先泊入去。
❶ 房間內有多個插頭，亦有一個usb插頭可以直接叉電。
成旅晶贊飯店．花蓮假期／Park City Hotel Hualien Vacation
台灣花蓮縣花蓮市中華路231號
+88638360099
http://www.parkcthotel.com/hualien-vacation/
西環蛇竇茶記創意咕嚕拔絲豬扒包！早午晚下午茶時間真「蛇王」無限時任坐！
【#創意豬扒包】茶餐廳係係好有獨特風格嘅香港特色之一，港式茶餐廳其實唔只係香港人嘅飯堂，唔少旅客都會專程去港式茶記搵食。不過，拍拖兩個人去茶餐廳，可能會畀人感覺太迆，但其實只要搵到賣相同味道兼備嘅經濟選擇，一樣可以係男男女女一齊去食嘅小店。
美孚全新五目食堂街坊價日式定食餐CP值高！甜品森林姊妹店、Cafe 82舊店重開！
【#美孚新店】雖然香港近年係出現結業潮，但依然有唔少小店於逆市中開業，非常勇敢，更加值得拍拖兩個人支持。美孚早前就有間咖啡店宣告結業，近日就有間同樣位於該區嘅小店喺原址開設姊妹店，以日式定食為主打，E.A.Two前往呢間新店嘅時候，只係剛剛試業5日！
上環半山樓梯街轉角黃色頭盔公仔壁畫已失蹤！輝煌快餐店平價港式碟頭飯！醫學博物館咫尺可達！
【#半山快餐店】香港地道美食其實真係值得推廣出去，雖然好多已經消失得無影無蹤，但依然有唔少真港式美食存在。現時好多香港餐廳已經唔再係本土美食，甚至只係扮港式，如果唔同外地旅客講，真係外地旅客們好大可能會誤解咗港式餐廳。E.A.Two今次上行至上環半山一帶，再次前往當中一間樓梯轉角處嘅地道港式快餐店，呢間小店毗鄰一間博物館，適合拍拖兩個人前往，只不過原先嘅靚靚壁畫已經被消失。
灣仔《米芝蓮》中菜原汁原味、主打無味精菜式！原籠蒸飯／鴨腿湯飯／菠蘿咕嚕肉、$8碗中式糖水
【#原汁原味】香港餐廳能夠經營多年唔容易，能夠維持水準更難，灣仔有一間標榜無味精同少油嘅中菜館，連名都講明「原汁原味」，甚至獲得《米芝蓮》星級推介，追求無味精嘅話，不妨拍拖兩個人一試。
坪洲轉角咖啡店出色Affogato／椰子咖啡！Island Table Grocer Cafe 距碼頭僅130米、餐牌設飽肚菜式
【#坪洲咖啡店】坪洲係一個香港小島，地方細到想拍拖兩個人搵多幾間小店都唔容易，因為本身餐廳都係比較少。E.A.Two就曾經去過當中一間茶餐廳，今次就去另一間咖啡店，希望佢依然係一間小店啦。
西九文化區海濱長廊海景咖啡店Cupping Room分店眾多！椰香抹茶／香料咖啡、特設寵物美食／冠軍精品咖啡？
【#海景咖啡店】海景Cafe向來就係一個流量密碼，唔少人都鍾意拍拖兩個人前往能夠望海嘅咖啡店，景觀多數都係令人放鬆，而鍾意打卡嘅朋友更加會鍾意打卡呢一類型嘅咖啡廳。而E.A.Two就發現目前嘅西九文化區一間都無食過，所以至少去補返一間先，今次呢間咖啡店於香港有多間分店，唔單止有冠軍精品咖啡，戶外座位亦係寵物友善嘅空間，入面更特設寵物美食。
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。
金鐘CBD隱藏歷史遺跡！香港賽馬會復修軍火庫空中花園眺維港！入口神秘、保留火藥路軌、打卡石屎森林蜿蜒天橋！
【#CBD景點】香港CBD一帶向來都係金融中心、商業地區，四圍都係高聳商廈，景點並唔多，唔係近海就係近山。今次E.A.Two帶大家前往隱藏於金鐘區內嘅歷史遺跡，既保留舊時軍火庫，亦加入可眺望維港嘅空中花園，放空必到！拍拖兩個人更可以打卡石屎森林中嘅蜿蜒天橋，景點免費入場！
【下集】直擊馬灣舊村8大僅存完整保留打卡位！2025年翻新完畢正式開放、全變空盪盪彩色小屋？
【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！
實試百年法定古蹟導賞團、螺旋形樓梯登小平台！些利街清真寺毗連中環半山扶手電梯！假日開放、打卡搶眼薄荷綠色！深入了解穆斯林與天主教分別！
【#隱藏平台】香港有唔少教堂都好靚，但大多數都係來自於天主教、基督教，來自於伊斯蘭教嘅清真寺就相當稀少，九龍、港島分別僅有1間，皆位處該區繁華地帶。E.A.Two曾經前往港島區清真寺，被薄荷綠色建築同獨特裝修設計吸引，未有深入了解，今次就嘗試參觀導賞團，了解香港殖民時代嘅穆斯林歷史文化，更有機會破例登上旋轉樓梯上嘅大平台，真歷史建築值得拍拖兩個人逛逛！
九龍西廢棄炮台隱藏尖沙嘴九龍公園！改建歷奇樂園遊樂場變小型城堡／瞭望台
【#神秘炮台】講到香港景點，身為香港人已經去到無意欲再提；所謂情侶拍拖兩個人嘅香港好去處，已經被網絡平台講到「爛」。個「爛」係歧義，一係指講得太多，令景點變成係人都知，唔再新奇有趣；二都係講得太多，但就引咗太多人去，令景點真係變得殘舊。「九龍公園」都算係講到「爛」嘅知名香港景點之一，最近更有博物館展出全新嘅「恐龍化石」，推動「恐龍經濟」！而事實上，公園內重有一個真真正正隱藏嘅歷史痕跡，只不過炮台堡壘一早變成遊樂場！
驚見全港最神秘郵筒！青山醫院參觀精神健康體驗館設5大展區 即睇報名方法體驗精神病患者情況
【#了解精神病】青山醫院向來都係重門深鎖，外人一般係嚴禁進入，而偏偏有個全港最獨特嘅英式郵筒就位於醫院範圍內，真係神秘得難以找尋！近月，青山醫院內就開放一個精神健康體驗館，不妨拍拖兩個人去了解吓精神病患者嘅實況。原來亦只可以從後門進入。不過，E.A.Two編輯入正門問路，赫然發現呢個最神秘嘅郵筒竟然活現眼前！